Katean Nauvoo

Aika a Itiaki n boong ake rimoa a maeka n umwa n rianna irarikin te Karaanga ae te Mississippi

E tuangiia aika Itiaki te Uea bwa a na ikotaki n te tabo ae boou. E kaan ma te karaanga ae bubura, n te aba ae mwaimwai ao ni bokaboka. Tiaki taraan te tabo ae tamaroa bwa e na kateaki te kaawa iai. Ma te Burabeti Iotebwa Timiti e ataia bwa man ana ibuobuoki te Uea, a kona ni karaoia bwa e na tamaroa.

Te mwaane e uota te kai iaon angana, te aoti ao te aenikaa ma bwaai ni kateitei, ao te auti te kai

Iotebwa Timiti ao mwaane tabeman a kawenei buriki ngkai a katea te auti

A mwakuri korakora aika Itiaki ni karaoia bwa te tabo ae tamaroa ae na maekanaki. Iotebwa e arana te taun Nauvoo, are nanona te “tabo ae tamaroa.”

E kotea te tabo Iotebwa Timiti are e na kateaki iai te tembora.iaon te maunga

E tangiriia Ana aomata aika Itiaki te Uea bwa a na katea te tembora i Nauvoo. A waekoa ni waaki ni mwakuri aomata.

E reireiniia Aika Itiaki ake tabeman Iotebwa Timiti i nanon te auti

Iai kakabwaia aika korakora ake e na anganiia Ana aomata te Uea. I nanon te tembora, a na karaoi berita aika a tabu, ke berita aika onoti, ma te Uea. A na kona naba n reiakina taekan ana baire ni kakukurei Tamara are i Karawa ibukiia Natina ni kabane.

Te Nauvoo Tembora ae e a tia raoi karaoana

A mwakuri korakora aomata aika Itiaki ni katea te tembora. E abwabwaki te tai karaoana, ma a kukurei n reiakina taekan te berita ae onoti are e katauraoia te Uea ibukiia inanon Ana tembora.