Al in Kam̧ool eo Aō

Jān Serena C., 10 iiō, Chaco, Argentina

Juon leddik ej jijjōt ilo tebōļ in jikuuļ im juon sister in Katlik ej jutak im̧aan ruum̧ eo

Ilo laļ eo aō, eitōn aolep armej rej Katlik. Ij jikuuļ ilo jikuuļ in Katlik.

Ke iar kūlaaj ruo, rūkaki eo aō ear kōjan̄jan̄ al ke kemij jerbali m̧akutkut ko am n̄an raan eo. Juon ālkin raelep, liin ear kajjitōk eļan̄n̄e jabdewōt ekōņaan kāālet juon al n̄an ron̄jake. Ekar tōn rualitōk aō iiō ilo iiō eo im iar kōpopo n̄an peptaij eo aō. Naan in al ko “I like to look for rainbows” raar itok n̄an kōļmānļo̧kjen eo aō. Iar kajjitōk bwe rūkaki eo aō en kōjan̄ al eo “When I Am Baptized” jān Kabun̄ eo An Jisōs Kraist im Armej Ro Rekwojarjar Raan ko Āliktata. Rūkaki eo aō ear errā im kappukote.

Ejjab to al eo ekar jan̄ n̄an aolep ilo kūlaajruum̧ eo aō n̄an ron̄jake. Jinoin jet iien rijikuuļ ro m̧ōtta raar kalimjōk eō kōn bwilōn̄, ak tokelik iar en̄jake Jetōb Kwojarjar ilo būruō. Ekar kobrak eō kōn aenōm̧m̧an.

Raan eo ke ij etal jān jikin jikuuļ, iar lukkuun en̄jake m̧ōņōņō bwe iar kwaļo̧k gospel eo ippān rijikuuļ ro m̧ōtta kōn al in Būraimere eo em̧m̧antata ippa. Ij ļōmņak ekar juon wāween em̧m̧an n̄an kōpooj eō n̄an kūr ro m̧ōtta n̄an peptaij eo aō.