“O Lou Tino O se Meaalofa!” Uo, Me 2025, 38–39.
O Lou Tino O se Meaalofa!
E eseese lapopoa, foliga, tomai, ma lanu o tino faaletino. O tino taitasi o se meaalofa ofoofogia mai le Atua ma o se vaega taua o Lana fuafuaga!
E tatau i tino uma le tulaga faaaloalogia. Ia talanoa ma le agalelei e uiga i lou lava tino ma tino o isi. Atonu e fai mai e tagata ni tala lē agalelei e uiga ia te oe, ae e le tatau ona e talitonu i ai pe taulai atu i a latou upu.
O lou tino o le fale mo lou agaga. O mea e te tuuina i totonu o lou tino ma lou mafaufau e tāua! E mafai ona tatou tausia o tatou tino e ala i le taumafa i meaai maloloina, faamalositino, ma le lava o le moe.
E mafai ona tatou tausia o tatou agaga e ala i le faalogo i le Agaga Paia, tatalo, ma filifili le mea sa’o.
O le toatele o tagata e silia ma le 200 ponaivi. E lagolagoina ma puipuia lou tino e ou ponaivi. E fesoasoani ou maso ia te oe e te minoi, savali, ma tamo’e.
E matala ma tapuni ia faasolototo i lou fatu i le silia ma le faa 100,000 taimi i le aso. E fesoasoani lenei mea e pamuina ai le toto i lou tino atoa.
E galue malosi lou fai’ai ia malamalama i mea uma e te vaaia, faalogo i ai, ma lagonaina. E malosi ma saoasaoa atu nai lo se isi lava komepiuta.
A o faasolo na e matua, o le a tuputupu a’e lou tino. Na mamanuina e le Tama Faalelagi lou tino ina ia suia pea i lou olaga atoa!
O mea e te faia i lou tino e sili atu ona tāua nai lo foliga. Pe e te faaaogaina ea e taulimaina ai isi ma oe lava ia ma le agalelei, ma mulimuli ai ia Iesu Keriso?
‘Aua le faatusatusaina lou tino i le tino o se isi tagata. Manatua, o lou tino o se meaalofa mai le Tama Faalelagi!
O Ata na tusia e Jeff Harvey