Testamenta Taloha: Boky torolalana ho an’ny mpampianatra seminera

Votoatiny
Pejin-dohateny
Teny fanolorana ny Boky torolalana ho an’ny mpampianatra
Lesona momba ny Testamenta Taloha
- Tonga soa ato amin’ny Testamenta Taloha
- Mosesy 1; Abrahama 3
- Genesisy 1–2; Mosesy 2–3; Abrahama 4–5
- Genesisy 3–4; Mosesy 4–5
- Genesisy 5; Mosesy 6
- Mosesy 7
- Genesisy 6–11; Mosesy 8
- Genesisy 12–17; Abrahama 1–2
- Genesisy 18–23
- Genesisy 24–33
- Genesisy 37–41
- Genesisy 42–50
- Eksodosy 1–6
- Paska
- Eksodosy 7–13
- Eksodosy 14–18
- Eksodosy 19–20; 24; 31–34
- Eksodosy 35–40; Levitikosy 1; 4; 16; 19
- Nomery 11–14; 20–24; 27
- Deoteronomia 6–8; 15; 18; 29–30; 34
- Josoa 1–8; 23–24
- Mpitsara 2–4; 6–8; 13–16
- Rota; 1 Samoela 1–7
- 1 Samoela 8–10; 13; 15–16
- 1 Samoela 17–18; 24–26; 2 Samoela 5–7
- 2 Samoela 11–12; 1 Mpanjaka 3; 6–9; 11
- 1 Mpanjaka 12–13; 17–22
- 2 Mpanjaka 2–7
- 2 Mpanjaka 16–25
- 2 Tantara 14–20, 26, 30
- Ezra 1; 3–7; Nehemia 2, 4–6, 8
- Estera
- Joba 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Ohabolana 1–4; 15–16; 22; 31; Mpitoriteny 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3; 7; 16–18; 20
- Jeremia 31–33; 36–38; Fitomaniana 1; 3
- Ezekiela 1–3; 33–34; 36–37; 47
- Daniela 1–7
- Hosea; Joela
- Amosa; Obadia; Jona
- Mika; Nahoma; Habakoka; Zefania
- Hagay 1–2; Zakaria 1–4; 10–14
- Malakia
Lesona Fiomanana hiatrika ny fiainana
- Fifehezana fotopampianarana: Mitady ny valin’ireo fanontaniako
- Fahaiza-manao momba ny fandalinana soratra masina
- Ho zatovo mahery!: Fanaovana safidy
- Manorina fizakan-tena
- Fahasalamana ara-batana sy ara-pihetseham-po
- Fiomanana amin’ny fianarana sy asa hatao any aoriana
- Mahomby any an-tsekoly
- Fiomanana ho misiônera
- Fiomanana ho any amin’ny tempoly
- Fampianaran’ireo mpitarika ao amin’ny Fiangonana
Tovana

Miomana ho amin’ny fihaonamben’ny Fiangonana maneran-tany: Mandre ny tenin’ny Mpamonjy mandritra ny fihaonamben’ny Fiangonana maneran-tany

“Miomana ho amin’ny fihaonamben’ny Fiangonana maneran-tany: Mandre ny tenin’ny Mpamonjy mandritra ny fihaonamben’ny Fiangonana maneran-tany”, Testamenta Taloha: Boky torolalana ho an’ny mpampianatra seminera (2026)

Fampianaran’ireo mpitarika ao amin’ny Fiangonana: Lesona 205

Miomana ho amin’ny fihaonamben’ny Fiangonana maneran-tany

Mandre ny tenin’ny Mpamonjy mandritra ny fihaonamben’ny Fiangonana maneran-tany

Miresaka amintsika tsirairay amin’ny alalan’ireo mpanompony ny Tompo mandritra ny fihaonamben’ny Fiangonana maneran-tany. Ny fiomanana an-tsitrapo ho amin’ny fihaonambe dia afaka manampy antsika handray fanambarana ho an’ny tena manokana. Ity lesona ity dia manampy ny mpianatra hiomana handray ny hafatra avy amin’ny Mpamonjy mandritra ny fihaonamben’ny Fiangonana maneran-tany.

Fanomanana ’ny mpianatra: Asao ny mpianatra hisaintsaina ireo fitahiana izay mety ho azo rehefa mijery ny fihaonamben’ny Fiangonana manaraka sy ny fomba ahafahan’izy ireo miomana amin’izany.

Sahanasa fianarana azo atao

Miomana amin’ireo fotoana miavaka

Fanamarihana: Satria atao indroa isan-taona ny fihaonamben’ny Fiangonana maneran-tany dia mety ilainao ny mampianatra ity lesona ity indroa. Mba hahitana fomba hafa hampianarana ity lesona ity dia jereo ny fizarana Sahanasa fianarana fanampiny ato amin’ity lesona ity ao amin’ny Médiathèque de l’Évangile ao amin’nyChurchofJesusChrist.org.

Mba hanampiana ny fanomanana ny mpianatra handalina dia hevero ny hanomboka ny fotoam-pianarana amin’ny alalan’ny fanaovana sary toy izao manaraka izao eny amin’ny solaitrabe:

Asao ny mpianatra hitadidy hafatra iray izay noraisin’izy ireo ka nanan-danja tamin’izy ireo. Ohatra amin’izany ny fanamarihana avy amin’ny ray aman-dreny, hafatra avy amin’ny namana, fankasitrahana avy amin’ny mpifanolobodirindrina na mpitarika ao amin’ny Fiangonana, na torohevitra avy amin’ny ray aman-drenibe.

Hevero ny hizara ohatra iray amin’ny hafatra noraisinao ka nanan-danja taminao. Apetraho amin’ny mpianatra ity fanontaniana manaraka ity:

Nahoana no nanan-danja taminao ilay hafatra noraisinao?

Alaovy sary an-tsaina hoe handefa hafatra ho anao ny Tompo. Makà fotoana kely hanoratana ao anatin’ny diary fandalinanao ny zavatra antenainao ho ampidiriny ao amin’ny hafany, ohatra, fitarihana ho an’ny fiainanao, hafatra mitondra fanantenana sy fanomezan-toky, fanamafisana ny fahamarinana, na valin’ny fanontaniana iray.

Ny fomba handefasan’ Andriamanitra hafatra ho antsika

Vakio ny maromaro amin’ireto andininy manaraka ireto, ka tadiavo ny fomba iray handefasan’ny Tompo ny hafany sy ny andian-teny izay maneho ny antony maha-manan-danja izany:

2 Tantara 36:15
Jeremia 7:25
Amosa 3:7
Fotopampianarana sy Fanekempihavanana 1:38
Fotopampianarana sy Fanekempihavanana 21:4–6

Asao ny mpianatra hizara ny zavatra hitany ary amporisiho izy ireo hanisy marika ireo andian-teny henon’izy ireo avy amin’ireo namany izay tian’izy ireo hotsaroana.

Mandritra ny fihaonamben’ny Fiangonana maneran-tany, ireo mpaminany sy mpahita ary mpanambara, miaraka amin’ireo mpitarika hafa nentanim-panahy ao amin’ny Fiangonana dia mizara hafatra avy amin’ny Tompo.

Nampianatra izao ny Loholona Neil L. Andersen ao amin’ny Kôlejin’ny Apôstôly Roambinifolo:

Omeko anareo ny tenivavolombeloko fa i Jesoa no Kristy, fa Izy no mitarika ny raharahan’ity asa masina ity, ary ny fihaonamben’ny Fiangonana maneran-tany no iray amin’ireo fotoana tena manan-danja hanomezany fitarihana ho an’ny Fiangonany sy ho antsika manokana. …

Ireo fampianarana mandritra ny fihaonamben’ny Fiangonana maneran-tany no ireo fifantohana irian’ny Tompo ho eo anoloantsika manomboka izao sy mandritra ireo volana manaraka. (“Ny feon’ny Tompo”, Liahona, nôv. 2017, 122, 124)

Ahoana no hamintinanao ny zavatra nampianarin’ny Loholona Andersen?

Fahamarinana iray mety holazain’ny mpianatra ny hoe: mandritra ny fihaonamben’ny Fiangonana maneran-tany, ny Tompo dia manome torolalana ho an’ny Fiangonany sy ho antsika manokana amin’ny alalan’ireo mpanompony, dia ireo mpaminany izany.
Inona no fantatrao momba an’i Jesoa Kristy ka mahatonga ny hafatra iray avy Aminy ho manan-danja?

Mba hanampiana ny mpianatra hisaintsaina momba ny fiomanany ho amin’ny fihaonamben’ny Fiangonana maneran-tany dia hevero ny hampiseho ireto fanontaniana fanombanan-tena manaraka ireto.

Saintsaino ary valio ao anatin’ny diary fandalinanao ireto fanontaniana manaraka ireto:

Hatraiza ny fahatokisanao fa hainao ny mamantatra ireo hafatry ny Tompo manokana ho anao mandritra ny fihaonamben’ny Fiangonana maneran-tany? Nahoana?
Inona no azonao atao mba hiomanana ho amin’ny fihaonamben’ny Fiangonana maneran-tany ho avy ka hahafahanao mandray tsara kokoa ny hafatry ny Tompo ho anao?

Miomana ho amin’ny fihaonamben’ny Fiangonana maneran-tany

Oviana ianao na ny olona iray fantatrao no nandray hafatra avy amin’ny fihaonamben’ny Fiangonana izay tsapanao fa avy amin’ny Tompo? Inona no fiantraikan’izany taminao na tamin’izy ireo?

Miomàna ho amin’ny fihaonamben’ny Fiangonana maneran-tany

Manorata tanjona iray momba ny zavatra tianao hatao mba handraisana ireo hafatry ny Tompo mandritra ny fihaonamben’ny Fiangonana maneran-tany.

Zarao amin’ny mpianatra tsirairay ny taratasy kely na taratasy miraikidraikitra ary asao izy ireo hanoratra ilay andian-teny hoe “Natao ho anao” ery ambony. Azon’ny mpianatra atao ihany koa ny mampiasa ny diary fandalinany na ny kahie fandraisany an-tsoratra, raha tiany.

Angataho izy ireo hanoratra izay hafatra tsapany fa nalefan’ny Tompo ho azy nandritra ny fihaonamben’ny Fiangonana maneran-tany. Amporisiho izy ireo hiverina ao an-dakilasy aorian’ny fihaonamben’ny Fiangonana maneran-tany efa vonona hizara ny zavatra nataony mba hiomanana. Raha tsy mahakasika ny tena manokana loatra, dia azon’izy ireo atao ihany koa ny mizara hoe inona ireo hafatra henonin’izy ireo avy amin’ny Tompo.

Mandritra ny fotoam-pianarana manaraka aorian’ny fihaonamben’ny Fiangonana dia makà minitra maromaro hanasana ny mpianatra hanao tatitra momba ny zavatra niainan’izy ireo.

Sahanasa famerenana ny fihaonamben’ny Fiangonana maneran-tany

Amin’ny kilasin’ny seminera manaraka aorian’ny fihaonamben’ny Fiangonana maneran-tany dia hevero ny hanome fahafahana ho an’ny mpianatra hamerina hijery sy hizara ny zavatra nianarany. Azonao atao ny manoratra fanontaniana maromaro eny amin’ny solaitrabe, toy ny hoe:

Inona no nampiomehy anao?
Inona no lahateny tsy andrinao ny handalinana azy?
Inona avy ireo hafatra tsapanao fa natao ho anao fotsiny?
Inona ny zavatra nianaranao na tsapanao momba ny Mpamonjy?

Azonao atao ny manasa ireo mpianatra hanoratra eny amin’ny solaitrabe ny valin’ny iray amin’ireo fanontaniana ireo. Raha tsy izany dia azon’izy ireo atao ny manoratra ny anarany eo amin’ny taratasy miraikidraikitra na taratasy kely ary mametraka izany eo akaikin’ny fanontaniana izay tian’izy ireo hovaliana. Asao ny iray kilasy hifanakalo hevitra amin’ny alalan’ny fanasana ireo mpianatra izay vonona hizara ny valinteniny amin’ireo fanontaniana. Afaka mizara ny sasantsasany amin’ny valinteninao ihany koa ianao.

Loharanom-pitaovana fanampiny

Inona no ifantohan’ny hafatry ny fihaonamben’ny Fiangonana maneran-tany?

Nampianatra izao ny Filoha Russell M. Nelson:

5:28

Ireo Manampahefana Ambony sy ireo Mpiandraikitra Ambony ato amin’ny Fiangonana dia hampifantoka ny hafatr’izy ireo amin’i Jesoa Kristy Mpamonjy antsika sy ny famindrampony ary ilay heriny manavotra tsy misy fetra. Tsy mbola nisy velively fotoana teto amin’ny tantaran’izao tontolo izao ka nahatonga ilay fahalalana ny Mpamonjintsika ho manan-danja manokana sy zava-dehibe ho an’ny olombelona tsirairay mihoatra noho ny amin’izao fotoana izao. [Alaovy] sary an-tsaina ny ho nampivaha haingana ireo ady mandravarava manerana an’izao tontolo izao, ary ireo ady atrehantsika eo amin’ny fiainantsika manokana, raha toa ka nisafidy ny hanaraka an’i Jesoa Kristy sy ny fampianarany ny olona rehetra. (“Fahamarinana madio, fotopampianarana madio, ary fanambarana madio”, Liahona, nôv. 2021, 6) (mari-potoana 1:41 hatramin’ny 2:26)

Inona no fomba iray handraisana an-tsoratra mandritra ny fihaonamben’ny Fiangonana maneran-tany?

Nampianatra ny Loholona Robert D. Hales (1932–2017) tao amin’ny Kôlejin’ny Apôstôly Roambinifolo hoe:

15:49

Rehefa mandray an-tsoratra aho mandritra ny fihaonambe dia tsy manoratra ara-bakiteny izay lazain’ilay mpandahateny; fa manoratra kosa ny fitarihana natao ho an’ny tenako manokana izay omen’ny Fanahy Masina ahy.

Ny zavatra voalaza dia tsy manan-danja tahaka ny zavatra rentsika sy ny zavatra tsapantsika. ( “Fihaonamben’ny Fiangonana: Manamafy orina ny finoana sy ny fijoroana ho vavolombelona,” Liahona, nôv. 2013, 6) (mari-potoana 5:00 hatramin’ny 5:19)

Sahanasa fianarana fanampiny

Fahafahana iray hiresahana amin’ny Tompo

Fomba iray hafa hanombohana ny lesona ny manontany ny mpianatra hoe: “Raha manana fahafahana hiresahana amin’olona ianao hakana torohevitra sy hanampy amin’ny fiainanao, dia iza izany ary nahoana?”

Mampisehoa sarin’ny Mpamonjy mampianatra. Asao ny mpianatra haka sary an-tsaina fa afaka andro vitsivitsy dia hanana fahafahana hiresaka amin’ny Tompo Jesoa Kristy izy ireo. Azon’izy ireo atao ny mangataka torohevitra sy fitarihana avy Aminy eo amin’ny fiainan’izy ireo.

Azon’ny mpianatra valiana ao amin’ny diary fandalinany ireto fanontaniana manaraka ireto avy eo:

Inona no torolalana na fanampiana mety hotadiavinao avy Aminy?
Inona no azonao atao mba hiomanana amin’ny fitsidihanao miaraka Aminy? Nahoana?

Manoro hevitra antsika amin’ny alalan’ny mpaminaniny ny Tompo

Raha mampianatra ity lesona ity fanindroany amin’ny taona, dia hevero ny hanomboka amin’ny hevitra fanampiny etsy ambony sy hanao izao manaraka izao:

Vakio ny maromaro amin’ireto andininy manaraka ireto, ka tadiavo ny fomba nahafahan’ny fitarihana nomen’ny Tompo tamin’ny alalan’i Mosesy mpaminaniny nanampy ny vahoakany tamin’ny fotoana samihafa.

Eksodosy 3:15–17. Rehefa nandevozina ny vahoaka.

Eksodosy 12:21–23, 27. Rehefa nampanantena ny Tompo fa hisy anjely mpandringana hamono ny lahimatoa tany Egypta.

Eksodosy 14:13–14, 21. Rehefa voafandrika teo anelanelan’ny tafika Egyptiana sy ny Ranomasina mena ny vahoaka.

Eksodosy 16:4. Rehefa tsy nanana sakafo ny vahoaka.

Eksodosy 17:5–6. Rehefa tsy nanana rano ny vahoaka.

Eksodosy 25:1-2, 8. Fony tany an-tany foana ny vahoaka. (Fanamarihana: ny teny hoe toerana masina dia entina ilazana ny tabernakely, na ny tempoly azo lanjaina.)

Nomery 21:8–9. Rehefa voakaikitry ny bibilava misy poizina ny vahoaka.

Inona no naha-samihafa ireo hafatra ireo? Nahoana?
Inona no nianaranao?
Tamin’ny fomba ahoana no nanehoan’ireo hafatra ireo ny fitiavan’ny Tompo?

Hevero ny hanoratra ity manaraka ity eny amin’ny solaitrabe: Amin’ny alalan’ny mpaminaniny no hanomezan’ny Tompo torolalana ho antsika manoloana ireo fanamby sy toe-javatra atrehintsika.

Asao ny mpianatra hitadidy izay antony itadiavan’izy ireo torolalana na torohevitra eo amin’ny fiainany. Ifanakalozy hevitra ireo fomba ahafahan’izy ireo miomana handre ny tenin’ny Tompo mandritra ny fihaonamben’ny Fiangonana maneran-tany. Ohatra, azon’ny mpianatra atao ny manoratra ny antony ananan’izy ireo, ary rehefa mijery ny fihaonamben’ny Fiangonana maneran-tany izy ireo dia mandray an-tsoratra ny zavatra ren’izy ireo izay mety hanampy amin’ireo toe-javatra ireo.

Mikatsaka ny hampivoatra ireo toetra tahaka ny an’i Kristy amin’ny alalan’ny fihaonamben’ny Fiangonana maneran-tany

Fomba iray hafa hiomanana ho amin’ny fihaonamben’ny Fiangonana ny mieritreritra toetra iray na roa tahaka ny an’i Kristy izay tian’ny mpianatra hampitomboina (toy ny fiantrana, fanetrentena, fahazotoana, faharetana, sy ny sns). Avy eo dia henoy ny fitarihana mandritra ny fihaonamben’ny Fiangonana maneran-tany mikasika ny fomba hahatongavana bebe kokoa tahaka ny Mpamonjy amin’izany fomba izany.