“Jiln̄ij in Peptaij eo an Harvey,” Jera, Jeptōm̧ba 2025, 36–37.
Jiln̄ij in Peptaij eo an Harvey
Harvey ar jab maron̄ lo jiln̄ij mouj eo an aolep jikin!
Juon bwebwenato em̧ool jān Indonesia.
Harvey ar jijōt koboob ilokan taxi eo ippān Ibu (M̧am̧a) im Bapak (Baba). Raar etal ilo iaļ eo aer ļo̧k n̄an m̧ōn jar eo n̄an peptaij eo an Harvey.
“Bapak, elmen am̧ kar en̄jake ke kwaar peptaij?” Harvey ar kajjitōk. Bapak ar peptaij jejjo allōn̄ remootļo̧k. Kiiō Harvey rualitōk an iiō, ej tōn bar peptaij!
Bapak ar ļōmņak jidik. “Dān eo ekar lukkun m̧ōļo!” ear ba ak ej ettōn̄. “Ak iar bar en̄jake eļap iakwe. Mekarta eitōn aolep baam̧le eo aer rejjab membōr in kabun̄ in, iar en̄jake iakwe eo aer im iakwe eo an Anij.”
Ke raar tōpar m̧ōn jar eo, jet armej jān m̧ōn jar eo raar jipan̄ er tein̄i jikin peptaij eo kōn dān im kōpojak.
“Harvey, eiien jānij n̄an nuknuk in peptaij ko am̧,” Ibu ar ba. Harvey ar emajidjid imlo pāāk in nuknuk eo an. Ak jerojij mouj ko an wōt ilowaan pāāk eo. Ejjab maron̄ lo jōōt mouj eo an! Ear lale pāāk ko jet im kappukote lowaan m̧ōn jar eo.
“Ibu, ejako jōōt eo aō ijin,” Harvey ar ba.
Ibu ar kajememe. Ear bar etale jejjo pāāk. “Jemaron̄ kar likūt wōt ilo taxi eo.”
“Ewōr jet dam̧oļo̧k in nuknuk in peptaij ilo jikin nuknuk ņe,” Sister Putri ar ba. “IIj tōn jibwitok.”
Bōtaap nuknuk in peptaij ko ilo jikin nuknuk eo rekilep jān Harvey. Ibu ar mejān inepata. Ejjab to peptaij eo enaaj ijjino. Elōn̄ armej raar pād ijo kadede, im ejako jōōt eo an Harvey.
“Bōlen jen jar bwe rittōr taxi eo an kōrooltok jōōt eo,” Harvey ear ba. “Bōtaap n̄e ejab boktok, inaaj kōņak juon jōōt me ekilep. Ijjab kea ta eo ij kōņake. Ikōņaa wōt peptaij.”
Ibu im Bapak raar errā. Raar etal ippān doon n̄an jikin m̧ōn̄ā eo, ijo elur. Innām kokpā im jillo̧k.
Harvey ar jar. “Jema Ilan̄, kam̧m̧oolol Eok bwe imaron̄ peptaij rainin. Jouj im jipan̄ rittōr taxi eo kōrooltok jōōt eo aō. Ak n̄e ejjab, ebar em̧m̧an.”
Alkin jar eo aer, Harvey ar etal in jānij n̄an juon jōōt ekilep. Ekar tōparļo̧k bukien neen.
“Harvey!” Sister Putri ear ikkūr tok jān hallway eo. “Rittōr taxi eo e ije.”
Harvey in Ibu raar lo rittōr taxi eo turin kōjām̧ eo im̧aan. Ļeo ekar jibwe jōōt eo an Harvey!
“Iar reilikļo̧k im loe ilo jea eo,” ear ba. “Ikar lōmņak am̧.”
“Kom̧m̧ol tata,” Ibu ar ba.
Harvey ear bōk jōōt eo jān em̧m̧aan eo. “Kom̧m̧ool.”
Em̧m̧aan in ekar ettōn̄ ba lo kom̧.
Ejjab to, ekar iien an peptaij eo ijjino. Harvey ear jānij n̄an jōōt eo an. Jon̄an wōt! Im ekar mouj im erreo.
Ke Harvey ear etetalļo̧k n̄an dān eo, ekar m̧ōļo! Bapak ar jar im peptaiji Harvey. Ke ar waļo̧ktok jan dān eo, ear en̄jake erreo im lur itulowa.
Bapak ar tōl Harvey jān dān eo im kalboboiki kōn juon to̧o̧l. Harvey ear kōļmānļo̧kjen kōn aolep armej ro raar jipan̄ im rie. Ibu, Bapak, rittōr taxi eo, im baam̧le eo an. Im bar Jemedwōj Ilan̄ im Jisōs Kraist.
Harvey ear atkbokwoj Bapak. “Ejimwe am ba. “Kwōj m̧ool. Dān eo ekar m̧ōļo!” Raar jim̧or ettōn̄. “Ak kwoj bar m̧ool kōn bar juon men. Ij en̄jake eļap iakwe.”
Kōmeļeļe ko jān Bethany Stancliffe