“Dua na Veivosaki kei Gabby me baleta na Veiqaravi ena Lotu,” iTokani, Sepiteba 2025, 40–41.
Dua na Veivosaki kei Gabby me baleta na Veiqaravi ena Lotu
O Gabby e dua na yabaki 11 mai Harare, Zimbabwe. Keirau a tarogi koya ena so na taro me baleta na liutaki ni ivakatagi e valenilotu.
Vakamacalataki iko mada.
Au taleitaka na vakasaqa ivakalomavinaka kei na kakana kamikamica kei na qito marimba. Au lagasere ka danisi, kau sa vulica tiko meu vakatagitaka na flute, xylophone, kei na piano.
Tukuna mada vei keimami me baleta na nomu ileslesi vou.
A kerei au o bisopi meu veivuke ena liutaki ni sere ena soqoni ni sakaramede. Au a sega ni namaka kau nanuma nira na digitaka e dua e qase cake. Ia au vakila talega niu lomani ka marau baleta niu taleitaka na ivakatagi.
Ena so na gauna au se rerevaka tikoga niu na lagata cala ka ra na rogoca na tamata. Ia e vukei au na Yalo Tabu meu logavinaka e matadra na tamata kecega. Oqo niu sa matau kina, sa lasa dina!
A vakacava beka na kena liutaka na sere ivakatagi me baleta na nodra ivakaraitaki na gone ena soqoni ni sakaramede?
Taumada au a rerevaka. Ni keitou vakatovotovo tiko, so na gauna au guilecava eso na vosa. Au sa mani vakatovotovo lagasere vata kei tinaqu e vale, ka veivuke sara vakalevu. Ni keimami vakatovotovo ena Lalai, au dau lagasere vakadomoilevu me vukei ira era sega ni kila na wilivola se sega ni kila na vosa.
Au marautaka ni yaco mai na siga ni ivakaraitaki. Totoka na veika kece. Au vakila na vakacegu kei na malumu, ka votu ga mai vei au na vosa.
Na cava o sa vulica mai na veika sa sotavi oqo?
Au vulica ni so na gauna e sega ni vinaka sara na veika eso, ia e sega ni dua na leqa ka rawa nio vuli mai kina. Na liutaki ni ivakatagi ena Lalai a vakarautaki au talega ki na noqu ilesilesi vou!
Na ivakasala cava o na tukuna vei ira tale eso me baleta na veiqaravi ena lotu?
Ena so na gauna ena dredre beka meda veiqaravi e matadra e vuqa na tamata, ia na ka me baleti keda na gone oya nida rawa ni veiliutaki veitalia ga na noda yabaki ni bula se vakacava na keda lekaleka se balavu. Au na tukuna vei ira ni dina ga ni so na gauna ena rawa ni vakamalumalumutaki keda na noda rere, e rawa ni vukei keda na Yalo Tabu meda vakila na vakacegu. Ena vukei iko o Koya mo laveti cake tale.