E Mafai Faapefea Ona Ou Fesoasoani i Isi Tagata ia Malamalama i O’u Tofotofoga ma Luitau?

E ui lava ina faigata, ae e aoga le taliaina o le mea moni ua e oo i suiga ma aafiaga tumau. A o e taliaina lenei mea moni, o le a faigofie atu ona talanoa i isi. Amata i le filifili po o le a le mea o le a e ta’u atu i tagata. Atonu e le talafeagai le faasoaina atu o faamatalaga uma. Peita’i, o le faamaoni i ou faalogona ma ou mana’oga, o le a mafai ai e isi ona fesoasoani atu. Talanoa ma i latou e te faatuatuaina ma i latou e manaomia ona iloa le mea na tupu. Afai e i ai sau fanau, fesoasoani ia i latou e saili se auala e talanoa ai i isi.

Na aoao mai Russell M. Nelson, Peresitene o Le Ekalesia a Iesu Keriso o le Au Paia o Aso e Gata Ai: “Ua ia te oe le aia tatau e faaaoga ai ma le agalelei le mana o le Faaola e fesoasoani ai i lou aiga ma isi e te alofa i ai. … E te le mauaina se faamatalaga auiliili o lenei faagasologa i soo se tusi lesona. O le a avea le Agaga Paia ma ou faiaoga patino a o e saili atu ia malamalama i mea e finagalo le Alii e te iloa ma faia” (“Oa Faaleagaga,”( konafesi aoao, Oke. 2019). O le a fesoasoani le Alii ia te oe ia iloa mea e tau atu i isi ma le auala e talanoa ai ia i latou.