Testamenta Taloha: Boky torolalana ho an’ny mpampianatra seminera

Votoatiny
Pejin-dohateny
Teny fanolorana ny Boky torolalana ho an’ny mpampianatra
Lesona momba ny Testamenta Taloha
- Tonga soa ato amin’ny Testamenta Taloha
- Mosesy 1; Abrahama 3
- Genesisy 1–2; Mosesy 2–3; Abrahama 4–5
- Genesisy 3–4; Mosesy 4–5
- Genesisy 5; Mosesy 6
- Mosesy 7
- Genesisy 6–11; Mosesy 8
- Genesisy 12–17; Abrahama 1–2
- Genesisy 18–23
- Genesisy 24–33
- Genesisy 37–41
- Genesisy 42–50
- Eksodosy 1–6
- Paska
- Eksodosy 7–13
- Eksodosy 14–18
- Eksodosy 19–20; 24; 31–34
- Eksodosy 35–40; Levitikosy 1; 4; 16; 19
- Nomery 11–14; 20–24; 27
- Deoteronomia 6–8; 15; 18; 29–30; 34
- Josoa 1–8; 23–24
- Mpitsara 2–4; 6–8; 13–16
- Rota; 1 Samoela 1–7
- 1 Samoela 8–10; 13; 15–16
- 1 Samoela 17–18; 24–26; 2 Samoela 5–7
- 2 Samoela 11–12; 1 Mpanjaka 3; 6–9; 11
- 1 Mpanjaka 12–13; 17–22
- 2 Mpanjaka 2–7
- 2 Mpanjaka 16–25
- 2 Tantara 14–20, 26, 30
- Ezra 1; 3–7; Nehemia 2, 4–6, 8
- Estera
- Joba 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Ohabolana 1–4; 15–16; 22; 31; Mpitoriteny 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3; 7; 16–18; 20
- Jeremia 31–33; 36–38; Fitomaniana 1; 3
- Ezekiela 1–3; 33–34; 36–37; 47
- Daniela 1–7
- Hosea; Joela
- Amosa; Obadia; Jona
- Mika; Nahoma; Habakoka; Zefania
- Hagay 1–2; Zakaria 1–4; 10–14
- Malakia
Lesona Fiomanana hiatrika ny fiainana
- Fifehezana fotopampianarana: Mitady ny valin’ireo fanontaniako
- Fahaiza-manao momba ny fandalinana soratra masina
- Ho zatovo mahery!: Fanaovana safidy
- Manorina fizakan-tena
- Fahasalamana ara-batana sy ara-pihetseham-po
- Fiomanana amin’ny fianarana sy asa hatao any aoriana
- Mahomby any an-tsekoly
- Fiomanana ho misiônera
- Fiomanana ho any amin’ny tempoly
- Fampianaran’ireo mpitarika ao amin’ny Fiangonana
Tovana

Mandalina ireo hafatra avy amin’ny mpanompon’ny Tompo: Mampiditra ny tenin’ireo mpitarika ao amin’ny Fiangonana ho isan’ny fandalinanao ny filazantsara

“Mandalina ireo hafatra avy amin’ny mpanompon’ny Tompo: Mampiditra ny tenin’ireo mpitarika ao amin’ny Fiangonana ho isan’ny fandalinanao ny filazantsara”, Testamenta Taloha: Boky torolalana ho an’ny mpampianatra seminera (2026)

Fampianaran’ireo mpitarika ao amin’ny Fiangonana: Lesona 206

Mandalina ireo hafatra avy amin’ny mpanompon’ny Tompo

Mampiditra ny tenin’ireo mpitarika ao amin’ny Fiangonana ho isan’ny fandalinanao ny filazantsara

Young Vietnamese woman wearing eyeglasses, writing and studying scriptures while watching General Conference. (horiz)

Ahoana no nitahian’ny hafatra avy amin’ireo mpanompon’ny Tompo ny fiainanao? Ny fandalinana ny tenin’ny Tompo izay omena amin’ny alalan’ireo mpitarika ao amin’ny Fiangonana dia manampy antsika handre ny feon’ny Tompo. Ity lesona ity dia manampy ny mpianatra hampiditra ny fandalinana ny hafatry ny Tompo izay nomen’ireo mpanompony ho isany amin’ny fandalinan’izy ireo manokana ny filazantsara.

Fanomanana ny mpianatra: Asao ny mpianatra hieritreritra ny sasany amin’ireo fitahiana noraisin’izy ireo rehefa nandalina ny hafatra vao haingana avy tamin’ireo mpitarika ao amin’ny Fiangonana izy ireo. Azon’izy ireo atao ihany koa ny manontany olona iray ao amin’ny fianakaviana na mpitarika ao amin’ny Fiangonana eo an-toerana momba ny fitahiana izay noraisin’izy ireo. Hanana fahafahana izy ireo mandritra ny fotoam-pianarana hizarana momba ireo fitahiana ireo.

Sahanasa fianarana azo atao

Inona no antony andalinana ny hafatr’ireo mpitarika ao amin’ny Fiangonana?

Hanombohana izany dia hevero ny hizara ireto teny nambara manaraka ireto sy hanasa ny mpianatra hanombantombana manokana ny ezaka ataon’izy ireo mba handray anjara amin’ny fihaonamben’ny Fiangonana maneran-tany.

Rehefa manombantombana ireo fanambarana roa etsy ambany ianao, moa ve ianao hamaritra ny tsirairay amin’izy ireo ho “mihatra amiko” sa “tsy mihatra amiko”?

Mijery ny fihaonamben’ny Fiangonana maneran-tany aho.
Mamaky sy mandalina ireo lahateny aho aorian’ny fihaonamben’ny Fiangonana maneran-tany.

Rehefa avy nomena fotoana hisaintsainana ny mpianatra dia omeo toky izy ireo fa ny tanjon’ny fanombantombanana ny tena manokana dia fahafahana ho azy ireo hanombantombana ny fomba fanaovan’izy ireo sy ny hoe ahoana no ahafahan’izy ireo mivoatra.

Teo am-pamaranana ny fihaonamben’ny Fiangonana dia nilaza ny Filoha Russell M. Nelson hoe:

Manantena aho fa handalina hatrany hatrany ireo hafatra tamin’ity fihaonambe ity ianareo mandritra ireo volana ho avy. (“Mifalia amin’ny fanomezampahasoavan’ny fanalahidin’ny fisoronana”, Liahona, mey 2024, 119)

Nahoana araka ny hevitrao no zava-dehibe ny fandalinana ireo hafatry ny fihaonamben’ny Fiangonana?
Nahoana no mety ho sarotra ho an’ny zatovo ny mandalina ireo hafatra ireo? Inona avy ireo sakana natrehanao, na mety hatrehanao, rehefa mikatsaka ny handalina tsy tapaka ireo hafatra ireo ianao?

Eo am-pizaran’ny mpianatra dia mety ilainao ny mitanisa eny amin’ny solaitrabe ireo sakana nolazain’izy ireo. Azo ampiasainao io lisitra io aoriana kely mandritra ny lesona.

Rehefa mandalina ianao anio, dia asao ny Fanahy Masina hanampy anao hamantatra ny antony maha-zava-dehibe ny fandalinana ireo hafatra ireo. Azonao atao ny mitady fomba ahafahan’ny Ray any An-danitra sy i Jesoa Kristy manampy anao handresy izay mety ho olana mampanahirana ny fampidirana ireo hafatra ireo ao anatin’ny fandalinanao manokana ny filazantsara.

Ireo mpaminany dia milaza ny tenin’ny Tompo

Mba hanampiana ny mpianatra hahatakatra ny antony maha-zava-dehibe ny fandalinana ireo hafatra avy amin’ny mpanompon’ny Tompo dia azonao atao ny manasa azy ireo handalina ny antso natao ho an’i Ezekiela mba ho mpaminany nandritra ny fotoanan’ny apôstazia teo amin’i Isiraely. Mety nandalina ny antso natao ho an’i Ezekiela mba ho “mpitily eny ambony tilikambo” ny mpianatra (jereo ny Ezekiela 3:16–17) ao amin’ny Lesona 138: “Ezekiela 1–3; 33”. Raha mbola tsy nanao ity lesona ity ny mpianatra dia azonao atao ny mizara ity famintinana manaraka ity.

Voasambotra niaaraka tamin’ny Isiraelita maro i Ezekiela ary nentina tany Babylona. Nitsidika azy ny Tompo ary niantso azy ho mpaminany nandritra ny fotoana naha babo azy (jereo ny Ezekiela 1–2).

Vakio ny Ezekiela 3:4, 10–11, 27, ka tadiavo ny torolalana nomen’ny Tompo ho an’ny mpaminaniny.

Inona no azontsika ianarana momba ny anjara asan’ny mpaminanin’ Andriamanitra?

Azonao atao ny manamarika ny andian-teny hoe “henoy amin’ny sofinao” ao amin’ny andininy 10 sy “Izay mihaino, dia aoka izy hihaino” ao amin’nyandininy 27. Zarao fa omen’ny Tompo ny vahoakany ny safidy handre ny teniny amin’ny alalan’ireo mpaminaniny sy ireo izay antsoiny hitarika.

Avy eo dia azonao soratana eny amin’ny solaitrabe ity fahamarinana tsy feno ity: Rehefa misafidy ny handre ny tenin’ny Tompo izay nomen’ireo mpanompony isika dia …

Asao ny mpianatra hameno io andian-teny io ho fitsipika amin’ny alalan’ny fampiasana ity teny nambaran’ny Filoha Nelson manaraka ity.

Ny Filoha Russell M. Nelson dia nizara ny sasany amin’ireo fitahiana nampanantenain’ny Mpamonjy an’ireo izay mandre (mihaino), mihaino (vonona ny hankatò), ary manaraka (manaraka amim-pinoana) ireo fampianaran’ny Mpamonjy izay nomen’ireo mpanompony:

24:24

Mihaino Azy rehefa manaraka ny tenin’ireo mpaminany sy mpahita ary mpanambara. Mijoro ho vavolombelona momba Azy foana ireo Apôstôlin’i Jesoa Kristy izay voatendry. Manoro ny lalana izy ireo eo am-pamakivakiantsika ny sangodim-panina maha-valaketraky ny fiainantsika eto an-tany.

Inona no hitranga rehefa mihaino sy mitandrina ary manaraka amin’ny nahim-po kokoa izay nolazain’ny Mpamonjy sy izay lazainy amin’izao fotoana izao amin’ny alalan’ny mpaminaniny ianareo? Mampanantena aho fa hotahiana amin’ny hery lehibe kokoa ianareo hahafahana miatrika ny fakam-panahy sy ny ady ary ny fahalemena. Mampanantena fahagagana aho eo amin’ny fanambadianareo, sy ny fifandraisan’ny mpianakavy, ary ny asanareo andavanandro. Ary mampanantena aho fa hitombo ny fahafahanareo mahatsapa fifaliana na dia mitombo aza ireo zavatra mampisafotofoto eo amin’ny fiainanareo. (“Henoy Izy”, Liahona, mey 2020, 90) (mari-potoana 13:07 hatramin’ny 14:16)

Inona avy ireo fitahiana nampanantenaina hitanao?

Azon’ny mpianatra atao ny mamantatra fa ny Mpamonjy dia:

Manoro ny lalantsika ao anatin’ireo sangodim-panina maha-valaketraky ny fiainantsika eto an-tany.
Omeny ny heriny isika mba hiadiana amin’ny fakam-panahy sy ny fahasahiranana ary ny fahalemena.
Mitondra fahagagana eo amin’ny fianakaviantsika sy ny asantsika isan’andro.
Mampitombo ny fahafahantsika mahatsapa fifaliana na dia mitombo aza ny fisafotofotoan’ny fiainana.

Hevero ny hanasa ny mpianatra hizara izay mety ho fitahiana hafa hitan’izy ireo avy amin’ny ezaka nataon’izy ireo mba handalina ny tenin’ny Mpamonjy sy hampiditra izany ao amin’ilay lisitra eny amin’ny solaitrabe. Mety hahazo tombony ny mpianatra amin’ny famantarana fomba sasantsasany ahafahan’ireo fitahiana nampanantenaina ireo manampy ny zatovo. Mba hanaovana izany dia azonao atao ny mandamina ny mpianatra ho vondrona kely maromaro mba hifanakalo hevitra momba ireto manaraka ireto:

Rehefa mijery ireo fitahiana nampanantenaina ireo dia mieritrereta toe-javatra manokana iray izay mety hanampian’ny iray amin’ireo fitahiana ireo ny zatovo iray.

Inona no azonao zaraina mba hanampiana ny zatovo handalina ireo hafatra avy amin’ny mpitarika ao amin’ny Fiangonana raha toa ka sahirana amin’ny fanaovana izany izy ireo?
Oviana ianao na ny olona iray fantatrao no niaina ireo fitahiana ireo?

Ampitomboy ny fandalinanao ireo hafatry ny Tompo

Hevero ny hanasa ny mpianatra hisafidy ombam-bavaka ny iray na maromaro amin’ireo fitahiana nampanantenaina eny amin’ny solaitrabe izay tian’izy ireo horaisina eo amin’ny fiainany ary hanoratra izany ao amin’ny diary fandalinany.

Azonao atao ny miresaka momba ny lisitra ahitana ireo sakana mety hatrehan’ny zatovo noforonina teo aloha nandritra ny lesona. Azonao atao ny misafidy sakana iray ary mametraka fanontaniana tahaka ireto manaraka ireto:

Inona no torohevitra homenao mba hanampiana olona izay miatrika izany sakana izany?

Hevero ny hanasa mpianatra hieritreritra ny fomba ahafahan’izy ireo mampiditra ny fandalinana ny hafatra avy amin’ireo mpitarika ao amin’ny Fiangonana amin’ny fiainan’izy ireo. Omeo toky izy ireo fa tsy maka fotoana betsaka izany. Mizarà hevitra vitsivitsy amin’ny iray kilasy ary asao ny mpianatra hizara ny sasany amin’izay nanampy azy ireo. Afaka mahita sahanasa fanampiny amin’ny endrika f nomerika ianao ao amin’ny Sahanasa fianarana fanampiny ao amin’ny endrika an-jotran’ity boky torolalana ity.

Mieritrereta fomba iray izay tsapanao fa toa azo ampidirana ny fandalinana ireo hafatra avy amin’ireo mpitarika ao amin’ny Fiangonana amin’ny fandalinanao manokana. Misafidiana iray amin’ireto hevitra manaraka ireto:

Araho ny kaonty ao amin’ny tamba-jotran-tseraseran’ny mpitarika ao amin’ny Fiangonana.
Mandalina lahateny iray na ampahany amin’ny lahateny iray ho isan’ny fitsaohanao isaky ny Alahady na amin’ny andro iray na mihoatra mandritra ny herinandro.
Mihainoa lahateny iray eo am-panatanterahana asa iray hafa toy ny hoe fanaovana fanatanjahan-tena, eny an-dalana mankany am-piasana na mody, na eo am-piasana.
Ampiasao ny fomba fiasa Drafitra Fandalinana mba hamoronana drafitra handalinana ireo lahateny avy amin’ny fihaonamben’ny Fiangonana maneran-tany farany indrindra na ireo hafatra avy amin’ny Filohan’ny Fiangonana amin’izao fotoana izao.
Ampiasao ny Fanoroana Soratra Masina manaraka ny abidia rehefa mahita soratra masina iray izay manan-danja aminao ianao mandritra ny fandalinanao manokana ny soratra masina. Hita ao amin’ny scriptures.byu.edu, io filaharana io dia afaka manampy anao hahita ny fampiasana farany indrindra an’ilay andinin-tsoratra masina nandritra ny fihaonamben’ny Fiangonana maneran-tany. Azonao atao ny mampifandray ilay teny nindramina amin’ilay andininy ao amin’ny Médiathèque de l’Évangile.
Mitadiava iray avy aminao manokana.

Azonao atao ny mamporisika ny mpianatra hivavaka amin’ny Ray any An-danitra mba hahazo fanampiana eo am-piezahan’izy ireo ny teniny izay nomena tamin’ny alalan’ireo mpanompony Azonao atao ny mizara ny fijoroana ho vavolombelona anananao momba ireo fitahiana azonao rehefa niezaka ny hampitombo ny fandalinanao ireo hafatry ny mpanompon’ny Tompo ianao. Hevero ny hanara-maso ny fivoaran’ny mpianatra ao anatin’ny herinandro vitsivitsy, ka omeo fahafahana izy ireo hizara ny fahombiazana sy ny fahasahiranana nananan’izy ireo.

Loharanom-pitaovana fanampiny

Inona avy ireo fitahiana mety ho azontsika avy amin’ny fandalinana ny hafatra avy amin’ireo mpitarika ao amin’ny Fiangonana?

Nampianatra izao ny Loholona D. Todd Christofferson ao amin’ny Kôlejin’ny Apôstôly Roambinifolo:

14:21

Lafiny iray amin’ny hoe maherifo amin’ny tenivavolombelon’i Jesoa ny manaraka ireo izay nirahiny. Tsy manery antsika Andriamanitra hankeo amin’ny lalana tsara kokoa, dia ny lalan’ny fanekempihavanana, saingy manome toromarika ireo mpaminany Izy mba hanao izay hahafantarantsika tsara ireo vokatry ny safidintsika. Ary tsy ireo mpikamban’ny Fiangonany ihany no voakasik’izany. Amin’ny alalan’ireo mpaminaniny sy apôstôliny no italahoany am-pitiavana amin’ireo rehetra manerana izao tontolo izao mba hanaraka ilay fahamarinana izay hanafaka azy ireo, tsy hampadalo azy ireo fahoriana tsy ilaina, ary hitondra fifaliana ho azy ireo. (“Ny tenivavolombelon’i Jesoa”, Liahona, mey 2024, 98–99) (mari-potoana 6:22 hatramin’ny 7:00)

6:1

Mamporisika anareo aho handalina matetika ireo hafatra avy amin’ity fihaonambe ity–na dia averimberina mihitsy aza–mandritra ireo enim-bolana ho avy. Tadiavo amim-pahamalinana ireo fomba hampidirana ireny hafatra ireny ao amin’ny takarivan’ny mpianakavinareo, ny fampianaranareo ny filazantsara, sy ireo resaka ataonareo amin’ny fianakaviana sy namana, eny fa na dia ireo resaka ifanaovanareo amin’ireo izay tsy iray finoana amintsika aza. … Ary ny fanirianareo hankatò dia hitombo rehefa mahatsiaro sy misaintsaina ny zavatra tsapanareo nandritra izay roa andro lasa izay ianareo. (“Ndao handroso hatrany”, Liahona, mey 2018, 118) (mari-potoana 6:22 hatramin’ny 7:00) (mari-potoana 1:18 hatramin’ny 1:59)

Aiza no ahitako hevitra hafa hanampiana handalinako ireo hafatra avy amin’ireo mpitarika ao amin’ny Fiangonana?

“Learn Elder Bednar’s Pattern for Studying Conference Messages — Doctrine, Invitations, Blessings,” (Newsroom.ChurchofJesusChrist.org, 30 mar. 2021)

“Studying General Conference (Mandalina ny Fihaonamben’ny Fiangonana Maneran-tany),” (New Era, jona 2013, 40–42)

Sahanasa fianarana fanampiny

Mizara ny hafany ireo mpanompon’ny Mpamonjy

Mety hanampy ny manamarika fa ireo mpanompon’ny Tompo dia mizara matetika sy amin’ny fomba maro kokoa ny hafany mihoatra ny hatrizay tamin’ny tantaran’ny Fiangonany. Azonao atao ny mangataka ny mpianatra hizara ny fomba sasany hampitodihan’ireo mpanompon’ny Tompo antsika any amin’i Jesoa Kristy.

Ny mpianatra dia mety hahita fampaherezam-panahy, tafasiry mivantana, lahatsoratra an-gazetibokin’ny Fiangonana, ary lahatsoratra avoakan’ny tamba-jotran-tserasera ho fampitodihan’ireo mpitarika ao amin’ny Fiangonana antsika any amin’ny Mpamonjy. Azonao atao ny manasa ny mpianatra hamerina hijery ny iray amin’ireto loharanom-pitaovana manaraka ireto ary hisafidy teny indrana fohy hozaraina:

Ny edisiôna farany indrindra amin’ny fihaonamben’ny Fiangonana maneran-tany ho an’ny Liahona
Famintinana maromaro amin’ireo hafatra avy amin’ny fihaonamben’ny Fiangonana maneran-tany farany Newsroom.ChurchofJesusChrist.org
Tahadikan’ilay lahatsoratra hoe “Hafatra vao haingana avy amin’ireo mpitarika ato amin’ny Fiangonana,” avy amin’ny gazetiboky Lihaona ankehitriny na Ho zatovo mahery!
Tahadikan’ny hafatra iray na maromaro vao haingana avy amin’ny kaontin’ny mpitarika ao amin’ny Fiangonana ao amin’ny tamba-jotran-tserasera

Azonao atao ny manasa ny mpianatra hizara ny teny nindramina nosafidin’izy ireo sy ny fomba ahafahan’io hafatra io mampitodika ny olona iray any amin’ny Ray any An-danitra sy i Jesoa Kristy.

Ampiasao ny Médiathèque de l’Évangile mba hamoronana drafitra fandalinana

Mety hahazo tombony ny mpianatra amin’ny famoronany drafitra fandalinana ao amin’ny Médiathèque de l’Évangile. Ireto torolalana manaraka ireto dia afaka manampy azy ireo hamorona izany drafitra izany:

Sokafy ny pejy fandraisana ao amin’ny Médiathèque de l’Évangile ary tadiavo ny “Study Plans (Drafitra fandalinana).” Avy eo dia tsindrio ny bokotra + mba hamoronana drafitra vaovao. (Mety mila “Edit (Hanova)” ny pejy fandraisana ny mpianatra mba hampidirana ny Study Plans.)
Safidio ny Fihaonamben’ny Fiangonana maneran-tany ary avy eo ny fihaonambe farany indrindra misy.
Avadiho ao amin’ny Set a schedule (hametraka fandaharam-potoana), ka safidio ny hatetiky ny fandalinana kasainao hatao.
Alefaso Add a reminder (Fanampiana fampahatsiahivana) mba hanampiana anao hamorona fahazarana amin’ny fandalinana.
Raketo ny drafitra fandalinana. Tokony ho hita lisitra ao amin’ny fizarana My Plans ao amin’ny pejy fandraisana izany avy eo.

Ampidiro ao amin’ny pejy fandraisan’ny Médiathèque de l’Évangile ny “Quote of the Day (Teny nindramina anio)”

Azon’ny mpianatra ampidirina ao amin’ny pejy fandraisanaao amin’nyMédiathèque de l’Évangile ny “Quote of the Day (teny nindramina anio)” mba handraisana hafatra avy amin’ireo mpitarika ao amin’ny Fiangonana isan’andro. Mba hanaovana izany dia tsindrio ny Edit Home (Hanova pejy fandraisana) eo ambanin’ ny efijery ary safido ny Quote of the Day (Teny nindramina anio) . Azon’izy ireo atao ny mandefa ilay safidy Notification (Fampilazana), izay handefa fanairana any amin’ny findainy rehefa mivoaka ilay teny nindramina.

Azon’ny mpianatra atao ny mamerina mijery ity teny nindramina ity ao anatin’ny drafitra fandalinan’izy ireo.

Mampiasà tamba-jotran-tserasera mba handalinana ny Tenin’ Andriamanitra amin’ny alalan’ireo mpanompony.

Azon’ny mpianatra atao ny mampiditra ireo hafatra nomen’ireo mpitarika ao amin’ny Fiangonana amin’ny alalan’ny kaontiny ao amin’ny tamba-jotran-tserasera amin’ny drafitra fandalinan’izy ireo. Ireto toromarika manaraka ireto dia afaka manampy azy ireo hanao izany.

Rehefa hitanao ny kaonty amin’ny tamba-jotran-tserasera, dia ataovy “Suivie” ilay kaonty, ataovy “Favoris” izany raha misy.
Azon’ny mpianatra atao ny mamaky lahatsoratra na andian-dresaka vitsivitsy. Asao izy ireo mba hanindry ny j’aime na j’adore. Azon’izy ireo atao ihany koa ny manoratra “Commentaire” maneho fankasitrahana ny hafatra na ny antony maha-manan-danja amin’izy ireo ilay hafatra. Ny fanaovana izany dia hampitombo ny fahitan’ny olona ny kaontin’ilay mpitarika ao amin’ny tamba-jotran-tserasera manerana izao tontolo izao, manampy amin’ny fampielezana ny hafatry ny Mpamonjy.
Azon’ny mpianatra atao ny mamorona ny “Notification” ho an’ireo kaonty nosafidian’izy ireo. Izany dia hamorona fanairana amin’ny fitaovana ampiasainy isaky ny misy lahatsoratra vaovao mivoaka.