Vakacegui mai vei Jisu Karisito

Ni sa kidavaki, na taci keitou lomani, kina marautaki ni kena a tauyavutaki na cakacaka ni iSoqosoqo ni Veivukei.

Na droini levu ka totoka oqo mai vei Michael Malm e vakaraitaki ira vakatotoka na yalewa kei na tagane, gone kei na itabagone—mai na veimatatamata, duidui itovo, kei na gauna—era lako mai kivua na noda iVakabula, o Jisu Karisito. Oqo na cakacaka ni iSoqosoqo ni Veivukei: me vaqaqacotaka na bula vakatisaipeli vei Jisu Karisito ka vakavakarau me lesu tale kina nodrau iserau na noda itubutubu vakalomalagi.

Oi kemuni na taci keitou. Ka keitou sa tacimuni.

Ena itekivu ni lotu oqo, oni a vakaveikilaitaki kina Matabose Raraba ni iSoqosoqo ni Veivukei. Eratou kacivi ka vakatikori me ratou veidusimaki ka veivakasalataki vata kei keitou ena nodra liutaki na marama ena iSoqosoqo ni Veivukei. Me vakataki kemuni ga, era sa marama cecere ni vakabauta—vakabibi nira sotava na veika vereverea kei na bolebole ni bula vakayago oqo. Ena yabaki oqo, sa nomuni na madigi moni vakauqeti mai vei iratou ena vidio ni veivosaki ka salavata yani kei na kakaburaki oqo.

E vuravura raraba, e sivia ni walu na milioni na marama era lewena na iSoqosoqo ni Veivukei. Ena noda vakarautaka ka ciqoma na veivakacegui, ruarua vakayago ka vakayalo talega, eda na toro voleka kina vei Jisu Karisito ka yaco meda vakataki Koya vakalevu cake.

Sa neitou masu me na tiko vata kei kemuni na Yalotabu nio ni vakarorogo ki na neitou itukutuku. Keitou a vakarautaki ira ni keitou a vakasamataki kemuni tiko. Sa na qai noda na madigi meda rogoci Elder Quentin L. Cook, e dua na lewe ni Kuoramu ni iApositolo Le Tinikarua. Keitou lomani kemuni, na marama daulomani ena kosipeli i Jisu Karisito. Oi kemuni na taci keitou.