Anika Eperan

“Kwopojak ke?” M̧am̧a ekar kajjitōk.

Anika ekar kōjepoluuli bōran im bakwij teddy bear eo nejin. Ekar bōktok n̄an m̧ōnj ar eo. Ekar kōjatdikdik enaaj jipan̄ e bwe en peran.

Anika ekar wōr juon an baat n̄an ba ilo būrookraam̧ eo an Būraimere rainin. Ak ekar kāāl n̄an laļ eo. Ekar jab kōnono eļap kajin English. Ijoke ekar itōn kōnono ilo kajin Spanish . Wōn enaaj meļeļe?

Jinen ekar bakwiji. “Ijeļā bwe kwoj mijak. Ak keememej, Jetōb Kwojarjar eo enaaj pād ippem̧! Kwoj jab make iaam̧.”

Men eo ekar kōm̧m̧an an Anika em̧m̧anļo̧k jidik an pād. Ekar ettōn̄ n̄an teddy bear eo nejin. Innām enaaj kōjean̄ wōt jilu, ekar ļōmņak. N̄a, bear eo nejū, im Jetōb Kwojarjar eo!

Ilo būrookraam̧ eo an Būraimere, kūlaaj eo an Anika rekar kōnono kōn ta eo rekar ekkatak iiō eo. Rekar etal n̄an lokatok eo juon ilo̧k juon. Ejjab etto ekar iien eo an Anika.

Ekar bakijwiji bear eo nejin. Ekar maron̄ peran!

“Baam̧le eo aō rej ekkatak jeje ko rekwojarjar kōn Itok, Itok Ļoor Eō aolep bon̄,” Anika ekar ba ilo kajin Spanish. Ekar bōk kūtuōn. “Kōm̧ ar ekkatak wāween an Josep Smith kar jeorļo̧k bōd an ro rekar kōmetak e. Imaron̄ jeorļo̧k bōd an ro jet barāinwōt. Ilo etan Jisōs Kraist, amen.”

Anika ekar ro̧o̧lļo̧k n̄an jea eo an. Rūkaki eo an ekar ettōn̄ dikdik n̄an e im bear eo nejin. “Em̧m̧an am̧ kōm̧m̧ane,” ekar unoojdikdik. “Komiro jim̧or kar lukkuun peran!”

Anika ekar en̄jake aenōm̧m̧an ilo būruwōn. Ekar peran! Im ekar jeļā bwe Jetōb Kwojarjar eo ekar pād ippen.

Kōmeļeļe ko jān Katie Rewse