!Paoa blong God Hem I wan Presen! Fren, Septemba. 2025, 20–21.

!Paoa blong God Hem I wan Presen!

I Kam long Presiden Emily Belle Freeman

Yang Woman Jeneral Presiden

Oli karemaot long “Kasem Ol Spesel Janis we Yu Gat long Laef,” Liahona, Novemba 2024, 7–10.

Ema Smit i sidaon long wan wud haos i stap holem wan aean kap

Las manis mi visitim Hamoni, Pensilvania, YSA Long ples ia, andanit long ol mapol tri, prishud i kambak bakegen long Josef Smit mo Oliva Kaodri. Mi go tu long haos we Josef mo Ema Smit i stap long hem. Insaed, mi stanap long windo ia mo stap tingting se wanem nao Ema i stap tingting long hem taem hem taem hem i lukluk i go long ol tri ia.

Lod i bin givim wan impoten mesej i go long Ema tru long profet blong Hem Josef. Yumi save ridim mesej ia long Doktrin mo Ol Kavenan 25.

Faswan, Lod i tijim Ema se hem i gat ples long plan blong Hem. Hem i rimaenem hem se hem i wan gel long kingdom blong Hem.

Nambatu, Lod i givim hem wan stamba tingting. Ema i plei wan impoten pat long Restoresen. !Oli askem hem blong tijim ol skripja mo mekem fas hymbuk!

Laswan, Lod i tijim Ema abaot ol kavenan blong hem. Blong kipim ol kavenan bae i helpem hem blong filim spirit, kam moa gud, mo kasem daereksen long laef blong hem.

Boe mo gel i stap sidaon long jea blong jos mo kakae sakramen bred.

Hop blong mi se bae yu lanem olsem wanem ol odinens blong prishud mo ol kavenan promes bae oli karem paoa blong God i kam long laef blong yu. Yumi evriwan i save gat akses long presen ia we i paoa blong God. Evri taem we yumi tekem sakramen. Evri taem yumi go insaed long tempol.

Saksakem Miusik Gem

Oli askem Ema Smit blong putum tugeta ol singsing blong fas hymbuk. !Yumi stap singsing yet long ol hym ia tedei! Wanwan long yufala i sakem ol koen o wan narafala smol samting long bod. Taem i foldaon long wan pikja, tingting long wan singsing abaot topik ia. !Afta singsing long hem tugeta!