Testamenta Taloha: Boky torolalana ho an’ny mpampianatra seminera

Votoatiny
Pejin-dohateny
Teny fanolorana ny Boky torolalana ho an’ny mpampianatra
Lesona momba ny Testamenta Taloha
- Tonga soa ato amin’ny Testamenta Taloha
- Mosesy 1; Abrahama 3
- Genesisy 1–2; Mosesy 2–3; Abrahama 4–5
- Genesisy 3–4; Mosesy 4–5
- Genesisy 5; Mosesy 6
- Mosesy 7
- Genesisy 6–11; Mosesy 8
- Genesisy 12–17; Abrahama 1–2
- Genesisy 18–23
- Genesisy 24–33
- Genesisy 37–41
- Genesisy 42–50
- Eksodosy 1–6
- Paska
- Eksodosy 7–13
- Eksodosy 14–18
- Eksodosy 19–20; 24; 31–34
- Eksodosy 35–40; Levitikosy 1; 4; 16; 19
- Nomery 11–14; 20–24; 27
- Deoteronomia 6–8; 15; 18; 29–30; 34
- Josoa 1–8; 23–24
- Mpitsara 2–4; 6–8; 13–16
- Rota; 1 Samoela 1–7
- 1 Samoela 8–10; 13; 15–16
- 1 Samoela 17–18; 24–26; 2 Samoela 5–7
- 2 Samoela 11–12; 1 Mpanjaka 3; 6–9; 11
- 1 Mpanjaka 12–13; 17–22
- 2 Mpanjaka 2–7
- 2 Mpanjaka 16–25
- 2 Tantara 14–20, 26, 30
- Ezra 1; 3–7; Nehemia 2, 4–6, 8
- Estera
- Joba 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Ohabolana 1–4; 15–16; 22; 31; Mpitoriteny 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3; 7; 16–18; 20
- Jeremia 31–33; 36–38; Fitomaniana 1; 3
- Ezekiela 1–3; 33–34; 36–37; 47
- Daniela 1–7
- Hosea; Joela
- Amosa; Obadia; Jona
- Mika; Nahoma; Habakoka; Zefania
- Hagay 1–2; Zakaria 1–4; 10–14
- Malakia
Lesona Fiomanana hiatrika ny fiainana
- Fifehezana fotopampianarana: Mitady ny valin’ireo fanontaniako
- Fahaiza-manao momba ny fandalinana soratra masina
- Ho zatovo mahery!: Fanaovana safidy
- Manorina fizakan-tena
- Fahasalamana ara-batana sy ara-pihetseham-po
- Fiomanana amin’ny fianarana sy asa hatao any aoriana
- Mahomby any an-tsekoly
- Fiomanana ho misiônera
- Fiomanana ho any amin’ny tempoly
- Fampianaran’ireo mpitarika ao amin’ny Fiangonana
Tovana

Ezekiela 1–3; 33: “Efa nataoko ho mpitily ianao”

“Ezekiela 1–3; 33: -Efa nataoko ho mpitily ianao,-” Testamenta Taloha: Boky torolalana ho an’ny mpampianatra seminera (2026)

“Ezekiela 1–3; 33: -Efa nataoko ho mpitily ianao,-” Testamenta Taloha: Boky torolalana ho an’ny mpampianatra seminera

Ezekiela 1–3; 33–34; 36–37; 47: Lesona 138

Ezekiela 1–3; 33

“Efa nataoko ho mpitily ianao”

A man standing under the awning of a small stone tower, looking out over the surrounding landscape.

Ahoana ny fomba hiarovantsika tena amin’ireo loza ara-panahy maro misy eto amin’izao tontolo izao? Niantso ny mpaminany hanao ny asan’ny mpitily, hampitandrina sy hiaro antsika ny Tompo. Niantso an’i Ezekiela ho mpitily ho an’ny Israelita nandritra ny fahababoana tany Babylona ny Tompo (jereo Ezekiela 3:16–17). Ity lesona ity dia afaka hanampy ny mpianatra hanana faniriana bebe kokoa hihaino ny fampitandreman’ny mpaminanin’ny Tompo.

Fanomanana ny mpianatra: Asao ny mpianatra hamaky ny “Mpaminany” ao amin’ny Torolalana ho an’ny Soratra Masina na “Mpaminany” ao amin’ny lohahevitra sy fanontaniana amin’ny Tahirim-pitaovana. Afaka mijery ny anjara asan’ny mpaminany sy misaintsaina ny fijeriny ny fomba hanatanterahan’ny mpaminany izany asany izany izy.

Sahanasa fianarana azo atao

Fahatsapana momba ny mpaminanin’ny Tompo

Fenoy ao amin’ny diary fandalinanao amin’ny valinteny iray na maromaro ireto fanambarana ireto:

Rehefa mahita ny mpaminany aho ka mihaino azy miteny na mamaky ny teniny dia mahatsapa ho …

Asao ny mpianatra izay mazoto hanao izany mba hizara amin’ny iray kilasy ny zavatra nosoratany. Azonao atao ny manazava fa eo ampizarana sy eo ampihainoana izay zarain’ny hafa dia mety hanazava ny sain’izy ireo ny Fanahy Masina ary hampalefaka ny fony hanaraka ny mpaminanin’ny Tompo.

Niantso an’i Ezekiela ho mpaminany ny Tompo

Nosamborina ary nobaboina tany Babylona niaraka tamin’ireo Israelita hafa i Ezekiela. Nitsidika azy ny Tompo ary niantso azy ho mpaminany nandritra ny fotoana naha babo azy (jereo ny Ezekiela 1–2). Nampanantena ny hampahery an’i Ezekiela ny Tompo raha nitory tamin’ny vahoaka mpikomy sy mafy hatoka izy (jereo ny Ezekiela 3:7–9).

Ezekiela 3:16–17 dia andalan-tsoratra masina fifehezana fotopampianarana. Hevero ny hanasa ireo mpianatra hanisy marika amin’ny fomba miavaka ireo andalan-tsoratra masina fifehezana fotopampianarana mba ho mora aminy ny mahita ny toerana misy azy.

Vakio ny Ezekiela 3:10–11, 16–17 ary jereo ny fampianaran’ny Tompo an’i Ezekiela mikasika ny andraikiny amin’ny maha mpaminany azy.

Inona no hitanao?

Hanampiana ny mpianatra hahatakatra ny fanehoan-tsarin’ny mpitily dia azonao atao ny mampiseho ny sarin’i Carcassonne izay miaraka amin’ity lesona ity miaraka amin’ny fanambaran’ny Loholona Neil L. Andersen.

Nanazava ny Loholona Neil L. Andersen ao amin’ny Kôlejin’ny Apôstôly Roambinifolo hoe:

16:5

I Carcassonne dia tanàna miavaka any Frantsa voahodidina rindrina, izay nijoro efa hatramin’ny Moyen-âge. Nisy tilikambo avo mijoalajoala amin’ireo rindrina voaro ireo izay natao hijoroan’ireo mpitily andro aman’alina, nifantoka tsy tapaka avy lavitra nitazana fahavalo. Rehefa nahatazana fahavalo nanatona ilay mpitily dia ny feo fampitandremany no niaro ny vahoakan’i Carcassonne tamin’ny loza manambana izay tsy hitan’izy ireo.

Ny mpaminany dia mpitily mitsangana eo ambonin’ny tilikambo, miaro antsika amin’ireo loza ara-panahy izay mety tsy ho hitantsika. (“Ilay Mpaminanin’Andriamanitra,” Liahona, Mey 2018, 25)

Ahoana no hamintinanao izay voalaza ao amin’ny Ezekiela 3:16–17 sy ny fampianaran’ny Loholona Andersen mikasika ny mpaminany?

Ampio ny mpianatra hahatsikaritra fa niantso ny mpaminany ho mpitily hampitandrina antsika amin’ny loza ara-panahy mety hitranga ny Tompo. Hazavao fa ny Fiadidiana Voalohany sy ny Kôlejin’ny Apôstôly Roambinifolo no manao ny asan’ny mpaminany ho an’ny Tompo ankehitriny. Raha nahavita ny sahanasa fanomanana ny mpianatra ny mpianatra dia azon’izy ireo atao ny mizara izay nianarany ao anatin’ity fifanakalozan-kevitra manaraka ity.

Nahoana no mamaritra tsara ny anjara asan’ny mpaminany ny teny hoe “mpitily”?

Ao amin’ny Ezekiela 33 dia namerina nampianatra indray an’i Ezekiela ny anjara asany amin’ny maha mpitily sy mpitondra ny hafatr’Andriamanitra ho an’Israely azy ny Tompo (jereo ny Ezekiela 33:1–7).

Vakio ny Ezekiela 33:9–11 ary jereo ny antony mahatonga ny Tompo mampitandrina ny vahoakany.

Inona no azon’ny andininy 11 ampianarina antsika mikasika ny Ray any an-danitra sy i Jesoa Kristy?

Ny Loholona D. Todd Christofferson ao amin’ny Kôlejin’ny Apôstôly Roambinifolo dia nizara ny maha porofon’ny fitiavan’Andriamanitra ny fampitandremana avy amin’ny mpaminany:

15:15

Tsy sanatria akory hoe maika ny hanameloka antsika fotsiny ny Raintsika any An-danitra sy ny Mpamonjy fa mikatsaka kosa ny fahasambarantsika sy miangavy antsika hibebaka Izy ireo, noho ny fahafantarana tsara fa “ny faharatsiana dia tsy fahasambarana [ary tsy ho fahasambarana] na oviana na oviana.” [Almà 41:10]. Noho izany i Ezekiela sy ireo mpaminany rehetra taloha sy nanomboka tamin’izay, rehefa miresaka momba ny tenin’ Andriamanitra amim-kafanam-po dia mampitandrina ny rehetra hiala amin’i Satana, ilay fahavalon’ny fanahin’izy ireo, ary “hifidy ny fahafahana sy ny fiainana mandrakizay amin’ny alalan’ Ilay Mpanalalana lehiben’ny olon-drehetra.” [2 Nefia 2:27]. (“Ny feo fampitandremana,” Liahona, Mey 2017, 108)

Ahoana no mety miantraika amin’ny faniriantsika hanaraka ireo mpaminany ny fahatakarana ny anton’ny niantson’ny Tompo azy ireo ho mpitily?

Fampitandremana avy amin’ny mpitily

Ity sahanasa manaraka ity dia natao hanampiana ny mpianatra hahita ohatra fampitandremana avy amin’ny Tompo tamin’ny alalan’ny mpaminaniny. Azonao atao ny manentana ny mpianatra hisafidy ny iray amin’ireto fandalinana manaraka ireto:

Lahateny vao haingana nataon’ny mpikambana ao amin’ny Fiadidiana Voalohany na ny Kôlejin’ny Apôstôly Roambinifolo
Ireto andalan-tsoratra masina fifehezana fotopampianarana ireto na andalana hafa nofidianao: Isaia 5:20; 1 Korintiana 6:19–20 (jereo ihany koa ny andininy 18); 2 Nefia 2:27; 2 Nefia 32:8–9; Almà 41:10; sy Fotopampianarana sy Fanekempihavanana 64:9–11

Rehefa avy nisafidy ny zavatra halalininy ny mpianatra dia asehoy ireto torolalana manaraka ireto:

Alalino ny fampianarana avy amin’ny mpaminanin’ny Tompo ary miomana hizara ireto manaraka ireto:

Fampitandremana nomen’ny Tompo tamin’ny alalan’ny mpaminaniny.
Fitahiana voaraintsika na fanamby azontsika sorohina amin’ny alalan’ny fihainoana ny fampitandremana. Mety avy amin’ny zavatra nohalalininao na avy amin’ny hevitra na traikefa niainanao no handraisana izany.
Ahoana ny fahatsapanao mikasika io fampitandremana io ho porofon’ny fitiavan’Andriamanitra na ny faniriany antsika mba ho sambatra.

Azonao atao ny manentana ny mpianatra tsirairay mba hisafidy fampitandremana avy amin’ny mpaminany izay hitany ao amin’ny dingana 1 tao amin’ny fandalinany ary hanoratra izany eny amin’ny solaitrabe. Azon’ny mpianatra atao ihany koa ny manoratra ilay fampitandremana amin’ny taratasy kely ary mametraka izany manodidina ny efitrano. Entano ny mpianatra hamaky ny fampitandremana nosaratan’ny mpianatra hafa. Afaka misafidy vitsivitsy amin’izany mba hifanakalozan-kevitra amin’ny antsimpiriany kokoa ny iray kilasy avy eo. Azonao atao ny mangataka ny mpianatra nanoratra ilay fampitandremana nofidiana mba hizara ny valinteniny amin’ny dingana 2 sy 3 ao amin’ny fandalinana.

Raha mihaino sy mandray anjara amin’ny fifanakalozan-kevitra ny mpianatra dia entano izy ireo mba hisaintsaina ny toe-javatra manokana lalovany sy ny zavatra ilainy. Amporisiho izy ireo hihevitra raha misy fampitandremana na hafatra manokana tian’ny Tompo omena azy.

Manaraka ny mpaminany

Eritrereto ny hevitra na fahatsapana nomen’ny Fanahy Masina anao nandritra ny lesona mikasika ny Tompo sy ny mpaminaniny. Ampio ny iray na ny roa amin’ireto andalana ireto ao amin’ny diary fandalinanao ary fenoy amin’ny eritreritra na fahatsapanao manokana izany:

Ny tiako ho tsaroina mikasika ny Tompo sy ny mpaminaniny dia hoe …

Te hanaraka ny mpaminanin’ny Tompo aho satria …

Azonao faranana amin’ny fangatahana mpianatra vitsivitsy hizara izay nosoratany izany. Azonao atao ny mizara ny fahatsapana naanananao mikasika ny Tompo sy ny mpaminaniny teo am-panomananao sy nampianaranao ny lesona.

Fanaovana tsianjery

Mety ho tianao ny manampy ny mpianatra hanao tsianjery ilay andinin-tsoratra masina fifehezana fotopampianarana sy ilay andian-teny manan-danja ao amin’ny soratra masina nandritra ity lesona ity, ary mamerina mijery izany mandritra ireo lesona hafa manaraka. Ny andian-teny manan-danja ao amin’ny soratra masina avy amin’ny Ezekiela 3:16–17 dia ny hoe “Ny mpaminany dia mpitily ho an’ny taranak’ Isiraely.” Ireo hevitra ho an’ny sahanasa fanaovana tsianjery dia ao amin’ireo fitaovana tovana ambanin’ny “Sahanasa famerenana fifehezana fotopampianarana.”

Loharanom-pitaovana fanampiny

Inona no mety ho hitan’ny mpaminany?

Ny Filoha Russell M. Nelson dia nanazava hoe:

Mahita mialoha ny mpaminany. Mahita ireo loza manembantsembana izay napetraky ny fahavalo na hapetrany eny amin’ny lalantsika izy ireo. Mahita mialoha ireo fahafahana mahatalanjona sy ireo tombontsoa manokana izay miandry ireo izay mihaino miaraka amin’ny fahavononana hankatò ihany koa ireo mpaminany. (“Mijoro ho tena zanaky ny arivo taona,” Ensign, Okt. 2016, 31; Liahona, Okt. 2016, 53)

Inona no fitahiana mety ho azontsika amin’ny fanarahana ny mpaminanin’ny Tompo?

Nampianatra ny Loholona Neil L. Andersen ao amin’ny Kôlejin’ny Apôstôly Roambinifolo hoe:

16:5

Eo amin’ny fiainako manokana, dia nahita aho fa rehefa mandalina amim-bavaka ny tenin’ny mpaminanin’ Andriamanitra aho ary mampifanaraka ara-panahy, amim-pitandremana sy amim-paharetana ny sitrapoko amin’ireo fampianarany azo avy amin’ny fanentanam-panahy, dia mitombo hatrany ny finoako an’i Jesoa Kristy Tompo. Rehefa misafidy ny tsy hiraharaha ny toroheviny isika, ary mitonon-tena ho mahay kokoa, dia mijaly ny finoantsika ary ho semban-drahona ny fomba fijerintsika mibanjina ny mandrakizay. Mampanantena anao aho fa raha mitoetra ho mahatoky ianao eo amin’ny fanarahana ny mpaminany dia hitombo ny finoanao ny Mpamonjy. (“Ilay Mpaminanin’ Andriamanitra,” Liahona, May 2018, 26–27)

Nizara izao manaraka izao ny Loholona Allen D. Haynie amin’ny Fitopololahy:

11:21

Nahatonga ny sasany hihotakotaka ny toe-java-misy eto amin’izao tontolo izao amin’izao fotoana izao. Amin’ny maha-zanaky ny fanekempihavanan’ Andriamanitra antsika dia tsy mila mitady zavatra etsy sy eroa isika mba hahafantarana ny fomba hoenti-mamakivaky ireo fotoan-tsarotra. Tsy tokony hatahotra isika. Ny fotopampianarana sy ireo fitsipika izay tsy maintsy arahintsika mba hahatafavoahana velona ara-panahy sy mba haharetana ara-batana dia hita ao anatin’ireo tenin’ny mpaminany velona. (“Mpaminany velona iray ho an’ny andro farany,” Liahona, May 2023, 26)

Sahanasa fianarana fanampiny

Mandalina sahan-kevitra misimisy kokoa

Azonao ampiasaina ity manaraka ity hanampiana ny mpianatra handalina misimisy kokoa mikasika ny antsimpiriany mikasika ny antso ho an’i Ezekiela mba ho mpaminany:

Entano ny atsasaky ny mpianatra hamaky ny Ezekiela 2:3–5; 3:7 ary hijery ny famaritan’ny Tompo ny Israely.
Entano ny atsasany iray hafa hamaky ny Ezekiela 2:6–7; 3:4, 10–11 ary hijery ny torohevitra nomen’ny Tompo an’i Ezekiela.

Azonareo atao ny mifanakalo hevitra amin’ireto manaraka ireto rehefa avy nizara izay voarainy ny mpianatra:

Inona no nianaranao mikasika ny Tompo? Mikasika ireo mpaminaniny?

Mampihatra izay nianaranao mikasika ny mpaminany

Ho solon’ny famaranana ny lesona amin’ny fanampiana ny mpianatra hisaintsaina ny fahatakarany sy fahatsapany mikasika ny mpaminanin’ny Tompo, dia azonao atao ny mamarana izany amin’ny fomba hanampiana azy ireo hampihatra izay nianarany. Mety ho fomba iray hanaovana izany ny fampisehoana ity fanambarana manaraka ity:

Nanambara ny Loholona Neil L. Andersen ao amin’ny Kôlejin’ny Apôstôly Roambinifolo nanao hoe:

16:5

Indray andro any, rehefa manao jery todika ny fiainantsika teto an-tany isika dia hiravoravo fa niaina teto an-tany tamin’ny fotoana nisian’ny mpaminany velona. Amin’izany andro izany, dia enga anie isika mba ho afaka hiteny hoe:

Nihaino azy izahay.

Nino azy izahay.

Nandalina ny teniny tamim-paharetana sy tamim-pinoana izahay.

Nivavaka ho azy izahay.

Nijoro teo anilany izahay.

Nanana fanetrentena ampy izahay hanarahana azy.

Nitia azy izahay. (“Ilay Mpaminanin’ Andriamanitra,” Liahona, May 2018, 27)

Entano ny mpianatra hisafidy iray na maromaro tamin’ny fanambarana nantenain’ny Loholona Andersen ho azontsika hambara. Entano izy ireo hanoratra amin’ny antsimpiriany manokana ao amin’ny diary fandalinany ny zavatra hataony ka ahatonga ireo fanambarana ireo ho marina aminy mandritra ny androm-piainany.

Fandraisana andraikitra ataon’ny mpaminany

Rehefa avy nifanakalo hevitra mikasika ny Ezekiela 3:16–17 ny mpianatra dia entano hamaky ny Ezekiela 3:18–19 (jereo ihany koa ny Ezekiela 33:6–8) ary mijery izay nambaran’ny Tompo tamin’i Ezekiela mikasika ny andraikiny tamin’ny fampitandremana ny vahoaka.

Nahoana no mizara ny tenin’ny Tompo amintsika ny mpaminany, araka ireo andian-tsoratra masina ireo?

Mizara ny sasantsasany mikasika ny fahatsapany ho manana andraikitra manoloana ny Tompo amin’ny maha mpaminaniny azy ny Loholona Russell M. Nelson:

61:34

Amin’izao fotoana izao dia miomana ho amin’ilay andro izay hitakiana amiko ny hanomezana tatitra … amin’ny Tompo amin’ny farany, momba ny fitantanako amin’ny maha-mpaminanin’ Andriamanitra ahy eto an-tany ankehitriny. Tsy tiako ny hanontaniana hoe: “Ry Rahalahy Nelson, nahoana ianao no tsy nivantana kokoa tamin’ny tanora momba ny anjaran’ izy ireo amin’ny fanangonana an’i Isiraely? Nahoana ianao no tsy hentitra kokoa tamin’ny fanasana azy ireo mba handray anjara?”

Koa izao aho dia manasa ny zatovovavy tsirairay avy sy ny zatovolahy tsirairay avy eo anelanelan’ny 12 ka hatramin’ny 18 taona ato amin’ Ny Fiangonan’i Jesoa Kristy ho an’ny Olomasin’ny Andro Farany mba hirotsaka ao amin’ilay tafiky ny tanoran’ny Tompo mba hanampy amin’ny fanangonana an’i Isiraely. (“Fanantenana ho an’i Israely,” [fampaherezam-panahy maneran-tany ho an’ny zatovo, 3 Jona 2018], Bibliothèque de l’évangile)

Azonao atao ihany koa ny milaza fa izany fandraisana andraikitra izany no mahatonga ny mpaminany hifantoka amin’ny hafatra tian’ny Tompo hampitain’izy ireo fa tsy mizara zavatra mba hampalaza azy ireo fotsiny akory.

Tsy holazaina ny fahotantsika

Mba hanampiana ny mpianatra hamantatra ny fitahiana avy amin’ny fihainoana ny fampitandremana ara-paminaniana mba hibebahantsika dia entano izy ireo hamaky ny Ezekiela 33:14–16.

Inona no ianarantsika mikasika ny fitsipiky ny fibebahana?

Azonao atao ny manentana ny mpianatra hampifandrohy na hampifandray ny Ezekiela 33:16 amin’ny andalan-tsoratra masina fifehezana fotopampianarana Isaia 1:18 sy ny Fotopampianarana sy Fanekempihavanana 58:42–43. Ampio ny mpianatra hahita fa rehefa mibebaka isika dia hamela tanteraka ny fahotantsika ny Tompo.

Inona no mety ho fiantraikan’ny fahatakarana izany fahamarinana izany amin’ny fihetseham-ponao mikasika ny Ray any An-danitra sy i Jesoa Kristy?