O Le Meaalofa o le Tatalo

Saunia e Peresitene Susan H. Porter

Peresitene Aoao o le Peraimeri

Sii mai le “Tatalo, O Loo I Ai o Ia iina,” Liahona, Me 2024, 77–79.

Ua tuuina mai e le Tama Faalelagi ia te oe se meaalofa faapitoa tele. O le meaalofa o le tatalo. E mafai ona fesoasoani le tatalo ia i tatou i soo se taimi, i soo se mea.

Ou te fia faasoa atu ni meaalofa se tolu e mafai ona e tatalo ai.

1. Tatalo ia iloa.

Afai e le mafai ona tatou vaai i le Tama Faalelagi pe a fai a tatou tatalo, e mafai faapefea ona tatou iloa o loo Ia faafofoga mai?

Ua valaaulia outou e Peresitene Nelson ia “liligi atu lou loto i lou Tama Faalelagi. … Ona faalogo lea!”* E mafai ona e iloa e faafofoga mai le Tama Faalelagi i au tatalo pe a e faalogo i ou lagona i lou loto ma manatu e oo mai i lou mafaufau.

2. Tatalo ia tuputupu ae.

O le a le ala e te manao e tuputupu ae ai? E te manao e aoao se tomai fou pe fai ni uo fou? E mafai ona e tatalo ia tuputupu ae ia avea atili e faapei o Iesu Keriso!

Sa faamatala mai e la’u uo fou o Iona ia te a’u le tele o taimi na popole ai o ia i le aoga. Ae ina ua amata ona ia tatalo a o lei alu i le aoga, sa ia lagonaina le filemu. E tatalo Iona ia tuputupu ae i aso uma, ma e mafai foi ona e tuputupu ae!

3. Tatalo ia faaalia.

A o ou laitiiti sa ou tatalo mo lo’u aiga. Sa ou fia iloa pe faapefea ona ou fesoasoani ia i latou. Na fesoasoani le Tama Faalelagi ia te au ia ou iloa e mafai ona avea au ma se faataitaiga o le talalelei a Iesu Keriso. O le mea lena e mafai ona ou faia!

Afai o loo e tatalo mo lou aiga po o isi e alolofa ia te oe, aua le fiu! O le a faaali atu e le Tama Faalelagi le mea e mafai ona e faia. Pe a e ole atu ma le faamaoni mo Lana fesoasoani, o le a taialaina oe e Lona Agaga.

O A’u Tatalo

Mafaufau i fesili nei i taimi uma e te tatalo ai. Ona valivali lea o se fugalaau. Vaai pe mafai ona e valivaliina le itulau atoa!

O le a le mea ou te manao e iloa?
E faapefea ona ou manao ou te tuputupu a’e?
E mafai faapefea ona ou faaali atu le alofa i isi?