O Tusigamanatu o le Konafesi

Fesoasoani mai le Lagi

Na saunoa Peresitene Oaks e uiga i mea ua tuuina mai e le Tama Faalelagi ia i tatou e fesoasoani ai ia i tatou e filifili le mea sa’o. O lo tatou fesoasoani aupito malosi o lo tatou Faaola lea, o Iesu Keriso. Ona o Ia, ua mafai ai ona faamagaloina i tatou ma toe ola pe a mavae ona tatou oti. Ua tuuina mai foi e le Tama Faalelagi ia i tatou poloaiga, sauniga ma feagaiga, ma le Agaga Paia e fesoasoani ma taialaina i tatou.

Tusi se auala se tasi e fesoasoani ai le Tama Faalelagi ia te oe!

Faalatalalata Atu i le Faaola

Na saunoa Peresitene Eyring a o laitiiti o ia, sa faia le sauniga faamanatuga i le afiafi. I se tasi po pogisa ma malulu, sa ia lagonaina ai se malamalama ma le mafanafana i totonu o le falesa a o ia ‘ai ma inu i le faamanatuga. Ina ua latou usuina upu “Iesu, ia e faatasi mai; ua oo mai le po,” sa ia lagonaina le alofa ma le latalata mai o le Faaola e ala i le Agaga Paia.

Tusi se auala se tasi e mafai ona e latalata atili atu ai ia Iesu Keriso.

Talitonu, Avea ma Ni Ō, Avea Ai

Sa faasoa mai e Sister Wright le auala e mafai ona avea ai i tatou ma soo o Iesu Keriso i le olaga atoa. E mafai ona tatou talitonu ia te Ia e ala i le aoao e uiga ia te Ia ma lagonaina le Agaga Paia. E mafai ona tatou auai ia Iesu Keriso ma Lana Ekalesia e ala i le osia ma le tausia o feagaiga. Ma e mafai ona tatou faapei o Iesu e ala i le mulimuli i Lana faataitaiga!

O Se Meaalofa Faapitoa

Na saunoa Elder Kearon e uiga i le tu masani i le lalolagi atoa o le tuuina atu o meaalofa. Tatou te tuuina atu meaalofa tatou te tuuina atu ma taliaina. E o’o lava i penguins e tu’uina atu ma’a iila i le tasi ma le isi o se meaalofa! O se tasi o meaalofa taua mai le Tama Faalelagi o le iloaina lea o i tatou moni lava o Ona afafine faapelepele ma Ona atalii faapelepele. Pe a tatou mauaina moni lenei meaalofa, e mafai ona tatou iloa po o ai i tatou ma le atoatoa o le alofagia o i tatou.

O Se Lagi o Fetu

Sa tolauapi Elder Tai ma lona aiga i lalo o fetu. Sa fesili lana fanau pe aisea ua le mafai ai ona latou vaai i fetu i le fale. Na ia faamatalaina o le filogia o le ea e faigata ai ona vaai atu i fetu. O faalavefau ma faaosoosoga e mafai ona faanenefu ai la tatou vaaiga faaleagaga. Ae faatasi ai ma le faatuatua, e mafai ona tatou iloa ai o loo i ai pea iina le Tama Faalelagi ma Iesu Keriso.