Tauyavutaki o Nauvu

O ira na Yalododonu taumada era vakaitikotiko ena valelaca ena bati ni Uciwai na Mississippi

A tukuna na Turaga vei ira na Yalododonu me ra soqoni vata ena dua na vanua vou. E volekata e dua na uciwai levu, ka suasua ka soso na vanua. E sega ni vaka e dua na vanua vinaka me tara kina e dua na siti. Ia e kila tu na Parofita o Josefa Simici ena veivuke ni Turaga, e rawa ni ra cakava me totoka.

E dua na tamata e colata tiko na kau e tabana, e dua na ose kei na qiqidreti kei na iyaya ni taravale, kei na vale tolonikau

O Josefa Simici kei na so tale na turaga era vakadavori simede buli ena nodra tara vale

Era a cakacaka vakaukauwa na Yalododonu me ra cakava me dua na vanua vinaka me ra vakaitikotiko kina. A vakatoka o Josefa na koro oya me Nauvu, ka kena ibalebale e “dua na vanua totoka.”

A dusia tiko o Josefa Simici e dua na tiki ni dua na delana me tara kina e dua na valetabu

E vinakata na Turaga vei ira na Nona Yalododonu me ra tara e dua na valetabu e Nauvoo. Era sa tekivu cakacaka totolo na tamata.

Vakavulici ira tiko na Yalododonu tale eso o Josefa Simici ena dua na vale

Sa tu vua na Turaga na veivakalougatataki cecere me solia vei ira na Nona tamata. Ena valetabu, era na cakava na veiyalayalati, se yalayala digitaki, vua na Turaga. Era na vulica talega na ituvatuva ni marau nei Tamada Vakalomalagi me baleti ira kece na Luvena.

Era cakacaka vakaukauwa na Yalododonu mera tara na valetabu. A taura e dua na gauna balavu, ia era marautaka mera vulica na yalayala digitaki ni Turaga me baleti ira ena Nona valetabu.