“Na Kaukauwa ni Kalou e dua na iSolisoli!” iTokani, Sepiteba 2025, 20–21.
Na Kaukauwa ni Kalou e dua na iSolisoli!
Tauri mai na “Bulataka na Nomu Madigi,” Liaona, Nove. 2024, 7–10.
Ena dua na gauna lekaleka sa oti au a veisiko yani ki Harmony, Pennsylvania, Amerika. E kea, ena ruku ni vei vunikau, a vakalesui mai kina na matabete vei Josefa Simici kei Oliva Kauderi. Au gole talega kina itikotiko erau vakaitikotiko kina o Josefa kei Ema Simici. E loma, au tucake tu ena katubaleka ka vakataroga se cava e nanuma o Ema ni rai yani ena katubaleka o ya.
A solia na Turaga vei Ema e dua na itukutuku bibi mai vua na Nona parofita, o Josefa. E rawa nida wilika na itukutuku oqo ena Vunau kei na Veiyalayalati 25.
Matai, a vakavulici Ema na Turaga ni tiko e dua na nona tikina ena Nona ituvatuva. A vakananuma vua ni o koya e dua na luvena yalewa ena Nona matanitu.
Karua, a solia vua na Turaga e dua na inaki. A vakaitavi o Ema ena dua na tiki bibi ni Veivakalesuimai. A kerei me vakavulica na ivolanikalou ka bulia na imatai ni ivola ni serenilotu!
Kena iotioti, a vakavulici Ema na Turaga me baleta na nona veiyalayalati. Na maroroya na veiyalayalati ena vukei koya me vakila na Yalotabu, yaco me vinaka cake, ka ciqoma na veidusimaki me baleta na nona bula.
Au nuitaka nio na vulica na sala ena vakatara kina ki na nomu bula na cakacaka vakalotu ni matabete kei na yalayala ni veiyalayalati ni kaukauwa ni Kalou. Eda rawa ni rawata taucoko na isolisoli ni kaukauwa ni Kalou. E veigauna kece eda vakayagataka kina na sakaramede. Ena veigauna kece eda curuma kina na valetabu.
Qito ni iVakatagi Viviri
A kerei o Ema Simici me bulia na matai ni ivola ni serenilotu. Eda se lagata tikoga na serenilotu nikua! Moni viritaka yadua e dua na sede se dua tale na ka lailai kina papa. Ni sa yaco ena dua na iyaloyalo, vakasamataka mada e dua na sere me baleta na ulutaga o ya. Oti qai lagata vata!
Droini mai vei Shawna J. C. Tenney