Taraicake ni Vakacokotaki ni Yalo: Carolee Scowcroft

Au vakila vakaidina niu tu e tabadra na noqu qase e liu. Sa tarai au vakaidina na kedra italanoa. E dua na tukaqu vakarua a voleka ni yali vakadua na daligana baleta ni a lutu ena dua na qiqi. O tinana, ena inuinui, a savata ka vakabira lesu ka vadretitaka. Ena vakabauta, na daliga oya sa vaka ga na ka vou. Kau nanuma kina na vakabauta kei na masu e a cabora, iko kila, ena vukui luvena tagane.

Au nanuma kina e dua na bubu sa mai deivaki koya me sa tina dua ena Gauna ni Vakaloloma ni va na gone, ka me saga na sala me na qaravi iratou kina. Iko kila, a sega ni dua a bau solia vua e dua na ilavo, ia a yaco me dua na daunibisinisi gugumatua ka cakava e levu sara na ka totoka. Au vakila me vakataki ira kece na tubuqu era tara dina na noqu bula—era tarai au cake kina kau sa marautaka na kalougata sa tu vei au.

Ia o au, me vakataka na kemuni kece, sa sotava na luluqa ni yaloqu. Kau sa vulica ni veibolebole—me vakataki Karisito na sala—na ibolebole sa ituvatuva. Ka kevaka meda kila oqo ka sega ni valuta yani, ka vulica meda sa rekitaka ga ka marautaka na ibolebole oqo, eda na marau sara kina vakalevu. Eda na rawa ni vulica na ivakarau me da vukea eso ni ra curuma tiko na ibolebole eso.

Oqori e dua tale na ka au sa vulica oya ena yaco mai noda dui gauna ni ibolebole. Ka na rawa mo na bolei ka vulica kina eso na ka, ka solia vei iko na madigi mo vukea kina e dua tale ena gauna era sotava tiko kina e dua na bolebole vakaoqo se dua na ka e rawa ni duidui ia e dua na ka o dau vakamareqeta vakalevu cake.

Au sa vakadinadinataka kina ni bolebole kece eda sotava eda na qarava vata kei na noda iVakabula. Ena yalo veiuqeti beka se mai vua e dua na Nona italai—e dua na tacida ena iSoqosoqo ni Veivukei se dua na luveda tagane se yalewa, e dua e volekati iko e mai veiqaravi vei iko ena dua na ivakarau me vukei iko mo lako curuma na ibolebole oya.