సంఘమును స్థాపించడానికి నాయకులు మరియు సభ్యులతో ఏకమవ్వండి

స్థానిక సంఘ నాయకులు మరియు సభ్యులు దేవుని పనిలో మీ భాగస్వాములు. పునఃస్థాపించబడిన సువార్తను పరలోక తండ్రి పిల్లలకు అందించడానికి మీరు కలిసి పనిచేయడానికి సహాయపడే సంబంధాలను నిర్మించుకోండి. ఈ సంబంధాలు మీ జీవితాంతం మిమ్మల్ని ఆశీర్వదించగలవు.

స్థానిక నాయకులతో మరియు సభ్యులతో నమ్మకమైన, నిజమైన స్నేహాలను పెంచుకోండి. వారిని సందర్శించి వారి కుటుంబాలు, నేపథ్యాలు, ఆసక్తులు మరియు సంఘ అనుభవం గురించి తెలుసుకోండి. వారి జీవితాలపై నిజమైన ఆసక్తి కలిగి ఉండండి.

మీరు సందర్శించినప్పుడు, ఒక ఉద్దేశ్యంతో అలా చేయండి. మీరు కనుగొనే మరియు బోధించే పనిలో ఆత్రుతగా నిమగ్నమై ఉన్నారని చూపించండి. వారి సమయం మరియు కాలపట్టిక‌ను గౌరవించండి.

మీరు వారి ఇళ్లలో కలిసినప్పుడు లేదా సువార్తను బోధించినప్పుడు, వారి విశ్వాసాన్ని బలోపేతం చేసుకోవడానికి వారికి సహాయం చేయడానికి ప్రయత్నించండి. ప్రార్థనాపూర్వకంగా ఆత్మను మీతో కలిగి ఉండడానికి ప్రయత్నించండి. మీ ప్రాంతంలో సువార్త పరిచర్యతో మీకు ఉన్న అనుభవాలను పంచుకోండి.

స్థానిక నాయకులకు వారి పాత్రలలో మద్దతివ్వండి

కొన్ని నాయకత్వ పిలుపులు సువార్త పరిచర్యకు బాధ్యతలను కలిగి ఉంటాయి. ఈ బాధ్యతలను అర్థం చేసుకోవడం ఈ నాయకులకు మద్దతు ఇవ్వడానికి మీకు సహాయపడుతుంది. ప్రధాన చేతిపుస్తకము‌లోని 23వ అధ్యాయం నుండి ఈ క్రింది వివరణలు తీసుకోబడ్డాయి.

స్టేకు అధ్యక్షుడు: స్టేకులో సువార్తను పంచుకోవడానికి, కొత్త మరియు తిరిగి వచ్చే సభ్యులను బలోపేతం చేయడానికి యాజకత్వ తాళపుచెవులను కలిగియుంటారు. ఈ ప్రయత్నాలకు అతను మరియు అతని సలహాదారులు పూర్తి దిశానిర్దేశం చేస్తారు.

బిషప్రిక్కు: సువార్తను పంచుకోవడానికి, కొత్త మరియు తిరిగి వచ్చే సభ్యులను బలోపేతం చేయడానికి వార్డు చేసే ప్రయత్నాలకు పెద్దల సమూహ మరియు ఉపశమన సమాజ అధ్యక్షత్వాలు నాయకత్వం వహిస్తున్నప్పుడు వారితో సమన్వయం చేసుకుంటారు.

పెద్దల సమూహ మరియు ఉపశమన సమాజ అధ్యక్షత్వాలు: సువార్తను పంచుకోవడానికి, కొత్త మరియు తిరిగి వచ్చే సభ్యులను బలోపేతం చేయడానికి వార్డు చేసే రోజువారీ ప్రయత్నాలకు నాయకత్వం వహిస్తారు. బిషప్పు సమన్వయంతో వార్డు సలహాసభతో కలిసి ఈ ప్రయత్నాలను నడిపించడానికి వారు కలిసి పనిచేస్తారు. ప్రధాన చేతిపుస్తకము, 8.2.3 మరియు 9.2.3 చూడండి.

వార్డు మిషను నాయకుడు (పిలువబడితే): వార్డు సభ్యులు మరియు నాయకులు, వార్డు సువార్తికులు మరియు పూర్తి-కాల సువార్తికుల పనిని సమన్వయం చేస్తారు. వార్డు మిషను నాయకుడు పిలువబడకపోతే, పెద్దల సమూహ అధ్యక్షత్వ సభ్యుడు ఈ పాత్రను పోషిస్తారు. ప్రధాన చేతిపుస్తకము, 23.5.3 చూడండి.

“నేను స్థానిక నాయకులకు ఒక ఆశీర్వాదమా?” అని క్రమం తప్పకుండా మిమ్మల్ని మీరు ప్రశ్నించుకోండి. “నేను ఎలా సహాయం చేయగలను?” అనే వైఖరిని అభివృద్ధి చేసుకోండి.

వారపు సమన్వయ సమావేశాలు

మీ సువార్తసేవా ప్రయత్నాలలో ఐక్యంగా ఉండడానికి యువజన నాయకులతో సహా స్థానిక నాయకులతో సమన్వయం చాలా అవసరం. ఒక వార్డు మిషను నాయకుడు పిలువబడితే, అతను వారపు సమన్వయ సమావేశాలను నిర్వహిస్తాడు. లేకపోతే, ఈ పాత్రను పోషించే పెద్దల సమూహ అధ్యక్షత్వ సభ్యుడు నిర్వహిస్తాడు.

ఈ సంక్షిప్త, అనధికారిక సమావేశాలలో, స్థానిక నాయకులు మరియు మీరు సువార్తను పంచుకోవడానికి, కొత్త మరియు తిరిగి వచ్చే సభ్యులను బలోపేతం చేయడానికి చేసే ప్రయత్నాలను సమన్వయం చేస్తారు (ప్రధాన చేతిపుస్తకము, 23.4 చూడండి). సమావేశాలను స్వయంగా లేదా దూరం నుండి నిర్వహించవచ్చు. వారంలో ఫోనులు, సందేశా‌లు మరియు ఇమెయిల్‌లతో సహా ఇతర మార్గాల్లో కూడా సమన్వయం జరగాలి.

“సువార్తికుల ప్రణాళిక మరియు లక్ష్య నిర్దేశం వార్డు లేదా శాఖ ప్రణాళిక మరియు లక్ష్య నిర్దేశంతో సమలేఖనం చేయబడిన ఐక్య ప్రయత్నం మరియు దృష్టి ఇశ్రాయేలును సమకూర్చే పనిని సాధించడానికి చాలా సహాయకారిగా ఉండగలదు” (Quentin L. Cook, “Purpose and Planning,” mission leadership seminar, June 25, 2019).

సువార్తను పంచుకోవడానికి వార్డు సలహాసభ ఒక సరళమైన ప్రణాళికను రూపొందిస్తుంది (ప్రధాన చేతిపుస్తకము, 23.5.6 చూడండి). ఈ ప్రణాళికతో పరిచయం పెంచుకోండి. వారపు సమన్వయ సమావేశాలలో, నాయకులు వారి లక్ష్యాల వైపు పనిచేయడానికి సహాయపడే మార్గాల కోసం చూడండి. సువార్తను పంచుకోవడంలో సభ్యులకు మద్దతు ఇవ్వడానికి మీరు ఏమి చేస్తున్నారో నాయకులకు తెలియజేయండి.

వార్డు సలహాసభ సమావేశానికి హాజరు కావడానికి మీరు ఆహ్వానించబడితే, మీరు బోధిస్తున్న వారి పురోగతి మరియు మీరు అందుకున్న నియామకా‌ల గురించి క్లుప్తంగా తెలియజేయడానికి సిద్ధంగా ఉండండి (ప్రధాన చేతిపుస్తకము, 29.2.5 చూడండి). ఈ అవకాశాన్ని వార్డు నాయకుల విశ్వాసం మరియు నమ్మకాన్ని పెంపొందించే సమయంగా చూడండి.

స్థానిక ప్రాంతీయ అవసరాలకు అనుగుణంగా మారండి

ప్రతి వార్డు లేదా శాఖ మీరు స్వీకరించడానికి ప్రత్యేకమైన అవసరాలను కలిగి ఉంటుంది. మీరు ఒక చిన్న శాఖ‌లో లేదా ఒంటరి వయోజన వార్డులో సేవ చేయవచ్చు లేదా మీరు బహుళ వార్డులకు సేవ చేయవచ్చు. కొంతమంది నాయకులకు ఎక్కువ అనుభవం ఉంటుంది మరియు కొంతమందికి తక్కువ ఉంటుంది. కొంతమంది నాయకులకు ఇతరులకన్నా ఎక్కువ సమయం అందుబాటులో ఉంటుంది.

స్థానిక నాయకులకు సహాయం చేయడానికి మార్గాల కొరకు చూడండి. సభ్యులకు వారి పరిచర్య నియామకాలలో మద్దతు ఇవ్వడానికి వారు మిమ్మల్ని అడగవచ్చు. తమ స్నేహితులను సంఘానికి హాజరు కావడానికి ఆహ్వానించమని కొత్త సభ్యులను ప్రోత్సహించమని వారు మిమ్మల్ని అడగవచ్చు. నాయకులు మరియు సభ్యులు సువార్తను పంచుకునే మార్గాలను నేర్చుకునేటప్పుడు సువార్త పరిచర్య గురించి విలువైన అంతర్దృష్టులను మీరు అందించవచ్చు.

సంఘము సాపేక్షంగా కొత్తగా ఉన్న చోట, ప్రభువు తన సంఘాన్ని ఎలా స్థాపించారో అర్థం చేసుకోవడానికి కొత్త సభ్యులకు సహాయం చేయమని శాఖ నాయకులు మిమ్మల్ని అడగవచ్చు.

నాయకులతో మీ పని వివిధ ప్రాంతాలలో భిన్నంగా ఉండవచ్చు, కానీ ఈ కార్యకలాపాలన్నీ వ్యక్తులను ఆశీర్వదించడానికి మరియు ప్రభువు యొక్క సంఘాన్ని స్థాపించడానికి చాలా అవసరం.

సువార్తను సాధారణమైన, సహజమైన విధానాలలో పంచుకోమని సభ్యులను ప్రోత్సహించండి. ప్రేమించు, పంచుకొను మరియు ఆహ్వానించు అనే సూత్రాలను పాటించడం ద్వారా దీన్ని చేయడంలో సభ్యులకు మరియు నాయకులకు సహాయపడడానికి ప్రధాన చేతిపుస్తకము సూచనలను మరియు వీడియోలను అందిస్తుంది (ప్రధాన చేతిపుస్తకము, 23.1.1, 23.1.2 మరియు 23.1.3 చూడండి). మీరు నాయకులతో కలిసి పనిచేసేటప్పుడు ఈ సూత్రాలను గుర్తుంచుకోండి.

ఈ పనిలో మీరు నాయకుల ప్రయత్నాలకు మద్దతు ఇస్తున్నప్పుడు మీరు వారికి ఒక ఆశీర్వాదంగా ఉంటారు. దానికి బదులుగా, సువార్తను పంచుకోవడంలో, కొత్త మరియు తిరిగి వచ్చే సభ్యులను బలోపేతం చేయడంలో మరింతగా పాల్గొనడానికి వారి ఉదాహరణ సభ్యులకు సహాయపడుతుంది.

సువార్తను పంచుకోవడానికి వారి ప్రయత్నాలలో సభ్యులకు మద్దతు ఇవ్వడం గురించి ఆలోచనల కోసం 9వ అధ్యాయంలో “సభ్యులతో ఏకమవ్వండి” చూడండి.

కొత్త సభ్యులను బలోపేతం చేయడంలో స్థానిక నాయకులకు మద్దతు ఇవ్వండి

జనులు బాప్తిస్మం తీసుకొని నిర్ధారించబడినప్పుడు, వారు “పరిశుద్ధులతో ఏక పట్టణస్థులుగా, దేవుని యింటివారుగా” మారతారు (ఎఫెసీయులకు 2:19; 1 కొరింథీయులకు 12:12–27 కూడా చూడండి). కొత్త సభ్యులు “దేవుని సువార్త ద్వారా పోషించబడుటకు, సరియైన మార్గమందు ఉంచబడుటకు, … క్రీస్తు యొక్క యోగ్యతలపై మాత్రమే ఆధారపడునట్లు చేయుటకు” (మొరోనై 6:4) సహాయపడేందుకు స్థానిక నాయకులతో కలిసి పనిచేయండి.

“కొత్తగా పరివర్తన చెందినవారు తాము కనుగొన్న దాని పట్ల ఉత్సాహంతో సంఘములోకి వస్తారు. మనం వెంటనే ఆ ఉత్సాహాన్ని పెంపొందించాలి. … సువార్తికులు తాము బోధించే వ్యక్తులను మరియు కొత్తగా పరివర్తన చెందిన వారిని బాప్తిస్మం తీసుకోవడానికి ముందే వారిని చేరుకునే, వారి మాట వినే, వారికి మార్గనిర్దేశం చేసే మరియు సంఘానికి స్వాగతించే విశ్వాసులైన సభ్యులకు పరిచయం చేయడంలో మరియు అనుసంధానించడంలో సహాయపడగలరు. … బాప్తిస్మపు నీటిలోకి ప్రవేశించే వారికి మనం [పరిచర్య చేస్తున్నప్పుడు], దేవుని పిల్లలలో చాలామంది అంతము వరకు సహించి నిత్యజీవాన్ని పొందడం మనం చూస్తాము” (Ulisses S. Soares, “Convert Retention,” mission leadership seminar, June 25, 2018).

కొంతమంది సభ్యులు సంఘములో పాల్గొనడం మానేయాలని ఎంచుకుంటారు. స్థానిక నాయకులు మరియు ఇతర సభ్యులు వారితో బలమైన సంబంధాలను ఏర్పరచుకోవడానికి మరియు వారిని చేరుకోవడానికి ప్రయత్నిస్తారు. రక్షకుడు ఇలా చెప్పారు:

“అట్టి వారికి పరిచర్య చేయుటను మీరు కొనసాగించవలెను; ఏలయనగా వారు తిరిగి వచ్చి పశ్చాత్తాపపడి, హృదయము యొక్క పూర్ణ ఉద్దేశ్యముతో నా యొద్దకు వచ్చెదరేమో, నేను వారిని స్వస్థపరచుదునేమో మరియు వారికి రక్షణ తెచ్చుటకు మీరు సాధనముగా ఉందురేమో మీరెరుగరు” (3 నీఫై 18:32).

తిరిగి వచ్చే సభ్యులు వారి విశ్వాసాన్ని పెంచుకోవడానికి సహాయపడమని స్థానిక నాయకులు మిమ్మల్ని కోరవచ్చు. తరచుగా ఈ నియామకాలు పాక్షిక-సభ్యత్వ కుటుంబాలతో ఉంటాయి. మీరు తిరిగి వచ్చే సభ్యులకు సువార్త సూత్రాలను బోధిస్తూ, చర్య తీసుకోవడానికి వారిని ఆహ్వానిస్తున్నప్పుడు, వారి ఇళ్లలోకి ఆత్మను ఎలా ఆహ్వానించవచ్చో ప్రార్థనాపూర్వకంగా పరిగణించండి. వారి ఆందోళనల పట్ల సానుభూతి మరియు కరుణ చూపండి.

పరిస్థితులు అనుమతించినంత వరకు, ఇంట్లో ఇంకా బాప్తిస్మం తీసుకోని వారికి సువార్తను బోధించండి. మీ ప్రేమ మరియు మద్దతు క్రీస్తుపై వారి విశ్వాసాన్ని పెంచుకోవడానికి మరియు నిబంధనలు చేసి పాటించాలనే వారి కోరికను పెంచుకోవడానికి వారికి సహాయపడగలవు.

తిరిగి వచ్చే సభ్యులతో కలిసి పనిచేసేటప్పుడు మీరు స్థానిక నాయకులతో సమన్వయం చేసుకోండి. ఈ ప్రయత్నాలు వ్యక్తులు మరియు స్థానిక సంఘంపై శాశ్వత ప్రభావాన్ని చూపుతాయి.