Tema Karong Bulana: Paglaom sa Umaabot

Minahal nga mga magbabasa,

Ako sobra kaayo nga maghunahuna. Sa batan-on pa ko, mohigda ko sa akong higdaanan magabii ug maghunahuna bahin sa kalapad sa kahangtoran. Unya human niini mohilak ko sa kwarto sa akong mga ginikanan kay nahadlok ko sa unsay mahitabo sa umaabot.

Nawala na nako kana nga batasan (kasagaran), apan manerbiyos gihapon ko maghunahuna mahitungod sa akong kaugmaon.

Kon magsugod na ko og kabug-atan, akong pahinumdoman ang akong kaugalingon nga si Jesukristo—ang tinubdan sa tanang paglaom—buhi. Ug tungod kay Siya buhi, kita makalaom diha Kaniya nga ang tanan, karon ug sa umaabot, mamaayo ra.

Nagsulti og paglaom diha kang Kristo, si Presidente M. Russell Ballard (1928–2023) miingon: “Ang paglaom mahinungdanon sa pagbuntog sa kalisdanan, pagpasiugda og espirituhanong kalig-on ug kusog, ug pagkasayod nga kita gihigugma sa atong Amahan sa Kahangtoran.”

Aniay pipila ka mga istorya sa paglaom karong bulana:

• Sa unsang paagi nga ang pagkat-on mahitungod sa mga kasinatian sa Manluluwas sa Iyang kataposang mga adlaw makagiya kanato ngadto Kaniya karong Pasko sa Pagkabanhaw

• Unsay ipasabot sa pagkahimong usa ka ahente nga makalihok uban ang pagtuo

• Sa unsang paagi ang usa ka young adult nga aktor kinsa nagdala sa papel ni Jesukristo sa mga bidyo sa Pasko sa Pagkabanhaw sa Simbahan nakakaplag og paglaom human sa iyang pagkabatan-on nga napuno sa kalisod

• Unsay naamgohan sa usa ka young adult mahitungod sa labing importante nga adlaw sa kasaysayan human sa diborsyo sa iyang mga ginikanan

• Tulo ka baroganan sa ebanghelyo nga magdala kanimo og paglaom kon ang kalibotan bation nga walay paglaom

Kita usab adunay mga istorya nga kabahin sa atong nagpadayon nga mga serye:

• Mga Kahanas sa Kinabuhi: Ang kakulang sa pagkaon usa ka tinuod nga pakigbisog —pagkat-on mahitungod sa pipila ka magamit nga mga kapanguhaan.

• Ilabi na sa mga Bag-ong kasal: Nakaapekto ba ang garbo sa imong kaminyoon?

• Mga Artikulo sa Debosyonal: Si Elder Dieter F. Uchtdorf sa Korum sa Napulog Duha ka Apostoles nagtudlo kon unsaon nga magmalipayon sa pagdawat sa Mesiyas sa atong mga kinabuhi.

Nanghinaot ko nga nahibalo kamo nga kami dinhi sa YA Matag Semana nahigugma kaninyo. Kining panahon sa Pasko sa Pagkabanhaw, nanghinaot kami nga makakita kamo og mga rason nga makabaton og paglaom diha kang Kristo.

Kay Siya nabanhaw. Ug kini naghatag kanako og daghang paglaom alang sa umaabot.

Uban sa gugma ug paglaom diha kang Kristo,

Aspen Yip, YA Matag Semana Intern sa Editoryal