Lima na Madrai kei na Rua na Ika

E dua vei ira na noqu italanoa taleitaki e tiko ena Veiyalayalati Vou. E sivia na lima na udolu na tamata era vakarorogo kina veivakatavulici ni iVakabula ena siga taucoko. Sa tekivu me ra viakana.

E dua vei ira na tisaipeli e kaya, “E dua na gone tagane sa tu eke, a sa tu vua e lima na i buli madrai bali, ka rua na ika lalai: ia ka cava oqo vei ira na lewe vuqa?” Joni 6:9

A kerei iratou o Jisu me ratou kauta mai na kakana Vua, ka masu o Koya. Ia a qai yaco e dua na cakamana. Sa rauta me rawa ni kana kece kina na tamata. Ka sa vo tale tu e 12 na basikete madrai!

Au vinakata mo nanuma tiko o cei a kauta mai na madrai kei na ika. E dua na gonetagane lailai! A solia na veika kece e tu vua ki vua na iVakabula.

Era sa rui bibi vua na Tamada Vakalomalagi na gonelalai. Nio muri Jisu Karisito ena nomu qaravi ira na tani, ena vakalougatataki iko o Koya.