“5 Bwaai aika ana Uringaki ni Kamanoan te Rabwata,” Rao, Tebetembwa 2025, 38–39.

5 Bwaai aika ana Uringaki ni Kamanoan te Rabwata

Rabwatam bon te bwaintangira mai iroun Tamara are i Karawa. E tangiria ni buokiko bwa kona mano ao ni kukurei. Ngkana iai temanna ae kataia ni kaikoakiko ma taeka ao mwakuri, aika aki TAMAROA! Ti riai n akoi ao ni karinerine nakoia aomata, ao ti riai ni kantaningaia bwa a na akoi ao ni karinerine naba nakoira.

E tamaroa taekinan tiaki, riki nakon te ikawai. Ngkoe ae kona tabeakina rabwatam. Nanon anne bwa kona baireia ngkana temanna e kona n ringko, kooniko, ke ni kitiniko. Ko kona ni kataneiai n taekina “Tiaki,” “Tai riingai,” ao “Katukai n arou.” Ngkana ko riingaki ke ko tuangaki bwa kona karaoa te bwai ae ko aki mweengaraoi iai, e tamaroa bwa kona kangai tiaki ke kiitanna ngkana ko kona.
Ataia bwa enga te riring ae mano ao ae aki mano. Te riring ae mano e buokiko n namakinna ae ko tangiraki (n aron te irabwati ke te kaunibai i eta) ke tiku n itiaki ao ni marurung (n aroia kaaro a buokiko n tebokiko ke te taokita ae buokiko ngkana ko aoraki). N tabetai te riring ae mano e kona ni kammaraki, n aron te itinaki, ma e mano ibukina bwa e kateimatoako bwa kona marurung. Te riring ae aki mano e kamaraka rabwatam ke am namakin, n aron te oreaki, te kebutiaki, ke riingan rabwatan temanna n tabo ake aki tau. Riring aikai a kamaraki ke aki kamwengaraoi a bon aki RAOIROI.
Aikai mwakoron rabwatam aika onoti are e aki kona n riingko iai temanna. Tao aika onoti bon mwakoron rabwatam ake a rabunaki n te bwai n tebotebo i taari. E aki RAOIROI irouia tabeman bwa a na riinga rabwatam ae onoti (iaon ke iaan am kunnikai) ke a tuangko bwa kona riinga aia bwai. Ngkana e riki aei nakoim, taetae nakon te ikawai ae ko onimakinna n tai naba are ko kona.
Uringa te kaokoro imarenan karaba ao katounako. Te katounako bon te bwai ae kakukurei are e kaunga irouia aomata nako, n aron te bwaintangira n te rekenibong. Te karaba are ngkana temanna e tuangko bwa kona aki tuanga temanna. Ngkana ko tuangaki bwa kona kawakina ke ni karaba taekan temanna ae riingko ke ni kamarakiko, ko riai n tuanga temanna ae ko onimakinna n te tai naba anne. Teimatoa n tuanga te ikawa ae ko onimakinna ni karokoa iai temanna ae buokiko n namakina te kamanoaki.
Ngkana iai ae riingko ke e kamarakiko, bon tiaki am kairua. Te aomata are e kamarakiko ke e kataia n iangoia bwa ngkoe ke tabeman a na kakoaua bwa ko karaoa te bwai ae kairua, ma ko bon aki. Tamara are i Karawa ao Iesu Kristo a kinako ao a tangiriko n ae kororaoi. Tuanga te ikawai ae ko onimakinna ibukin te ibuobuoki, ao uringnga bwa ko kona n tainako n tataro nakon Tamam are i Karawa bwa e na buokiko naba.