“Kajoor An Anij Ej juon Mennin Letok!” Jera, Jeptōm̧ba 2024, 20–21.

Kajoor An Anij Ej juon Mennin Letok!

Jān Būreejtōn Emily Belle Freeman

Būreejitōn eo Eutiej an Doulul eo an Jiron̄ ro

Ukōttok jān “Mour n̄an Kakūrm̧ool Men ko Tōllo̧kim,” Liaona, Nob. 2024, 7–10.

Emma Smith ej jijōt ilo juon em̧ alaļ im jibwe juon kab metōļ

Ejjab to iar loļo̧k Harmony, Pennsylvania, USA. Ijo, ium̧win wōjke maple ko, priesthood eo eaar jepļaaktok n̄an Josep Smith im Oliver Cowdery. Iar bar etal n̄an m̧weo ijo Josep im Emma raar jokwe ie. Lowaan, iar jutak ilo wūņtō eo im ļōmņak ta eo Emma emaron̄ kar kōļmenļo̧kijeņ kake ilo an reinabōjļo̧k ilo wūntō eo.

Irooj ear leļo̧k n̄an Emma juon enaan eaorōk jān rikanaan eo An, Josep. Jemaron̄ riiti enaan in ilo Katak im Bujen Ko 25.

M̧oktata, Irooj ear katakin Emma ke ewōr jikūn ilo karōk eo An. E kar kakeememej e ke ej juon Nejin leddik ilo aelōn̄ in kiin̄ eo AN.

Kein karuo, Irooj ar leļo̧k n̄an e juon jibadbad. Emma ear juon m̧ōttan eaorōk ilo Jepļaaktok eo. Kar kajjitōk ippān liin n̄an katakin jeje ko rekwojarjar im ejaake bok in al eo jinointata!

Āliktata, Irooj ear katakin Emma kōn bujen ko an. Kōjparok bujen ko enaaj jipan̄ e en̄jake Jetōb, em̧m̧anļo̧k, im bōk tōl n̄an mour eo an.

Ļaddik im leddik rej jijōt ilo jea ko an m̧ōn jar eo im bōk pilawā in kwōjkwōj eo

Kōjatdikdik eo aō ej bwe kwōn ekkatak ekōjkan an kain̄i ko an priesthood im bujen kallim̧ur ko naaj kōtļo̧k kajoor an Anij ilo mour ko am̧. Jemaron̄ aolep bōk mennin letok in kajoor an Anij. Aolep iien jej bōk kwojkwoj eo. Aolep iien jej deļo̧n̄e tampeļ.

Music Toss Game

Kar kajjitōk bwe Emma Smith en ejaake bok in al eo jinointata. Jeļakkar al al ko rainin! Kajjojo joto jotak juon jāān ak juon bar men edik n̄an boot eo. N̄e ejok ilo juon pija, ļōmņak kōn juon al kōn mennin kōnono eo. Innām al kake ippān doon!