Priesthood eo Em̧ōj An Jepļaatok

Komaron̄ riiti bwebwenato in ilo Josep Smith—Bwebwenato 1:66–73 im Katak im Bujen Ko 27:12.

Josep Smith ej kōnono n̄an Oliver Cowdery ilo juon ememļo̧kjeņ ej kwaļo̧k an Kraist lotok RiNipai ro

Ālkin an Josep Smith bōk pileij gold ko, ekar jino ukōti. Oliver Cowdery ekar je ta eo ekar ba. Ke rekar jerbal, rekar katak bwe Jisōs Kraist ekar kōņaan bwe aolep armej ren aikuj peptaij.

Josep Smith im Oliver Cowdery rej jar ilo bukwin wōjke ko

Josep im Oliver raar kōļmenļo̧kjen kōn wōn eo ewōr kajoor eo an Anij ippān n̄an peptaij armej. Raar etal n̄an būļōn būkwin wōjke ko n̄an jar im kajjitōk ippān Anij.

Enjeļ eo ilo pein ioon bōran Josep Smith

Ke raar jar, juon enjeļ eaar waļo̧ktok. E kar ba e Jon Ripeptaij, eo ekar peptaiji Jisōs Kraist etto. Ekar leļo̧k n̄an Josep im Oliver Priesthood eo an Aron bwe ren maron̄ peptaiji ro jet. Priesthood eo ej kajoor an Anij. Kar kōjerbale n̄an kōjeraam̧m̧an ajri ro nejin Anij.

Jon RiPeptaij ekar ba n̄an Josep im Oliver bwe ren peptaij. Raar etal n̄an juon reba im peptaiji doon. Ke rekar waļo̧ktok jān dān eo, raar obrak kōn Jetōb Kwojarjar. Raar aolep lukkuun m̧ōņōņō!

Enjeļ ro jilu rej likūt peir ioon bōran Josep Smith

Tokālik, enjeļ ro jet raar itok. Jilu iaan Rijilōk ro an Jisōs Kraist—Piter, Jemes, im Jon— rekar leļo̧k Melkisedek Priesthood n̄an Josep im Oliver. Kiiō Josep im Oliver remaron̄ leļo̧k mennin letok eo an Jetōb Kwojarjar n̄an ro jet.