Puipuia o e Ta’umamaina

Ua tuuto atu le Ekalesia a Iesu Keriso o le Au Paia o Aso e Gata Ai e puipuia e ua ta’umamaina mai soo se tulaga e ono taitai atu ai i le faaleagaina po o le sauaina (tagai Sauaga, Life Help, Potutusi o le Talalelei). Afai na sauaina oe pe lagonaina foi ua lamatia oe i se faalavelave, e tatau ona e faafesootaia vave leoleo i le lotoifale. E tatau foi ona e faafesootaia se tagata faatuatuaina e fesoasoani e faamautinoa lou saogalemu.

A o faalauiloa e le Ekalesia le tausiga o i latou o e ua faafalepuipuiina, e le faaitiitia ai le manaomia ona puipuia o e ta’umamaina ma tuuina atu le lagolago ia i latou o e ua aafia i solitulafono. Atonu e faigata mo taitai ma tagata o le ekalesia o e ua oo i se tulaga latou te iloa ai le tagata na faia le solitulafono ma le tagata na aafia i se solitulafono. E ala i le tatalo ma faalogo i le Agaga, e mafai ona taialaina i latou e le Atua i a latou fegalegaleaiga ma tagata uma e aofia ai.

I tulaga faaleaiga ua leai se faatuatuaina, e mafai e tagata o le aiga ona galulue faatasi ma tagata e tuuina atu togafitiga, taitai o le Ekalesia, ma isi tagata tomai faapitoa. E mafai ona latou galulue faatasi e faatulaga ni taiala mo le puipuia o faafitauli ma mo le faatuina saogalemu o fesootaiga ma tagata o le aiga ua faafalepuipuiina pe na faafalepuipuiina muamua. E mafai ona puipuia tamaiti, tagata vaivai, ma tagata ta’umamaina ua aafia fua e ala i le fuafuaina lelei ma le faatinoina o tulafono. Afai e le o saogalemu le fesootaiga i le va o ni tagata faapitoa o le aiga i le taimi nei, e mafai ona faia ni fuafuaga e aloese ai mai fegalegaleaiga seia oo ina lava le faamalologa ma le alualu i luma.