Ana Kabaraaki ni Bwabetito Harvey

E tekateka ni koomwaki Harvey mai ibuki n te taxi ma Ibu (Tinana) ao Bapak (Tamana). Bon iaon kawaia nakon te taromauri ibukin ana bwabetito Harvey.

“Bapak, tera am namakin ngke ko bwabetitoaki?” E titiraki Harvey. E bwabetitoaki Bapak tabeua te namwakaina n nako. Ngkai ai waniua ana ririki Harvey, e nang manga bwabetitoaki naba!

E iango Bapak tabeua te miniti. “E rang mwaitorotoro te ran!” e taku ma te ngare. “Ma I namakina naba te tangira ae bati. E ngae ngke angiia ara utu bon tiaki kain ara ekaretia, I namakina naba aia tangira ao ana tangira te Atua.”

Ngke a roko n ana kateitei te ekaretia, tabeman aomata man te ekaretia a buokiia ni kanoa te nei n te ran ao ni katauraoi.

“Harvey, e a boo am tai n oneiko ni kunikaim ni bwabetito,” e taku Ibu. E katoua atuuna Harvey ao e kakaea te baeki are oneana inanona. Ma bon ti kawaerake mainaina inanon te baeki. E aki roko n te reke ana kabaraaki te mainaina! E tuoi baeki ake tabeua ao e tarataranako n te umwantabu.

“Ibu, akea au kabaraki ikai,” e taku Harvey.

E mata n un Ibu. E tuoi riki tabeua baeki. “Ti a kan katikui n te taxi.”

“Iai tabeua kunnikai ni bwabetito ni nnen kunnikai,” e taku Titita Putri. “N na nako n anai.”

Ma kunnikai ni bwabetito man te nne ni kunikai a rang ni bubura ibukin Harvey. E taraa n raraoma Ibu. E na waaki te bwabetito. A mwaiti aomata aika a roko ikai, ao akea ana kabaraaki Harvey.

“Tao ti kona n tataro bwa te turaiwa n te taxi e na uota te kabaraaki ni kaokia” e taku Harvey. “Ma ngkana e aki uotia, I a kona ni kabongana te kabaraaki anne ae rang bubura. I aki tabe bwa tera ae I bwainna. “I tii tangiria ni bwabetitoaki.”

A katoua atuia Ibu ao Bapak. A uaia n nakon te umwanikuuka, are e aki karongoa. Ngkanne a booti baia ao a kabaraaki atuiia.

E tataro Harvey. “Tamara are i Karawa ae ko tangiraki, ko rabwa ngkai I a kona ni bwabetitoaki n te bong aei. Taiaoka ni buoka te turaia n te taxi bwa e na uota rikaaki au kabaraaki. Ngkana e aki, e bon RAOIROI naba.”

Imwiin aia tataro, e nako n oneia Harvey n te kabaraaki are e rang bubura. E rokoroko iaon bubuan waena.

“Harvey!” Titita Putri e wewete man te kawai n rin. “E a roko te turaiwa n te taxi.”

Harvey ao Ibu a kaitibo ma te turaiwa n te taxi irarikin te mataroa n rin. E taua ana kabaraaki Harvey!

E taku, “I tanrikaaki ao I a nooria iaon te kaintekateka,”. “I iangoia e bon bae n ami bwai.”

“Ko rang bati n rabwa, e taku Ibu.

E anaa te kabaraaki Harvey mairoun te mwaane. “Ko rabwa.”

E moangare te mwaane ao e kaboo.

N te tai ae aki maan e nang waaki te bwabetito. E oneia n ana kabaraaki Harvey. E bon tau raoi! Ao e bon mainaina ao n itiaki.

Ngke e nakonako inanon te nei Harvey, e rangi ni mwaitorotoro te ran! E taekina te tataro Bapak ao e bwabetitoa Harvey. Ngke e otinako man te ran, e namakina te itiaki ao te rau inanona.

E kaira Harvey n otinako man te nei Bapak ao e rabunna n te taara iaon angan Harvey. E iangoia ni kabane aomata Harvey ake a buokia ao a boutokaia. Ibu, Bapak, te turaiwa n te taxi, ao ana utu. Ao Tamara are i Karawa ao Iesu Kristo naba.

E inga Harvey ma Bapak. “Eti anne. E rang mwaitoro te ran!” A uaia ni ngare. Imwiina e tarai man Bapak Harvey. “Ma ko bon koaua n te bwai riki teuana. I namakina te tangira ae bati.”

Kauka te PDF

Tamnei ni kamatata iroun Bethany Stancliffe