Talitonu mautinoa i luma o le Atua

Saunia e Peresitene Russell M. Nelson

Fetuunai mai le “Talitonu Mautinoa i Luma o le Atua,” Liahona, Me 2025, 127–29.

Pe a tatou osia ma tausia feagaiga, e mafai ona tatou maua le talitonu mautinoa mai le Agaga Paia. E mafai ona tatou maua le talitonu mautinoa e faafofoga mai le Tama Faalelagi ia i tatou ma alofa ia i tatou e sili atu nai lo le mea e mafai ona tatou malamalama i ai. E mafai ona tatou maua le talitonu mautinoa e finagalo o Ia e fesoasoani ia i tatou ia ausia lo tatou gafatia aupito maualuga. O le alofa mama ma le amio mama e tatala ai le ala i le mauaina o le talitonu mautinoa i luma o le Atua!

O le alofa mamā i tagata uma, o le faamaufaailoga lea o i latou e faatupuina le filemu! Ia tatou tatalo atu i le Tama Faalelagi e faatumu o tatou loto i le alofa mama.

O le amiomamā e faaleleia atili ai mea uma ma tele atu ai le fiafia! Afai e i ai sou mafaufauga leaga, se mafaufauga agaleaga, po o se mafaufauga faanoanoa, o le a tuliesea e le mama na mafaufauga.

O o tatou mafaufauga, upu, ma faatinoga e manaomia ona amiomamā ma faatumuina i le alofa mamā a’ia’i o Keriso i tagata uma. Ou te valaaulia outou ina ia tuputupu a’e lo outou talitonu mautinoa i luma o le Alii.

Suesue Toto’a

Tusi pe tusitusi au tali i fesili nei e uiga i le savali a Peresitene Nelson.

E mafai faapefea ona e faaali atu le alofa i isi?
O le a se mea lelei e mafai ona e mafaufau i ai pe afai e oo mai se mafaufauga leaga, agaleaga, pe faanoanoa i lou mafaufau?

O le fea o mau na faaaoga e Peresitene Nelson e aoao atu ai e uiga i le alofa mama ma le mama? (Faaiteite: E mafai ona e faaaogaina au tusitusiga paia e sue ai!)