Kalōk Nauvoo

Armej ro Rekwojarjar m̧okta rej jokwe ilo em̧ nuknuk iturin dān ko an Mississippi River

Irooj ar jiron̄ Armej ro Rekwojarjar n̄an aindoon tok doon ilo juon jikin ekāāl. Ekar pād turin juon reba ekilep, ijo bwidej eo ie etoto im epedkatkat. Ekar jab āinwōt juon jikin em̧m̧an n̄an kalōk juon bukwōn. Ak Rikanaan Josep Smith ar jeļā ke kōn jipan̄ eo an Irooj, renaaj kar kaiboojoj.

Em̧m̧aan ej inene alaļ iaeran, juon kidia im juon wagon rej ineek kein ekkal ko, im juon em̧ kōm̧m̧an jān alaļ

Josep Smith im em̧m̧aan ro jet rej eddoor pirōk ke rej kalōk juon em̧.

Armej ro Rekwojarjar raar ļap aer jerbal n̄an kōm̧m̧ane bwe en juon jikin em̧m̧an n̄an jokwe. Josep ar ņaetan bukwōn eo Nauvoo, m̧eļeļein “juon jikin eaiboojoj.”

Josep Smith ej jitōn̄ juon jikin ilo toļ jidikdik eo n̄an juon tampeļ

Irooj ar kōņaan bwe Armej ro An rej kalōk juon tampeļ ilo Nauvoo. Armej ro raar m̧ōkaj in ijjino jerbal.

Josep Smith ej katakin Armej ro Rekwojarjar jet ilo juon em̧

Eļap kōjeraam̧m̧an an Irooj n̄an lelo̧k n̄an armej ro An. Ilo tampeļ, renaaj kōm̧m̧an bujen ko, ak kallim̧ur ko rejenolo̧k, ippān Irooj. Renaaj bar ekkatak kōn karōk in m̧ōņōņō eo an Jemedwōj Ilan̄ n̄an aolep ajri ro Nejin.

Armej ro Rekwojarjar ar ļap aer jerbal n̄an kalōk tampeļ eo. Ekar bōk iien aetok, ak raar m̧ōņōņō in ekkatak kōn kallim̧ur ko rejenolo̧k an Irooj n̄an er ilo tampeļ eo An.