E Mafai Faapefea Ona Ou Lagolagoina Fanau a se Matua ua Faafalepuipuiina?

O le faafalepuipuiina o se tagata e aafia ai olaga o tagata uma o le aiga. O se mea masani mo tagata o le aiga le oo i lagona malolosi o le ita, leiloloa, maasiasi, fefe, po o le faanoanoa. Atonu e le mautonu tamaiti i le mea ua tupu ma popole i le lumanai. Mafaufau i manatu nei e fesoasoani ai i fanau e taulimaina le faafalepuipuiina o se matua:

• Ia faamaoni. Fesoasoani i tamaiti ia malamalama o le faafalepuipuiina o o latou matua e le o so latou sese lea. E faapitoa lava le taua o lenei mea pe afai na faia le solitulafono e faasaga i le tamaitiiti. Tali ma le faamaoni a latou fesili a o faasoaina atu faamatalaga e talafeagai ma tausaga.

• Fausia le saogalemu. O se faiga masani e masani ona iloa, e mafai ona avea ma puna sili o le faamāfanafanaga. Faasoa atu faamatalaga auiliili o lou aso i lau fanau, fesili atu po o a o latou lagona, ma faamanatu atu ia i latou lou alofa tele ia i latou. Faamaonia o latou lagona, ma fesoasoani ia i latou ia iloa po o ai e mafai ona latou faatuatuaina.

• Saili ni isi fesoasoani. E le manaomia ona e faia na o oe mea uma. Fesootai ma taitai o le Ekalesia i lou lotoifale (e pei o le epikopo po o le peresitene o le paranesi), uo i le Ekalesia, ma tagata tomai faapitoa mo le tausiga o le soifua maloloina faalemafaufau. Atonu foi e te manao e sue se vaega lagolago a le alalafaga.

• Uunaia fesootaiga (pe a talafeagai ai). Uunaia tamaiti e tusi ni tusi, auina atu ni ata, pe fautuaina atu ni tusi e faitau i matua ua faafalepuipuiina. Valaaulia i latou e auai i valaau i telefoni pe a mafai. Uunaia i latou e lipoti mai e uiga i le aoga ma isi gaoioiga.