Mo le Autalavou: Ua Faafalepuipuiina Ou Matua, ma e Faigata Ona Talanoa e Uiga i Ai. O Le A Sa’u Tala E Fai?

E ono faigatā ona taliaina le mea moni e faapea, ua faafalepuipuiina se tasi e pele. Atonu e te lagona le tuuatoatasi po o le atuatuvale. E tele mea i lou olaga atonu ua suia. Atonu e faigata ona faaauau au gaoioiga masani, e pei o le aoga po o le galuega. Atonu e te ita i ou matua, isi tagata o le aiga, uo, po o oe lava. O nei lagona e mafai ona faafaigatā ai ona talanoa atu i isi e uiga i le mea o loo tupu.

E toatele tagata o lau tupulaga o loo feagai ma tulaga faapena. Ae peitai, e tofu tagata taitoatasi ma lana lava tala ma lagona e galueaiina. O se tasi tagata e iloa tonu lava ou lagona o Iesu Keriso. E ui atonu tatou te le malamalama atoatoa pe faapefea ona mafai lenei mea, ae ua tau mai e tusitusiga paia ia i tatou na alu atu Keriso “ma mafatia i tiga ma puapuaga ma faaosoosoga o ituaiga eseese uma ” (Alema 7:11; faaopoopo le faamamafa).

Ona o Ia, ou te le lagona ai le tuuatoatasi. Atonu e te manao e faitau le lauga a Elder Jeffrey R. Holland “E Leai se Tasi na Faatasi ma Ia” mai le konafesi aoao ia Aperila 2009. E pei ona molimau mai Elder Holland, “talu ai sa savalia e Iesu se ala umi, ma le tuuatoatasi na o ia lava, tatou te le tau faia faapena.”

Na aoao mai Peresitene Russell M. Nelson e mafai ona e maua tali ma le mafanafana a o e “tatalo atu i le suafa o Iesu Keriso e uiga i ou atuatuvalega, ou popolega, ou vaivaiga—ioe, o faanaunauga o lou loto. Ona faalogo lea!” Faaaliga mo le Ekalesia, Faaaliga mo o Tatou Olaga,” konafesi aoao, Ape. 2018).

O se isi mea e mafai ona fesoasoani ia te oe e te le lagonaina ai le tuuatoatasi o le faasoa atu ma le mafaufau o ou aafiaga i isi. E maloloina ma taua le talanoa atu e ala i ou lagona i siosiomaga saogalemu. Tatalo ia iloa po o ai e tatau ona e talanoa i ai ma po o afea foi. Afai e matuā faigatā tele le talanoa atu i se uō faatuatuaina, ia amata i se tagata o lou aiga vavalalata. Ae e te lei talanoa i se tasi, mafaufau i mea e te lagona le fiafia e faasoa atu. Tou te le tau faasoaina atu mea uma. E mafai ona e faamatala atu o ou aafiaga e faigata ona talanoa i ai ma e te manao i se lagolago.

Afai e lagona e le faasoaina atu o ou lagona i se tasi le taufaafefe ia te oe i le taimi nei, e le afaina! E mafai ona e amata i le talanoa atu i le Atua e ala i le tatalo. Ua Ia apoapoai i tatou e “vaai mai ia te a’u i mafaufauga uma; aua le masalosalo, aua le fefefe” (Mataupu Faavae ma Feagaiga 6:36). Na te silafia lou igoa ma ou tulaga. O le a Ia le tuulafoaia oe.

2:26