“Baptaes Set blong Harvey,” Fren, Septemba 2025, 36–37.

Baptaes Setblong Harvey

I kam long Noelle Lambert Barrus

Harvey i no save faenem waet set blong hem!

Wan tru stori we i kam long Indonesia.

Boe wetem papa mo mama blong hem i stap sidaon biaen long wan taksi

Harvey i skwisim hem biaen long taksi wetem Ibu (Mama) mo Bapak (Papa) Oli stap go long jos long baptaes blong Harvey.

“Bapak, ?olsem wanem nao yu filim taem yu baptaes?” Harvey i askem. Bapak i baptaes sam manis i pas. !Naoia we Harvey i kasem eit yia, hem tu bae i baptaes!

Bapak i tingting smol taem. Hem i laf mo talem, “!Wota i kolkol tumas!” Be mi filim fulap lav. Iven we plante long ol famli blong yumi oli no memba blong jos blong yumi, mi filim lav blong olgeta mo lav blong God.”

Taem oli go kasem jos bilding, sam long ol nara pipol long jos oli help blong fulumap wota long ples blong baptaes mo oli rere.

Boe i wari tumas i stap lukluk insaed long wan emti basket, boe i werem waet dres set we i bigwan tumas.

“Harvey, hem i taem blong yu jenis i go long ol klos blong baptaes blong yu,” Ibu i talem. Harvey i sakem hed blong hem wetem agri mo faenem basket klos blong hem. Be waet traoses blong hem nomo i stap insaed long basket. !Hem i no save faenem waet set blong hem! Hem i jekem ol narafala basket mo lukluk raon long jos.

“Ibu, set blong mi i no stap ia,” Harvey i talem.

Ibu i mekem fes blong hem i nogud. Hem i jekem sam moa basket tu. “Yumi mas fogetem long takis ia.”

Sista Putri i talem, “yumi gat sam ekstra klos blong baptaes insaed long kabod.” “Bae mi go karem olgeta.”

Be ol klos blong baptaes ia oli bigwan long Harvey. Ibu i luk olsem se i wari. Baptaes bae i stat i no longtaem. Plante man i kam finis, mo Harvey i nogat wan set blong hem.

“Mebi yumi save talem wan prea blong taksi draeva i karembak set ia i kambak,” Harvey i talem. “Be olsem wanem sapos hem i no karem i kam, mi save werem wan set ia we i bigwan. Mi no wantem save wanem nao bae mi werem. “Mi wantem kasem baptaes nomo.”

Ibu mo Bapak i sakem hed wetem agri. Tugeta tufala i go long kijin, ples we i kwaet. Afta oli foldem ol han mo benem hed blong olgeta.

Harvey i talem prea. “Dia Papa long Heven, tangkYu we mi save baptaes tedei. Plis helpem taksi draeva blong karem bak set blong mi i kam. Sapos no, hemia i ORAET nomo.”

Afta long prea blong tufala, Harvey i go jenis long set ia we i bigwan ia. Set ia i go kasem ni blong hem.

“!Harvey!” Sista Putri i singaot long hol wei. “Taksi draeva i kam.”

Man i stap holem wan smol waet dres set long hanga

Harvey mo Ibu i faenem taksi draeva long doa long fored. “!Hem i stap holem set blong Harvey!

“Mi lukluk i gobak long jea biaen mi luk,” hem i talem. “Mi tingting se maet hem i blong yu.”

“!Tangkyu tumas,” Ibu i talem.

Harvey i tekem set long man ia. “Tangkyu.”

Man ia i smael mo talem tata.

Kolosap bae hem i taem blong program blong baptaes i stat. Harvey i jenis i go long set blong hem. !I stret gud long hem! Mo i waet mo klin.

Taem Harvey i wokbaot i go long ples blong baptaes, wota i kolkol tumas! Bapak i talem wan prea mo i baptaesem Harvey. Taem hem i kamaot long wota, hem i filim fres mo kwaet insaed.

Bapak i lidim Harvey aot long ples blong baptaes mo kavremap hem long wan tawel we i sofsof long solda blong Harvey. Harvey i tingting long ol pipol we oli helpem mo sapotem hem. Ibu, Bapak, taksi draeva, mo famli blong hem. Mo Papa long Heven mo Jisas Kraes tu.

Harvey i haggem Bapak. “Yes, i tru. Wota i kolkol!” Tugeta tufala i laf. Afta Harvey i lukluk long ae blong Bapak. “Be yu raet abaot wan samting tu. Mi filim fulap lav.”