iVakadinadina ena Sere-iVakatagi

Mai vei Serena C., e yabaki 10, Chaco, Argentina

E dabe toka na goneyalewa ena dua na desi ni rumu ni vuli ka duri tu e matani rumu e dua na sisita ni Katolika

Ena noqu vanua, e levu na tamata era Katolika. Au lako ki na koronivuli ni Katolika.

Niu kalasi rua, a vakatagitaka na ivakatagi o noqu qasenivuli ni keitou cakava tiko na neitou itaviqaravi ena dua na siga. Ena dua na yakavi, a taroga ke dua e via digitaka e dua na sere me rogoca. Au sa yabaki walu tiko ena yabaki oya kau sa vakavakarau tiko kina noqu papitaiso. A votu mai noqu vakasama na qaqana “Vaqara drodrolagi ni bula vesu no.” Au a kerei noqu qasenivuli me vakatagitaka na sere “Vaqara Drodrolagi ni Bula Vesu No” mai na Lotu i Jisu Karisito ni Yalododonu Edaidai. A vakadonuya o noqu qasenivuli ka vakasaqara sara.

Sega ni dede sa vakatagitaki na sere me ra rogoca kece na lewe ni noqu kalasi. Taumada era raici au vakaduatani eso na noqu lewe ni kalasi, ia e muri au vakila na Yalo Tabu e yaloqu. E vakasinaiti au ena vakacegu.

Ena siga oya niu sa biubiu mai koronivuli, au marau vakalevu niu a wasea na kosipeli vei ira na noqu lewe ni kalasi ena noqu sere taleitaki ni Lalai. Au vakabauta ni oya e dua na sala vinaka meu vakarautaki au kina meu sureti ira na noqu itokani ki na noqu papitaiso.