Veiqitori Vata

Mai vei Jane McBride

E dua na italanoa dina mai Amerika.

A galili o Diego. Eratou sa toki na nona matavuvale ki na dua na vanua vou. E dau nanumi ira na nona itokani mai na nona itikotiko makawa.

E rarawa e dua na gonetagane ni qito vata kei ganena gone

Sa qito tiko oqo o Diego kei na ganena lailai o Cara. Ia e vinakata talega e dua na itokani vou.

E dua na tagane kei na yalewa rau veikilaitaki rau na luvedrau tagane

Sega ni dede sa toki tikiva e dua na matavuvale. E dua na luvedrau tagane lailai, me vakataki koya! Na yacana o Sam.

Erau dau qito vata e veisiga o Diego kei Sam.

Gonetagane qito sitimanivanua ni vakatatalo; e dua na gonetagane e vakaceguya tiko na ganena gone e tagi tiko

E dua na siga ni rau qito tiko, a raica o Diego ni rarawa tiko o Cara. E rairai e tikoduadua tu.

Gonetagane matadredredre kei dua na goneyalewa mamarau ka dodoka yani na ligana

“O via qito vata beka kei keirau?” A taroga o Diego.

A matadredredre sara vakalevu o Cara. “Qito!”

E rua na gonetagane kei na dua na goneyalewa rau qito vata tiko ena sitimanivanua ni vakatatalo

Eratou qito sitimanivanua vata tiko o Diego, Sam, kei Cara. Era biliga na qiqi ni sitimanivanua ki liu ka ki muri. “Choo-choo!” A matadredredre o Diego. E marau tiko o koya, ka vakakina o Cara!