I le Tina Fou e Le Moe Lava Lana Pepe

Ata pu’e mai faaaloaloga a le tusitala

O au o se tina fou i se masaga e iva masina le matutua. Sa galue lo’u toalua i sifi po, lea na tuua ai na o a’u e tausi a’u pepe i le po. Sa matou nonofo i se tamai fale mautotogi e i ai uluai fola laupapa sa ‘o’ī i gaoioiga uma sa ou faia. O le po na avea ma se tulaga faigata tele i o ma potumoe e lua sa matua vavalalata lava, ma sa ou popole i taimi uma i laasaga uma sa ou faia.

Mo le tele lava o vaega, o a ma pepe na momoe lelei, lea sa ou matuai faafetai ai lava. Ae i nisi po, pe a ala ae i luga le moe lelei, e mautinoa lava o le a fafagu ai le moe mama, sa tuua a’u ma ni pepe vaivai se toalua, na feei.

E le tau fai atu, o se mea faigata ma le le fiafia le taumafai e faatoafilemu ni pepe se toalua i le tuneva o le po na o a’u.

I se tasi po, na tupu ai lenei mea, ma sa vave ona ou faafilemu se pepe e tasi na toetoe lava a toe moe i lo matou potu malolo. Sa ou toe foi atu mo le isi a’u pepe, o le sa tagi pea, ma sii mai o ia i luga. I le totonugalemu o lo’u le fiafia, sa ou tilotilo i luga ma vaaia le atavali o Keriso o siomia e tamaiti o tautau i luga o le puipui i autafa o lona moegapepe. Sa ou mafaufau i le onosai ma le alofa ma le agamalu sa Ia silasila atu ai ia i latou.

A o ou tilotilo atu i autafa, sa ou vaaia, i le pogisa, le ataata o la’u lava tagata o loo siiina la’u pepe. Ina ua ou tuuina lena faaata laitiiti i luga o le puipui e faafeagai, ou te lei iloaina le tutusa o le a fatuina i le atavali. Ae a o ou toe tepa i tua ma luma i le va o le faatusa o le Faaola faatasi ma na tamaiti ma a’u lava i la’u pepe faapelepele, o loo faataiō, sa faafuasei ona ootia au i le manatu e le o tuua na o a’u i lenei mea. Sa ou lagonaina, o le mama lelava sa ou vaaia i le ataata, e mafai ona sili atu ona onosai, sili atu ona alofa, ma sili atu ona agamalu nai lo le mea sa ou lagonaina—e pei lava ona sa i ai o Ia—ona o Ia ma Lana faataitaiga.

O se taimi ou te le manao e faagalo. Ou te faafetai mo le faamanatu e le tuua lava na o a’u ma mo Lana faataitaiga o le auala e taulima ai la’u fanau, e oo lava (aemaise) i na taimi o le ogatotonu o le po.

Talu mai lena po, ua ou maua ai se faamafanafanaga faapitoa i upu o tusitusiga paia lea e faamanatu mai ai ia i tatou e le tuua lava na o i tatou—i o tatou tofotofoga, i o tatou faanoanoaga, i lo tatou vaivai i le tulaga faatina fou.

E pei ona faailoa mai e Elder Robert D. Hales (1932–2017) o le Korama a Aposetolo e Toasefululua: “‘I lo’u Ketesemane’ ma a outou ketesemane, e le o tuua na o i tatou. Na te leoleo i tatou ‘e le tulemoe ia, e le moe lava’ [Salamo 121:4]. O Ana agelu iinei ma tua atu o le veli o loo “si’o faataamilo [tatou], e sapasapai [tatou] i luga.”[Mataupu Faavae ma Feagaiga 84:88]. E tuuina atu la’u molimau faapitoa e moni Lana folafolaga aua na Ia fetalai, “A o e faatalitali ia Ieova e toe faafouina lo latou malosi; latou te sii ae apaau e pei o aeto; latou te femoeai, a e le vaivai; latou te savavali, a e le tigaina.”[Isaia 40:31].”

O pepe o loo ala ae i le ogatotonu o le po atonu e le o toe mamao ona taofia lea i soo se taimi. Ae e mafai ona tatou maua le mafanafana i le iloaina, e pei ona tatou i ai iina mo a tatou fanau, vaivai ma le fiafia e pei ona tatou i ai, o loo i ai pea iina lo tatou Faaola ma lo tatou Tama oi le Lagi mo i tatou.