“Jipan̄ jān Lan̄,” Jera, M̧aaj 2025, 20–21.
Jipan̄ jān Lan̄
Kobaiki tok jān “Kwōj Kōņaan ke M̧ōņōņō?” Liaona, Nob. 2023, 46–48.
Ke kar kur eō n̄an juon bisop, ekar iien eo epen tata ilo mour e aō. Ikar juon baba eo ekar 30 wōt aō iiō, ak ekar ejjeļōk aō jāān kōn wōt aban̄ ko an baamle. Iaar lukkuun m̧ōk. Ekar barāinwōt pen n̄an kōrā eo pāleeō.
Juon Jabōt kōrā eo pāleeō ij iakwe ekar bōk kwojkwoj eo. Jetōb eo ekar jipan̄ e kile juon men. Elōn̄ iaan jorrāān ko kōm̧ ar jelm̧ae kar ņa mejļaer ilo jet iien ko ilo iien eo iar pād ilo kūr eo aō.
Irooj ejeļā aikuj ko ad. N̄e Ej kajjitōk ipped n̄an jerbal, Ejeļā ta eo enaaj jipan̄ kōj eļaptata kake. Ekōņaan kōjeraam̧m̧an kōj. Im Enaaj letok n̄an kōj kōjeraam̧m̧an kein ilo ad tiljek jerbal n̄an E.
Kwo Kōņaan ke M̧ōņōņō?” Pād wōt ilo iaļen bujen eo. Rilo̧mo̧o̧r eo ad ej karuwaineneik kōj n̄an itok n̄an E. Ej ineek eddo ko ad. Jisōs Kraist ej kōm̧m̧an bwe mour eo ad ren pidodoļo̧k im m̧ōņōņōļo̧k. Im E ej kobrak kōj kōn lan̄lōn̄.
Iien Intōrpiu!
Kajjitōk ippān juon uwaan baam̧le eo wāween an Jemedwōj Ilan̄ kar kōjeraam̧m̧an er. Erkein rej jet kajjitōk ko kwomaron̄ jino kaki:
-
Komaron̄ ke jiron̄ eō kōn juon iien ke Jemedwōj Ilan̄ ekar kōjeraam̧m̧an baam̧le eo ad?
-
Ewi wāween am̧ kōņaan jipan̄ ro jet? Ta kōjeraam̧m̧an ko kwaar loe ilo am̧ jipan̄ ro jet?
-
Etke kwoj ļoor Jisōs Kraist? Ewi wāween am̧ ļoore kar jipan̄ eok maron̄ m̧ōņōņō?
Kōmeļeļe ko jān Turine Tran