Testamenta Taloha: Boky torolalana ho an’ny mpampianatra seminera

Votoatiny
Pejin-dohateny
Teny fanolorana ny Boky torolalana ho an’ny mpampianatra
Lesona momba ny Testamenta Taloha
- Tonga soa ato amin’ny Testamenta Taloha
- Mosesy 1; Abrahama 3
- Genesisy 1–2; Mosesy 2–3; Abrahama 4–5
- Genesisy 3–4; Mosesy 4–5
- Genesisy 5; Mosesy 6
- Mosesy 7
- Genesisy 6–11; Mosesy 8
- Genesisy 12–17; Abrahama 1–2
- Genesisy 18–23
- Genesisy 24–33
- Genesisy 37–41
- Genesisy 42–50
- Eksodosy 1–6
- Paska
- Eksodosy 7–13
- Eksodosy 14–18
- Eksodosy 19–20; 24; 31–34
- Eksodosy 35–40; Levitikosy 1; 4; 16; 19
- Nomery 11–14; 20–24; 27
- Deoteronomia 6–8; 15; 18; 29–30; 34
- Josoa 1–8; 23–24
- Mpitsara 2–4; 6–8; 13–16
- Rota; 1 Samoela 1–7
- 1 Samoela 8–10; 13; 15–16
- 1 Samoela 17–18; 24–26; 2 Samoela 5–7
- 2 Samoela 11–12; 1 Mpanjaka 3; 6–9; 11
- 1 Mpanjaka 12–13; 17–22
- 2 Mpanjaka 2–7
- 2 Mpanjaka 16–25
- 2 Tantara 14–20, 26, 30
- Ezra 1; 3–7; Nehemia 2, 4–6, 8
- Estera
- Joba 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Ohabolana 1–4; 15–16; 22; 31; Mpitoriteny 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3; 7; 16–18; 20
- Jeremia 31–33; 36–38; Fitomaniana 1; 3
- Ezekiela 1–3; 33–34; 36–37; 47
- Daniela 1–7
- Hosea; Joela
- Amosa; Obadia; Jona
- Mika; Nahoma; Habakoka; Zefania
- Hagay 1–2; Zakaria 1–4; 10–14
- Malakia
Lesona Fiomanana hiatrika ny fiainana
- Fifehezana fotopampianarana: Mitady ny valin’ireo fanontaniako
- Fahaiza-manao momba ny fandalinana soratra masina
- Ho zatovo mahery!: Fanaovana safidy
- Manorina fizakan-tena
- Fahasalamana ara-batana sy ara-pihetseham-po
- Fiomanana amin’ny fianarana sy asa hatao any aoriana
- Mahomby any an-tsekoly
- Fiomanana ho misiônera
- Fiomanana ho any amin’ny tempoly
- Fampianaran’ireo mpitarika ao amin’ny Fiangonana
Tovana

Ezekiela 37: Mijoro ho vavolombelona momba an’i Jesoa Kristy ny Baiboly sy ny Bokin’i Môrmôna

“Ezekiela 37: Mijoro ho vavolombelona momba an’i Jesoa Kristy ny Baiboly sy ny Bokin’i Môrmôna,” Testamenta Taloha: Boky torolalana ho an’ny mpampianatra seminera (2026)

“Ezekiela 37: Mijoro ho vavolombelona momba an’i Jesoa Kristy ny Baiboly sy ny Bokin’i Môrmôna,” Testamenta Taloha: Boky torolalana ho an’ny mpampianatra seminera

Ezekiela 1–3; 33–34; 36–37; 47: Lesona 140

Ezekiela 37

Mijoro ho vavolombelona momba an’i Jesoa Kristy ny Baiboly sy ny Bokin’i Môrmôna

2026 Old Testament Seminary Teacher Materials

Nahita ny fanangonana sy fanangonana amin’ny hoavy ny fokon’i Israely rehetra ho ao amin’ny Tompo i Ezekiela ao amin’ny Ezekiela 37, (jereo ny Ezekiela 37:20-28). Ny mpaminany maoderina koa dia nandika ny fahitana azon’i Ezekiela ho tapa-kazon’i Joda (ny Baiboly) sy ny tapa-kazon’i Josefa (ny Bokin’i Môrmôna) hitambatra miaraka ho testamentan’i Jesoa Kristy sy ny filazantsarany naverina tamin’ny laoniny (jereo ny Ezekiela 37:15–17). Ity lesona ity dia afaka hanampy ny mpianatra hahatakatra ireo fomba hiarahan’ny Baiboly sy ny Bokin’i Môrmôna miasa amin’ny fijoroana ho vavolombelona momba an’i Jesoa Krisy sy ny filazantsarany.

Fanomanana ny mpianatra: Asao ny mpianatra haka sary an-tsaina ny fanontaniana apetraka amin’izy ireo hoe: “Nahoana ianao no mila ny Bokin’i Môrmôna raha mino ny Baiboly?” ary hiomana hizara ny fomba hamaliany izany. Azon’izy ireo atao ny manontany namana na fianakaviana ny mety ho valintenin’izy ireo amin’ilay fanontaniana.

Sahanasa fianarana azo atao

Vavolombelona faharoa azo antoka

Alaivo sary an-tsaina hoe mahita lahatsoratra amin’ny tambazotra sosialy ianao manontany hoe, “Nahoana no ilainao ny Bokin’i Môrmôna raha mino ny Baiboly ianao?”

Asao ny mpianatra hisaintsaina izany fanontaniana izany eo am-panoratanao izany eny amin’ny solaitrabe. Avy eo dia asao ny mpianatra hanontany tena hoe:

Hatraiza ny fahatokian-tenako amin’ny fahafahako mamaly izany fanontaniana izany?
Inona no ho laizainao raha mametraka izany fanontaniana izany aminao ny namanao?

Eo am-pandalinana ny Ezekiela 37 androany dia angataho ny Fanahy hanampy anao hahita fomba hiarahan’ny Baiboly sy ny Bokin’i Môrmôna mijoro ho vavolombelona momba an’i Jesoa Kristy sy ny filazantsarany. Hanana fahafahana hanao fanazaran-tena hamaly io fanontaniana io ianao any amin’ny fiafaran’ny lesona.

Ny tapa-kazon’i Joda sy ny tapa-kazon’i Josefa

Nirahina hitory fibebahana ho an’i Israelita izay babo tany Babylona ny mpaminany Ezekiela. Ao amin’ny Ezekiela 37 no nandraketan’ny mpaminany ny fahitana azony izay ahitana ny Tompo mampianatra fa ny mpianakavin’i Isiraely, izay maty ara-panahy noho ny Apôstazia, dia ho velona indray amin’ny alalan’ny famerenana amin’ny laoniny ny filazantsara. Tao anatin’izany fahitana izany no nahitan’i Ezekiela tapa-kazo roa na takelaka hazo izay nanoratana ireo hafatra.

Eo am-pandalinan’ny mpianatra ity andalana manaraka ity dia mety ho tianao ny manamarika fa ny “tapa-kazon’i Joda” dia milaza ny Baiboly. Ny “tapa-kazon’i Josefa” dia milaza ny Bokin’i Môrmôna (jereo ny Torolalana ho an’ny soratra masina, “Efraima”; “Joda”). Azon’ny mpianatra atao ny manampy izany fampahalalana izany ho toy ny fanamarihana ao amin’ny soratra masiny eo akaikin’ny andininy 16.

Ezekiela 37:15–17 dia andalan-tsoratra masina fifehezana fotopampianarana. Hevero ny hanasa ireo mpianatra hanisy marika amin’ny fomba miavaka ireo andalan-tsoratra masina fifehezana fotopampianarana mba ho mora aminy ny mahita ny toerana misy azy.

Vakio ny Ezekiela 37:15–20 ary jereo ny fampanantenana nomen’ny Tompo mikasika ny soratra masina amin’ny andro farany.

Inona no hevitry ny fehezanteny hoe “dia ho iray eny an-tànanao izy” (andininy 17) araka ny hevitrao?

Hanampiana antsika hahatakatra ny mahatonga ny Baiboly sy ny Bokin’i Môrmôna ho lasa testamentan’ny Mpamonjy “iray” dia nampianatra izao ny Filoha Russell M. Nelson:

14:33

Ny Baiboly sy ny Bokin’i Môrmôna dia samy mijoro ho vavolombelona momba an’i Jesoa Kristy. Mampianatra izy ireo fa Izy no Zanak’ Andriamanitra ary niaina fiainana mendrika tsara alain-tahaka Izy, nanao Sorompanavotana ho an’ny olon-drehetra Izy, maty teo amin’ny hazofijaliana Izy ary nitsangana indray tamin’ny naha Tompo nitsangana tamin’ny maty Azy. Mampianatra izy ireo fa Izy no Mpamonjy an’izao tontolo izao.

Ny vavolombelona avy amin’ny soratra masina dia manamarina ny fahamarinan’ny izy samy izy. Izany fomba fanamarinana izany dia efa nohazavain’ny mpaminany fahiny raha nanoratra fa ny Bokin’i Môrmôna dia “nosoratana mba hahazoanareo mino [ny Baiboly]; ary raha mino [ny Baiboly] ianareo dia hino ny [Bokin’i Môrmôna] ihany koa” (Môrmôna 7:9). Mifandray ireo boky ireo. Ny boky tsirairay dia mijoro ho toy ny porofo fa velona Andriamanitra ary miresaka amin’ny zanany amin’ny alalan’ny fanambarana ataon’ny mpaminaniny Izy. …

Ankehitriny ny Olomasina miaina any amin’ny firenena maro eto an-tany dia mihazona amim-pankasitrahana ny Baiboly (tapa-kazon’i Joda) sy ny Bokin’i Môrmôna (tapa-kazon’ny Efraima) izay mitambatra ho iray eo an-tànany koa. (“Fijoroana ho vavolombelona avy amin’ny soratra masina,” Liahona, Nôv. 2007, 43, 44)

Ahoana no hamintinanao izay nianarantsika tao amin’ny Ezekiela 37:15–20 sy avy amin’ny Filoha Nelson?

Na mety amin’ny fomba hafa aza no hilazan’ny mpianatra izany, dia ampio izy ireo hizara fahamarinana toy ny hoe samy mijoro ho vavolombelona momba an’i Jesoa Kristy na ny Baiboly na ny Bokin’i Môrmôna.
Nahona no zava-dehibe ny sady manana ny Baiboly no manana ny Bokin’i Môrmôna izay samy mijoro ho vavolombelona momba an’i Jesoa Kristy?

Samy mijoro ho vavolombelona momba an’i Jesoa Kristy

Ity sahanasa manaraka ity dia manampy ny mpianatra hampitombo ny fahatakarany ny fomba samy hijoroan’ny Baiboly sy ny Bokin’i Môrmôna ho vavolombelona momba an’i Jesoa Kristy sy ny filazantsarany.

Azonao atao ny manome ny sasany na izy rehetra amin’ireto tabilao eto ambany ireto. Afaka misafidy lohahevitra iray na maromaro hianarana manokana, miaraka amin’ny namana, na anaty vondrona ny mpianatra.

Lohahevitra momba ny filazantsara	Soratra masina mitovy lenta
Lohahevitra momba ny filazantsara Ny Sorompanavotan’ i Jesoa Kristy	Soratra masina mitovy lenta Baiboly: Isaia 53:3–5 Bokin’i Môrmôna: Almà 7:11–13
Lohahevitra momba ny filazantsara Fitsanganan’ny rehetra amin’ny maty noho ny amin’i Jesoa Kristy	Soratra masina mitovy lenta Baiboly: 1 Korintiana 15:20–22 Bokin’i Môrmôna: Almà 11:42–45
Lohahevitra momba ny filazantsara Nampanantena ny hanangona sy hanavotra ny olony ny Mpamonjy	Soratra masina mitovy lenta Baiboly: Ezekiela 37:21–23, 26–27 Bokin’i Môrmôna: 1 Nefia 10:14
Lohahevitra momba ny filazantsara Ny anjara asan’i Jesoa Kristy	Soratra masina mitovy lenta Baiboly: Isaia 63:7 Bokin’i Môrmôna: Moziah 4:11
Lohahevitra momba ny filazantsara Ny ôrdônansin’ny batisan’ny Mpamonjy	Soratra masina mitovy lenta Baiboly: Matio 3:13–17 Bokin’i Môrmôna: 2 Nefia 31:5–12
Lohahevitra momba ny filazantsara Misafidy lohahevitra iray ianao	Soratra masina mitovy lenta Baiboly: Bokin’i Môrmôna:

Mieritrereta fomba iray hanampiana ny mpianatra hizara izay nianarany. Fomba iray hanaovana izany ny fanomezana ny taratasy zaraina amin’ny mpianatra mba hampiasain’izy ireo hanaovana lahatsoratra amin’ny tambazotra sosialy. Raha tsy mahazatra ny mpianatra ny tambazotra sosialy dia afaka amboarinao ity sahanasa ity hilalaovana an-tsehatra izay tokony ho zarainy amin’ny olona hafa. Ny sahanasa dia manasa ny mpianatra hamaly ilay fanontaniana napetraka tany ampiadohan’ny lesona.

Misafidiana iray amin’ireo lohahevitra nohalalininareo ary manaova lahatsoratra ao amin’ny tambazotra sosialy izay azo ampiasaina hamaliana ny fanontaniana hoe “Nahoana no mila ny Bokin’i Môrmôna ianao raha mino ny Baiboly?” Ampio andian-tsoratra masina avy amin’ny Baiboly sy ny Bokin’i Môrmôna izay nianaranao izany. Hazavao ny zavatra manan-danja hitanao sy ny fomba ampianaran’izy roroa ireo mikasika an’i Jesoa Kristy sy ny filazantsarany.

Zarao ny zavatra izay nianaranao

Azonao apetaka manerana ny efitrano na eny amin’ny biraonao ny lahatsoratra na peta-drindrina navoakan’ny mpianatra. Entano ny mpianatra hitety ny efitra fianarana avy eo ary hamerina hijery ny asan’ny mpianatra namany. Omeo taratasy kely na taratasy miraikitra ny mpianatra hampiasainy eo am-pamitany ireto torolalana manaraka ireto.

Manorata “fanehoan-kevitra” amin’ny iray na maromaro amin’ireo lahatsoratra tao amin’ny tambazotra sosialy. Vitao anatin’ny fanehoan-kevitrao ny iray, farafahakeliny, amin’ireto safidy manaraka ireto:

Manampia andininy avy amin’ny Baiboly na avy amin’ny Bokin’i Môrmôna izay mety hanampy ny hafa hahatakatra bebe kokoa momba ny Mpamonjy sy ity lohahevitra ity. Ampio hevitra vitsivitsy mikasika ny zavatra manan-danja avy amin’ny soratra masina nozarainao.
Zarao ny fanampiana azonao avy amin’ny Baiboly sy ny Bokin’i Môrmôna ka nahatonga anao hahatakatra momba ny Mpamonjy sy ny fampianarany.
Manorata toe-javatra niainanao ka nanampian’ny soratra masina avy amin’ny Baiboly na ny Bokin’i Môrmôna anao hampitombo ny fijoroanao ho vavolombelona momba ny Mpamonjy sy ny filazantsarany.
Ho solon’ny fanoratanao ny eritreritrao amin’ny taratasy dia zarao ny zavatra nianaranao androany mikasika ny Mpamonjy sy ny fampianaran’ny filazantsarany ao amin’ny kaontinao manokana amin’ny tambazotra sosialy Ampio andalan-tsoratra masina sy ny fomba nanampian’ny Baiboly sy ny Bokin’i Môrmôna anao hahatakatra bebe kokoa ny filazantsaran’i Jesoa Kristy izany.

Azonao faranana amin’ny fanentanana ny mpianatra hanohy hampiasa ny Baiboly sy ny Bokin’i Môrmôna mba hampitombo ny fahatakarany momba an’i Jesoa Kristy sy ny filazantsarany ny fampianarana.

Fanaovana tsianjery

Mety ho tianao ny hanampy ny mpianatra hanao tsianjery ilay andinin-tsoratra masina fifehezana fotopampianarana sy ilay andian-teny manan-danja ao amin’ny soratra masina nandritra ity lesona ity, ary hamerina hijery izany mandritra ireo lesona hafa manaraka. Ny andian-teny manan-danja ao amin’ny soratra masina ho an’ny “Ezekiela 37:15–17” dia ny hoe “Ny Baiboly sy ny Bokin’i Môrmôna dia ho iray eny an-tànanao.” Ireo hevitra ho an’ny sahanasa fanaovana tsianjery dia ao amin’ireo fitaovana tovana ambanin’ny “Sahanasa famerenana fifehezana fotopampianarana.”

Loharanom-pitaovana fanampiny

Nahoana no zava-dehibe no sady manana ny Baiboly no manana ny Bokin’i Môrmôna?

Nandritra ny fotoana nanompoany tao amin’ny Fiadidian’ny Fitopololahy ny Loholona Tad R. Callister dia nampianatra hoe:

10:15

Efa mba nanontany tena ve ianao hoe, fa maninona no tena maro ireo fiangonana Kristianina manerana an’izao tontolo izao ankehitriny raha toa ka avy ao amin’ ilay Baiboly mitovy ihany no ahazoan’ izy ireo ireo fotopampianarany? Satria tsy mitovy ny fomba handikan’izy ireo izay lazain’ny Baiboly. Raha mitovy ny fandikan’izy ireo izany dia hitovy ny fiangonan’izy ireo. Tsy fepetra iray izay tian’ny Tompo anefa izany, satria i Paoly Apôstôly dia nanambara fa “iray ny Tompo, iray ny finoana, iray ny batisa” (Efesiana 4:5). Mba hisian’izany fitambarana ho iray izany dia nametraka ny lalàna masin’ny vavolombelona ny Tompo. Nampianatra i Paoly hoe: “Amin’ny tenin’ny vavolombelona roa na telo no hanorenana mafy ny teny rehetra” (2 Korintiana 13:1).

Ny Baiboly dia vavolombelona iray momba an’i Jesoa Kristy ary ny Bokin’i Môrmôna dia anankiray hafa. (“Ny Bokin’i Môrmôna—Boky iray avy amin’ Andriamanitra,” Liahona, Nôv. 2011, 75).

Ny Loholona L. Tom Perry (1922–2015) tao amin’ny Kôlejin’ny Apôstôly Roambinifolo dia niteny hoe:

14:28

Na ny Baiboly na ny Bokin’i Môrmôna irery dia tsy ampy. Ilaintsika Izy roa mba hampianatra antsika sy hianarantsika momba ny fotopampianarana fenon’i Kristy. Ny filana ny iray dia tsy manamaivan-danja mihitsy ilay iray hafa. Ny Baiboly sy ny Bokin’i Môrmôna dia samy ilaina ho an’ ny famonjena sy ny fisandratantsika. Nampianatra tamin’ny fomba mahery vaika ny Filoha Ezra Taft Benson hoe: “Rehefa ampiasaina miaraka, ny Baiboly sy ny Bokin’i Môrmôna dia mandresy tanteraka ny fotopampianarana diso izany” (“Fijoroana vavolombelona vaovao ho an’i Kristy,” Ensign, Nôv. 1984, 8). (“Ny herin’ny fanafahana,” Liahona, Mey 2012, 96).

Sahanasa fianarana fanampiny

Ny hafatry ny Bokin’i Môrmôna

Ao amin’ny lesona, alohan’ny hanaovan’ny mpianatra lahatsoratra ao amin’ny tambazotra sosialy avy amin’ny zavatra nianarany dia mety hanampy ny manome ny mpianatra ohatra vao haingana avy amin’ny kaontin’ny tambazotra sosialin’ny mpitarika ao amin’ny Fiangonana. Na ho solon’izany dia alefaso ny horonantsary “What Is the Book of Mormon [Inona ny Bokin’i Môrmôna]?” (0:57) ao amin’ny ChurchofJesusChrist.org, izay mampiseho fa mijoro ho vavolombelona momba an’i Jesoa Kristy mitovy amin’ny Baiboly ny Bokin’i Môrmôna.

0:58

Ny fitahiana avy amin’ny vavolombelona roa

Ny lesona mampiasa fitaovana dia azo ampiasaina hampianarana ny maha zava-dehibe ny fananana vavolombelona faharoa amin’ny fahamarinana manan-danja. Eo ampiandohan’ny lesona dia petaho taratasy misy andriamby eo afovoany eny amin’ny solaitrabe. Entano ny mpianatra hieritreritra hoe firy ireo fomba samy azo hanodinana ilay taratasy misy andriamby iray ihany izay mihazona izany tsy hihetsika. Petaho andriamby faharoa eo amin’ilay taratasy avy eo ary asao ny mpianatra hizara ny fahasamihafana hitany. Fomba iray hanehoana izany ihany koa ny fanaovana sary teboka eny amin’ny solaitrabe ary manontany ny mpianatra hoe firy ny isan’ny tsipika mahitsy azo ampandalovina eo amin’izany teboka izany (tsy voafetra). Azonao atao avy eo ny manao sary teboka roa eny amin’ny soliatrabe ary manontany ny mpianatra hoe firy ny isan’ny tsipika mahitsy azo soritana (iray).

Ny herin’ny fanangonana ny tapa-kazon’i Joda sy Josefa

Rehefa mifanakalo hevitra mikasika ny fanangonana miaraka ny “tapa-kazon’”i Joda sy Josefa ny mpianatra dia azonao atao ny manentana azy ireo hampifandray na hampifandrohy ny Ezekiela 37:15–17 amin’ny 2 Nefia 3:12. Azonao atao ny manoratra fahamarinana ampahany eny amin’ny solaitrabe toy ny hoe “Ny Baiboly sy ny Bokin’i Môrmôna dia samy …” Asao ny mpianatra hameno ny fanambarana avy amin’ny 2 Nefia 3:12. Afaka mitanisa ohatra tahaka ireto manaraka ireto ny mpianatra:

Hanaporofoana ny mahadiso ny fotopampianarana sandoka.
Hamahana ny tsy fifankazahoana.
Hanorenana fandriam-pahalemana.
Hanampiana ny taranak’i Lehi hamantatra ny rainy.
Hanampiana ny vahoakan’ Andriamanitra rehetra hahalala ny fenekempihavanany.

Azon’ny mpianatra atao ny mizara ny fomba nahitany, na ny nahitan’ny olona fantany izany fitahiana izany noho ny Baiboly sy ny Bokin’i Môrmôna.

“Iray eo an-tànanao” (Ezekiela 37:17)

Hanampiana ny mpianatra hahatakatra fa mbola mitohy hatramin’izao andro iainantsika izao ny fahatanterahan’ny faminanian’i Ezekiela dia azonao atao ny manasa azy ireo hamerina hijery ny lahatsoratra farany ao amin’ny Gospel Library. Azon’ny mpianatra atao ny mijery ireo fomba sasantsasany mahatonga ny Baiboly sy ny Bokin’i Môrmôna ho lasa iray eo an-tànantsika amin’izao vanim-potoana izao. Azonao atao ny manamarika ny rohy mitondra mankany amin’ny fanovozan-kevitra ambanin’ny pejy, horonantsary, ary sary izay misy. Asao ny mpianatra hahita ny andininy mifandray ao amin’ny Baiboly sy ny Bokin’i Môrmôna izay manondro an’i “Jesoa Kristy” ao amin’ny fanoroam-pejy.

Rehefa avy namerina nijery hoe manao ahoana ny fitohizan’ny fahatanterahan’izany faminaniana izany ny mpianatra dia azonao atao ny mizara ny sasany amin’ny tantara tamin’ny fanaovana pirinty ny Baiboly sy ny Bokin’i Môrmôna tamin’ny 1982. Ao anatin’izany edisiôna izany ny namoronana voalohany indrindra ny fanovozan-kevitra ambanin’ny pejy izay mampifandray andinin-tsoratra masina ao amin’ny Baiboly amin’ny andalana manan-danja ao amin’ny Bokin’i Môrmôna. Ny tantaran’ny fanaovana pirintin’ity asa sarotra ity dia nozarain’ny Filoha Boyd K. Packer (1924–2015) ao amin’ny Kôlejin’ny Apôstôly Roambinifolo (“Soratra masina,” Ensign, Nôv. 1982). Azonao atao ny manome ny mpianatra ny rohin’ny kaody QR ahafahan’izy ireo mijery izany lahateny izany ao amin’ny fitaovany elektronika. Azon’ny mpianatra atao ny mamerina mijery ny tantara ary mifanakalo hevitra mikasika ny fanamby tamin’ny edisiôna taona 1982 sy ny fahagagana nentin’ny teknolojia ka nahatonga ny Gospel Library ankehitriny.

Azonao atao ny manamarika fa ny fampifandraisana andininy nojeren’izy ireo eo ambanin’ny hoe “Jesoa Kristy” dia tsy nisy raha tsy vita ny edisiônan’ny soratra masina tamin’ny 1982.

Azonao atao ihany koa ny mampiseho ny horonantsary misy ny hafatry ny Filoha Packer izay manazava izany rafitra izany an-tsary “Scriptures [Soratra masina]” (manomboka amin’ny mari-potoana 3:17 ka hatramin’ny 10:09).

18:30