O Le Autu o le Masina Lenei: O Le Malumalu ma Feagaiga

Talofa, uo!

O iinei i le vaega o le AM Faalevaiaso , sa matou talanoa soo ai e uiga i malumalu talu ai nei.

E faapena foi le vaega a le Liahona. Ma le vaega a le Mo Le Malosi o le Autalavou. Ma le vaega a le Uo.

Ua lelei, e foliga mai o tagata uma.

Ua tatou fiafia uma lava e vaai i le faanatinatiina e le Alii o Lana galuega! O fetuunaiga musuia i tapuaiga i le malumalu ua faafaigofie ai nai lo se isi lava taimi muamua na auai ai. O loo faia e le autalavou ni papatisoga sui i ni matatia faafuainumera. O loo osia ma tausia e tagata feagaiga paia ma le Atua.

Ma atonu ua na o a’u lava, ae e lagona e pei o tagata o le Ekalesia o loo lagonaina le sili atu ona fesootai i le malumalu. Sili atu ona faapelepele i ai. Sili atu le naunau e auai.

Atonu ona o le toatele naua o tagata o le Ekalesia e nonofo latalata i se malumalu i le taimi nei nai lo le, fai atu, i le 10 tausaga ua mavae. Ae ou te fia manatu foi ona o loo tatou malamalama i le faaaliga vaaia a le Alii. Ua amata ona tatou vaai atoatoa i le ala e mafai ai e le ola i feagaiga tatou te osia i le malumalu ona faatamaoaigaina ai o tatou olaga i lea aso ma lea aso ma faalolotoina ai lo tatou sootaga ma le Atua. Ua faatupulaia a tatou molimau!

O tala nei i lenei masina e uiga i le mana ma faamanuiaga o le maota o le Alii:

• E mafai faapefea ona e alualu i luma i luga o le ala o feagaiga pe a e lagonaina le faaletonu i le avea o se talavou nofofua matua

• O se talavou matua mai Ekuatoa na iloaina o se sauniga o le faaeega paia i lana lava gagana e mafai ona fesoasoani ia te ia e faatoilalo ai le faateia i se aganuu o se nuu fou

• O se faamalamalamaga o le auala o loo maua ai feagaiga tatou te osia i aso nei i le Feagaiga Tuai

• O le auala e ola ai e pei ua e osifeagaiga pe afai o le mamao ua taofia ai oe mai le osia o na feagaiga

Ma mai la tatou faasologa faifai pea:

• Tomai o le Olaga: Auala e avea ai ma se faatupu filemu i luga o le initoneti, e tusa lava pe matua faafaigata e le lalolagi

• E faapitoa lava mo Ulugalii Fou: O le mafuaaga o le alu i le inisitituti o se tasi lea o mea e sili ona lelei e fai ma lou toalua

• Faigalotu ua Faaalia: O se savali mai ia Elder Dale G. Renlund e uiga i le auala e faalolotoina ai e a tatou feagaiga lo tatou sootaga ma le Tama Faalelagi

Afai e te lei alu soo i le malumalu, afai o loo e sauni e toe foi i ai i le mavae ai se vaitaimi e te lei toe alu, pe afai foi e te le malamalama i mea uma, aua nei faatagaina lena mea e taofia ai oe mai le toe foi i ai. E le afaina le le lagona o le pei o se tagata ua iloa mea uma. E le afaina le le malamalama vave i mea uma. E oo lava i tagata o e na malaga mo le tele o tausaga o le a tau atu ia te oe o loo latou mauaina pea ni malamalamaaga fou e uiga i le malumalu ma ona feagaiga.

E tusa lava pe faafia ona e alu i le malumalu, matou te faamoemoe o le a fesoasoani nei tusiga ia te oe e saili ai ni auala fou e talisapaia ai ma manuia ai mai le faaaluina o le taimi i le maota o le Alii.

O lau uō,

Eric D. Snider, Tusitala o le AM Faalevaiaso