“Mwaakan te Atua Bon te Bwaintangira!” Te Rao, Tebetembwa 2025, 20–21.
Mwaakan te Atua Bon te Bwaintangira!
Anaaki man “Kakoroa Nanon Tibwangam ae Onoti,” Riaona, Nobembwa. 2024, 7–10.
I kawara Harmony , Pennsylvania, USA n te tai ae aki maan n nako. Ikanne, iaan te aroka n te buakonikai, e kaokaki te nakoanibonga nakon Iotebwa Timiti ao Oliver Cowdery. I nakon naba te auti are a maeka iai Iotebwa ma Emma Timiti. Inanona, I tei ietan te wintoo ao n iangoa te bwai ae iangoia Emma ngke e taraa te winto anne.
E karokoi rongorongo aika kakawaki te Uea nakon Emma rinanon Ana burabeti, Iotebwa. Ti kona ni wareka te rongorongo aei n Reirei ao Berita aika Tabu 25.
Te moan, e tua te Uea nakon Emma bwa iai tabena n Ana babaire. E kauringnga bwa bon ngaia natin te Atua i abanueana.
Te kauoua, e anganaki te kaantaninga iroun te Uea. E korakora taben Emma ni kaokan bwaai. E weteaki bwa e angareirei n te taekan te aro ao imwiina e karaoa te moan boki n anene!
Kabaneana, e reirei Emma te Uea aron ana berita aika a tabu. E buokia ni kaaniaki ma te Tamnei man kawakinan berita aika tabu, e na tamaroa rik iai, ao e na karekea te kairiiri ibukin maiuna iai.
Au kantaninga bwa ko na reiakina aron otenanti n te nakoanibonga ao berita man otenanti ake a na karekea nakon maium mwaakan te Atua. Ti bane n kona ni karekea ana bwaintangira te Atua ibukin mwaakana. Ti butimwaea te toa ni katoa tai. Ni katoaa te tai ti rin n te tembora.
Te Takakaro ni Katangitang ni Kakibakiba
E tuangaki Emma Smith bwa e na karaoa te moan boki n anene ibukin te taromauri. Ti teimatoa n anenei kuna n taromauri n te bong aei! Ikaruoruo n kakiba te koin ke te bwai ae uarereke i aon te kairaraba. Ngkana e toka iaon te tamnei, iangoa te kuna ae kaineti ma atuun te rongorongo anne. I mwiina ikotaki n aneneia!
Kamataataan te tamnei iroun Shawna J. C. Tenney