“Wan Storian wetem Gabby abaot Givim Seves long Jos” Fren, Septemba, 2024, 40–41.
Wan Storian wetem Gabby abaot Givim Seves long Jos
Gabby hem i gat 11 yia we hem i blong Harare, Zimbawe. Mifala i askem hem sam kwestin abaot blong lidim miusik long jos.
Talem long mifala abaot yuwan.
Mi laekem blong kukum ol swit snak mo ol kakae we i naes mo plei long marimba. Mi stap singsing mo danis, mo mi stap lan blong plei long flut, saelofon, mo piano.
Talem long mifala abaot niu asaenem blong yu.
Bisop i askem mi blong help blong lidim miusik long sakramen miting. Mi no ekspektem mo tingting se bae oli jusum wan we i moa olfala. Be mi filim lav mo hapi tu from mi laekem miusik.
Samtaem mi fraet se bae mi singsing i no stret mo bae ol pipol oli harem. Be Tabu Spirit i helpem mi blong mi no fraet long fored blong evri man. Naoia mi yus long hem, hem i naes tumas!
?I filim olsem wanem blong lidim miusik blong ol pikinini long taem blong praemeri presentesen?
Fastaem mi bin fraet, Be taem mifala i stap praktis, samtaem mi fogetem sam toktok. Mekem se mi praktis blong singsing wetem mama long haos, mo hemia i help fulap. Taem mifala i praktis long taem blong Praemeri, mi singsing strong blong helpem olgeta we oli no save rid o no save ol toktok.
Mi glad tumas taem dei blong presentesen i kam. Evri samting i go gud nomo. Mi bin filim pis mo kwaet, mo ol toktok oli kam nomo long mi.
?Wanem nao yu save lanem aot long eksperiens ia?
Mi lanem se samtaem ol samting bae i no save go gud, be hem i Oraet mo yu save lan aot long hem. Lidim miusik long Praemeri i rere long mi tu long niu asaenmen blong mi.
?Wanem advaes nao yu save givim long ol narawan abaot givim seves long jos?
Samtaem hem i had blong givim seves long fulap man, be wan samting abaot yumi ol pikinini i we yumi save lid i nomata long hamas yia yumi gat, o yumi tol o sot olsem wanem. Bae mi talem long olgeta se iven samtaem fraet blong yumi bae i pulum yumi kamdaon, be Tabu Spirit i save helpem yumi filim pis. Hem bae i oltaem helpem yumi girap bakegen.