5 Wāween ko n̄anJelm̧ae En̄jake Ko Reļļap

Mour emaron̄ pen jet iien! En̄jake ko reļļap, āinwōt būrom̧ōj im inepata, ej m̧ōttan wōt en̄jake ko ilo ad mour ioon laļ in.

Ilo jeje ko rekwojarjar, jej ekkatak bwe men̄e Rilo̧mo̧o̧r eo ekar būrom̧ōj jet iien barāinwōt (lale Jon 11:32–36). Jisōs Kraist ekar en̄taan kōn aolep kain metak ko. Kōnke menin, Elukkuun jeļā wāween am̧ en̄jake. Ebarāinwōt lukkuun jeļā wāween n̄an jipan̄ eok. (Lale Alma 7:11–12.)

Erkein ļalem men ko n̄an jipan̄ eok n̄e em̧m̧an am̧ mour.

1

Jar n̄an Jemedwōj Ilan̄ kōn jipan̄.

N̄e kwoj jar kōn jipan̄, Jemedwōj Ilan̄ im Jisōs Kraist remaron̄ tōl eok (lale Alma 37:36–37). Rej iakwe eok im rej kōņaan jipan̄ eok!

2

Keememej bwe ewōr ro rej iakwe eok.

Jeje ko rekwojarjar rej katakin bwe “aorōk in jetōb ko ekanooj ļap ilo mejān Anij” (Katak im Bujen Ko 18:10). Meļeļein bwe kwoj iakwe im aorōk ippen Jemedwōj Ilan̄!

3

Diwōj Namōjļo̧k!

Jemedwōj Ilan̄ im Jisōs Kraist rekar kōm̧m̧ane laļ in eaiboojoj n̄an kōj. Ikkure inamōj ej jipan̄ eok eddōkļo̧k im ājmour im kajoor, im emaron̄ jipan̄ eok em̧m̧anļo̧k am̧ en̄jake im kakkije.

4

Jeje kōn wāween am̧ en̄jake.

Kōm̧m̧ane juon jōņōļ emaron̄ jipan̄ eok keememej katak ko kwoj katak ilo mour. Emaron̄ barāinwōt jipan̄ eok em̧m̧anļo̧k am̧ meļeļe ta eo kwoj en̄jake.

5

Kōnono ippen juon ritto eo kwoj lōke.

N̄e kwoj kōnono n̄an juon armej kōn wāween am̧ en̄jake, er remaron̄ in kakeememej eok kōn wāween eo aorōk. Remaron̄ jipan̄ eok jeļā wāween am̧ bōk jipan̄ eo kwoj aikuji.

Jet iien, men̄e ālkin am̧ kōm̧m̧ane men kein, komaron̄ wōt en̄jake būrom̧ōj. Komaron̄ aikuj in kōnono kaki n̄an juon taktō n̄an jipan̄ eok em̧m̧anļo̧k am̧ en̄jake. Im komaron̄ kajjitōk kōn juon kōjeraam̧m̧an an priesthood. Jekdo̧o̧n ta men eo, kwoj jab make iaam̧! Jemedwōj Ilan̄ im Jisōs Kraist rej iakwe eok. Rej kōņaan in kōjeraam̧m̧an eok im jipan̄ eok.

Kōmeļeļe ko jān Stephanie Mackay