“Faef Bred mo Tu Fis,” Fren, Septemba 2025, 2–3.
I Kam long Praemeri Presidensi
Faef Bred mo Tu Fis
Tru long wan intaviu wetem Lucy Stevenson Ewell.
Wan long ol fevret stori blong mi insaed long Niu Testeman. Moa long faef taosen pipol oli lisin long Sevya we i tij ful dei. Oli bin stat blong hanggri.
Wan long ol disaepol i talem “I gat wan yang boe i stap long ples ya, we hem i gat faef bale bred mo tu fis. Be bambae i no naf nating long olgeta man ya.” (Jon 6:9)
Jisas i askem olgeta blong karem kakae kam long Hem, mo Hem i prea. Afta, wan merikel i hapen. I gat inaf blong fidim evriwan. Mo i gat 12 basket blong bred we i stap!
Mi wantem yu blong tingbaot huia nao i karem ol bred mo fis. Hem i wan yangfala boe wokbaot! Hem i givim evri samting we hem i gat i go long Sevya.
Ol pikinini oli impoten long Papa long Heven. Taem yu folem Jisas Kraes mo stap givim seves long ol narawan, Hem bae i blesem yu.
Yu Save Givim Tu!
Droem wan pikja blong wan wei we yu save givim seves long ol narawan.