Mulimuli i Upu Fiafia

Saunia e Bethany Bartholomew

O se tala moni mai le ISA.

“E mafai ona tatou o e tusi se ata i le sioka?” Sa fesili atu ai Quinn ia Tinā.

“Ua lelei!” Na fai atu ai Tinā. “Ta o.”

Sa taufetuli atu Quinn ma lona uso ma lona tuafafine laitiiti i fafo.

“Ou te manao i le lanumoana!” o le ee mai lea a Quinn.

Sa u’u mai foi e Kade ma Chloe sioka. Sa latou nonofo i lalo ma amata ona tusitusi i luga o le auala savali. Sa si’i i luga e Tinā ni sioka lanumumu ma amata ona tusitusi.

Tamaitiiti talavou o loo valivali i sioka auala savali

“O le a lau mea o fai?” o le fesili lea a Quinn.

“O loo ou tusia ni upu fiafia mo tamaiti aoga pe a latou savavali i le fale i le asō,” o le tala lea a Tinā.

Sa mafai ona iloa atu e Quinn le aoga mai lona faamalama i luma. E fiafia o ia e talotalo atu i tamaiti a o latou savavali atu.

“O a ni sāvali e mafai ona tatou tusia ina ia ataata ai i latou?” o le fesili lea a Tinā.

Tamaitiiti laitiiti o loo tusia fetu i sioka auala savali

Sa faitau atu e Quinn i luga o le tauau o Tinā. “Seki a …”

“Oe!” Na faamaeaina e Tinā.

Sa ataata Quinn ma faaauau pea ona faitau. “E te lelei. E mafai ona e faia!”

Ona maua lea o se manatu o Quinn. Sa amata ona ia tusia se laina umi i se tasi o sāvali a Tinā Sa ia tusia se laina i le sāvali e sosoo ai. Ona ia faali’o lea ma faaalu atu i le isi.

O se tamaitai o loo tusia ‘O oe e sili!’ i le sioka i le auala savali

“O le a lau mea na e fai?” O le fesili lea a Tinā.

“O lea oute faia se laina mo tamaiti e savavali ai,” o le tala lea a Quinn. Sa amata ona tamoe o ia i le laina. “Vaai laia? O lea ou te faaali atu ia i latou le mea e maua ai upu fiafia uma.”

“Ou te manatu o se auala sili lena e ataata ai tagata uma,” o le tala lea a Tinā. Ma o lena mea na atili ai ona ataata Quinn.

Teineitiiti talavou o loo tusitusi i le sioka i le auala savali i se sāvali e faapea mai ‘E mafai ona e faia!’