Ol Aktiviti blong Kam Folem Mi

Tempol i wan ples we God i save blesem yumi (luk long Doktrin mo Ol Kavenan 95:16). Bildim tempol blong yuwan, yusum ol smol bokis suka, ol blok, o ol narafala samting blong neja! !Sendem wan pikja blong wanem yu mekem i kam long mifala! Tanem i go long bak kova blong luk olsem wanem blong mekem.

Skripja i tijim, “Stap kwaet mo save se Mi Mi God” (Doktrin mo Ol Kavenan 101:16). Hemia i minim se taem yumi tekem taem blong stap kwaet, yumi save filim kolosap long Papa long Heven. Plei gem ia, blong stap kwaet. Wan man bae i ron mo narawan i traem blong tajem evriwan. Taem oli tajem wan, bae hem i stanap kwaet nomo. Bifo oli save ron bakegen, oli save talem wan samting we oli save abaot Papa long Heven.

Yumi save stap olsem wan laet blong ol narawan taem yumi folem eksampol blong Jisas Kraes mo givim seves long ol narawan (luk long Doktrin mo Ol Kavenan 103:9). Tanem i go long pej 13 blong mekem kandel kraf blong yuwan!

Hem i impoten blong lisin long profet mo aposol blong God (luk long Doktrin mo Ol Kavenan 107:22–23). Ridim wan stori long pej 4 blong stap karem ol ansa long jeneral konfrens. Raetem daon sam kwestin blong yuwan long pej 6. Yu save faenem ol aktiviti we yu save mekem taem yu stap lisin long konfrens.