“5 Men ko n̄an Keememej ikūjeen Kōjparok in Ānbwin,” Jera, Jeptōm̧ba 2025, 38–39.

5 Men ko n̄an Keememej ikūjeen Kōjparok in Ānbwin

Ānbwinūm̧ ej juon menin letok jān Jemedwōj Ilan̄! E kōņaan jipan̄ eok ineem̧m̧an im m̧ōņōņō. Eļan̄n̄e juon armej ej kajjieon̄ kakure eok kōn naan im m̧akutkut, ejjab em̧m̧an menin! Jej aikuj jouj im kautiej ro jet, im jej aikuj kōtmān bwe renaaj bar jouj im kautiej kōj.

Em̧m̧an ba jaab, jekdoon n̄an rūtto. Kwonaaj loloorjake ānbwinūm̧ make. Meļeļein kwoj kāālet n̄e juon armej emaron̄ jibwe eok, atbokwoj eok, ak mejān māik eok. Komaron̄ ekkatak ba “Jaab,” “Jab jibwe eō,” and “etal jān n̄a.” N̄e rej jibwe eok ak kajjitōk bwe kwōn kōm̧m̧ane juon men kojjab kōņaan, em̧m̧an ba jaab im etal n̄e komaron̄.
Jeļā ta kain jōbjōb ko rem̧m̧an im renana. Jōbjōb em̧m̧an ej jipan̄ eok en̄jake iakwe (āinwōt ebbokwōj ak high five) ak erreo im ājmour (āinwōt n̄e juon m̧am̧a ak baba rej jipan̄ eok tutu ak juon takto ej jipan̄ eok n̄e kwoj nan̄inmej). Jet iien juon jōbjōb em̧m̧an emaron̄ metak, āinwōt iien wā, em̧m̧an bwe ej dāpij am̧ ājmour. Jōbjōb ko renana rej kōmetak ānbwinūm̧ im en̄jake ko am̧, āinwōt dōn̄dōn̄, unuun, ak jibwe paat in ānbwin ko rejekkar. Kōmetak kein ak jōbjōb kein renana rejjab em̧m̧an.
Ewōr m̧ōttan ānbwinūm̧ me rejekkar n̄an ro jet ijoko juon bar armej rejjab aikuj jibwi. Paat ko rejekkar rekoba paat in ānbwin ko me rej kōbari kōn nuknuk in tutu. Ejjab em̧m̧an an ro jet jibwe paat kein (jekdoon n̄e kwoj nuknuk ak jab nuknuk) ak rej kajjitōk bwe kwōn jibwi ijoko ippaer. N̄e ewaļo̧k menin, kōnnaan ippān juon rūtto kwoj lōke iien eo komaron̄.
Keememej oktak eo ikōtaan ittiņo̧ im kailibōkbōk ko. Surprise ej juon mennin m̧ōņōņō me elimo n̄an aolep, āinwōt juon mennin letok in birthday. Juon mennin ittiņo̧ ej n̄e juon armej ej ba kwōn jab ba n̄a juon. Eļan̄n̄e kajjitōk ippam̧ bwe kwōn kattiņoil juon men kōn an juon armej jibwe eok ak kōmetak eok, kwoj aikuj ba n̄an juon eo kwoj lōke iien eo em̧ōkajtata. Wōnm̧aanļo̧k in ba n̄an rūtto ro kwoj lōke er m̧ae iien juon ej jipan̄ eok pād ilo kōjparok.
N̄e juon armej ej jibwe eok ak kōmetak eok, ejjab am̧ bōd. Juon armej eo ekar kōmetak eok emaron̄ kajjieon̄ kōm̧m̧an bwe kwe ak ro jet ren tōmak ke kwaar kōm̧m̧ane juon men ebōd, ak kwaar jab. Jemedwōj Ilan̄ im Jisōs Kraist rejeļā im iakwe eok ilo jejjet. Kajjitōk bwe juon rūtto kwoj lōke en jipan̄ eok, im keememej bwe aolep iien komaron̄ jar n̄an Jemedwōj Ilan̄ kōn jipan̄.