“Kajjitōk eo an Lou ilo Kweilo̧k,” Jera, Jeptōm̧ba 2025, 4–5.
Kajjitōk eo an Lou ilo Kweilo̧k
“Ij ke etal n̄an pade eo an Alice?” Lou ear je.
Juon bwebwenato em̧ool jān Belgium.
Lou ekar m̧ōņōņō ke ej kapotak nien leta eo. Eo m̧ōttan em̧m̧antata Alice ej kōm̧m̧ane juon pade in raan in ļotak, im kar karuwaneneiki!
Ak ke Lou ej riiti kūr eo, būruōn ekar eddo. Jar bar juon pade ilo Jabōt, ekar ļōmņak.
Baam̧le eo an Lou rejjab etal n̄an pade ko in Jabōt. Ijelo̧kin, rej kōjerbal iien ko aer ippān doon, etal n̄an jar, im kōm̧m̧ani men ko jet n̄an keememej Rilo̧mo̧o̧r.
Ak pade in ekar pen ba jaab n̄ane. Ekōjkan an naaj jako jān birthday eo an eo m̧ōttan em̧m̧antata?
“Imaron̄ ke etal iien in wōt?” Lou ear kajjitōk ippān jinen im jemen bon̄en eo. “Ijeļā ke Jabōt eaorōk Ak ijjab kōņaan jako.”
“Ej juon kālet epen,” Jemed ar ba. “Jemedwōj Ilan̄ ej kajjitōk ippād bwe jen kōm̧m̧an bwe Jabōt en juon raan ekwojarjar. Ak am pepe kālet wāween am̧ kōm̧m̧ane menin.”
Jinen ear atbokwoj Lou. “Kweilo̧k eo eļap allōn̄ in. Bōlen menin emaron̄ kajjitōk eo kwoj kajjitōke.”
Baam̧le eo an Lou ewōr juon aer iminene in je juon kajjitōk ewōr ippaer m̧okta jān kweilo̧k eo. Innām ilo iien kweilo̧k eo, rej ron̄jake n̄an bōk uwaak.
Lou ekar ikijeļo̧k “Em̧m̧an.”
Ilo iien kiki, Lou ar je kajjitōk eo an. Innām ear jar. “Jema Ilan̄, ilukun kōņaan etal n̄an pade in, im ijjab jeļā in ta. Komaron̄ ko juoj im jipan̄ eō pukot uwaak ko ilo aō alooj kweilo̧k eoeļap?
Jejjo raan tokelik, Lou im būratōr ro an rej ekkar ioon kauj eo. Iien kar kweilo̧k! Lou ar jin̄a ilo bok eo an ilo iien an in kōpelļo̧k eo. Innām rikōnono eo m̧oktata ar ijjino.
Lou ekar erreilōn̄ļo̧k. Rikōnono eo ear kōnono kōn raan in Jabōt! Ear ba ke Anij ej kōjeraam̧m̧an ro rej kōjparok kien ko An, jekdoon ke kōjeraam̧m̧an ko rejjab itok wōt kiiō.
“Ij ļōmņak em̧ōj an Jemedwōj Ilan̄ uwaake kajjitōk eo aō” Lou ear ba. “Elukun m̧ōkaj!”
Raan eo juon ilo jikin jikuuļ, Lou ear loe Alice ilo iien kakije. “Kom̧m̧ool kōn am̧ kar kūr eō n̄an pade eo am̧,” Lou ear ba. Ekar bōk kūtuōn. “Jabōt ko rej juon raan aorōk n̄an n̄a im baam̧le eo aō Innām ijjab maron̄ iwoj.”
Alice ar ba “Em̧m̧an” “Ibūrom̧ōj bwe konaaj jako jān e.”
“Bar n̄a,” Lou ar ba. “Ak ilo Jādede, kokņaa ke itok ippa n̄an jikin jikin ikkure ekāke eņ? Innām jemaron̄ bar ikkure ippān doon im kam̧ōņōņōik raan in ļotak eo am̧.”
“Ikōņaan!” Alice ear meidikdik.
Lou ekar bar ettōn̄ļo̧k. Jab etal n̄an pade eo ekar juon kāālet epen. Bōtaap leddik in ar jeļā ej juon men ejim̧we. Im leddik in ar kam̧m̧oolol bwe Jemedwōj ekar uwaake kajjitōk eo an eaorōk.
Kōmeļeļe jān Flavio Remontti