“O La Tatou Matafaioi Faale-feagaiga e Faasoa Atu le Talalelei: ’O Lau Fanau…E Faamanuiaina ai Aiga Uma o le Lalolagi,’” Tusi Lesona a le Faia’oga Seminare o le Feagaiga Tuai (2026)
“O La Tatou Matafaioi Faale-feagaiga e Faasoa Atu le Talalelei: ’O Lau Fanau…E Faamanuiaina ai Aiga Uma o le Lalolagi,’”Tusi Lesona a le Faia’oga Seminare o le Feagaiga Tuai
Sauniuniga a Faifeautalai: Lesona 196
O La Tatou Matafaioi Faale-feagaiga e Faasoa Atu le Talalelei
“O Lau Fanau…E Faamanuiaina ai Aiga Uma o le Lalolagi”
A o tatou filifili e mulimuli i le Faaola ma savavali i luga o le ala o le feagaiga, ua Ia folafolaina mai ia i tatou faamanuiaga lava e tasi na Ia tuuina atu ia Aperaamo.O nei faamanuiaga e aofia ai le mana o le perisitua, aiga e faavavau, ma se tofi i le malo selesitila.I le avea ai ma se vaega o lenei feagaiga, ua ia i tatou le matafaioi paia o le faasoaina atu o le talalelei a le Faaola i le lalolagi atoa, ina ia mafai ai e tagata uma ona maua nei faamanuiaga ofoofogia.O lenei lesona e mafai ona fesoasoani i tagata a’oga e faaloloto ai lo latou malamalama e uiga i la latou matafaioi faale-feagaiga e faasoa atu le talalelei a Iesū Keriso i isi.
Sauniuniga a le tagata a’oga: Valaaulia tagata a’oga e faaalu se taimi o a latou suesuega faaletagata lava ia o tusitusiga paia, ma vaavaai mo faamanuiaga ma matafaioi o le feagaiga faaAperaamo.E mafai ona latou suesue le fuaitau o le atamai i aoaoga faavae Aperaamo 2:9–11 po o le sue o le “feagaiga faaAperaamo” i le Gospel Library.I le taimi o le lesona, e mafai ona e valaaulia i latou e faasoa mai ni mea sa latou aoaoina po o ni a latou fesili o iai.
Gaoioiga e Ono Mafai Ona Aoaoina Ai
O Aiga o le lalolagi
Sauni ni teutusi se fa, faailoga ta’itasi i se numera: 1, 2, 3, po o le 4.
Lolomi le pepa faasafua i ona itu uma e lua “O aiga o le lalolagi,” i luma ma tua.‘Oti i luga o laina togitogi, ina ia maua ai se paso e lua itu.I le faaaogaina ai o numera o ulutala i tua o fasi paso ta’itasi, tuu i totonu o le teutusi faatasi ma le numera feagaitutusa.Faavasega tagata a’oga i ni vaega se fa ma tufa atu i vaega ta’itasi se teutusi e ese mai.Afai e to’atele lau vasega, mafaufau e faalua kopi o faatonuga ma faavasega tagata a’oga i ni vaega se valu.
Valaaulia vaega ta’itasi e vaai i ata i luga o a latou fasi paso, ma tuu atu faatonuga nei.
I le avea ai o se vaega, filifili se tasi o ata o se tagata i luga o a outou fasi paso, ma fatu se faamatalaga puupuu mo lena tagata.E aofia ai le:
-
Igoa
-
Nuu poo nofoaga e sau ai
-
Faamatalaga auiliili e uiga i o latou aiga
-
Mea o lo o sologa lelei i o latou olaga
-
Luitau o lo o latou feagai
Valaaulia vaega ta’itasi e faasoa ma le vasega faamatalaga auiliili na latou fatuina mo le tagata na latou filifilia mai a latou fasi paso.A maea ona latou faasoa mai, valaaulia tagata a’oga e vaai i le lesona atoa mo mea ua poloaiina i tatou e le Ali’i ia tatou faia, e faamanuia ai tagata i le lalolagi atoa, e pei o tagata na faamatalaina e vaega ta’itasi.Faailoa atu o le a faauma faatasi e tagata a’oga le paso atoa i se taimi mulimuli ane o le lesona.
Mafaufau e valaaulia tagata a’oga e suesue le fuaitau lenei faatasi ma a latou vaega.
Faitau le Aperaamo 2:9–11, vaavaai mo mea na fetalai atu le Ali’i ia Aperaamo o le a Ia faia e faamanuia ai malo ma aiga o le lalolagi.Manatua: O nei fuaiupu o lo o aofia ai se vaega o le mea ua ta’ua o le feagaiga faaAperaamo.
-
O ai le fanau a Aperaamo?(Tagai i fuaiupu 10–11.)
-
O a nisi o auala e mafai ai e le Ali’i ona faamanuia aiga o le lalolagi e ala mai i fanau a Aperaamo?
O le faaamatalaga lenei e mafai ona faasoa atu e lagolago pe faaopoopo ai i tali a tagata a’oga.
Na aoao mai e Elder David A. Bednar o le Korama a Aposetolo e To’asefululua mea nei e uiga i fanau a Aperaamo:
O i tatou o fanau a Aperaamo …
O le galuega faafaifeautalai o se faaaliga lea o lo tatou tofi ma le faasinomaga faaleagaga.Na muai faauuina i tatou i le muai olaga ma fananau mai i le olaga faitino ina ia faataunuuina le feagaiga ma le folafolaga na faia e le Atua ia Aperaamo.Ua tatou iai iinei i le lalolagi i lenei taimi e faalautele le perisitua ma talai atu le talalelei.O i tatou na, ma o le mafuaaga lena ua tatou iai ai iinei—i le taimi nei ma aso uma lava.(“Avea ma se Faifeau Talai,” Liahona, Nov. 2005, 47)
-
E faapefea ona e aoteleina lenei faamatalaga?
E ono faaupu e tagata a’oga se mea e pei o le, i le avea ai ma fanau a Aperaamo, ua iai la tatou matafaioi faale-feagaiga e faasoa atu ai le talalelei a Iesū Keriso i le lalolagi atoa.Mafaufau e faaaogaina upu a tagata a’oga e tusi le upumoni lenei i luga o le laupapa.
Ina ia malamalama atili i le taua o lenei matafaioi, e mafai valaaulia tagata a’oga e faitau parakalafa muamua e tolu i le itulau 1 o le Talai La’u Talalelei i lalo o le ulutala “Lou Tofi e Aoao Atu le Talalelei Toefuata’ina a Iesū Keriso.”
-
Aisea e ono fiafia ai nisi tagata e uiga i lenei matafaioi?Aisea e ono musuā ai isi?
-
O le a sou manatu, e mafai faapefea e le talalelei a Iesū Keriso ona faamanuiaina ai tagata e pei o i latou na faamatalaina i au fasi paso?
Ina ia fesoasoani i tagata a’oga e iloa le taua o le faasoaina atu o le talalelei, e mafai ona e fesili atu mo mea latou te manatua e uiga i le feagaiga faaAperaamo po o le faamatala atu o le mea lenei (mo nisi faamatalaga atili, tagai i le “Lesona 23: ‘Kenese 12; 17’” ma le “Lesona 24: ‘Apreaamo 2:9–11’”):
I le avea ai ma se vaega o le feagaiga faaAperaamo, ua folafolaina mai e le Atua ia i tatou faamanuiaga o Lana perisitua, aiga e faavavau, ma se tofi i le malo selesitila.O nei faamanuiaga e finagalo iai o Ia mo Ana fanau uma, ma ua ia i tatou le avanoa taua ma le matafaioi e faasoa atu ai i le lalolagi.
-
E mafai faapefea e le manatuaina o nei faamanuiaga ona faaosofia ai i tatou e faasoa atu le talalelei a Iesū Keriso i isi?
Manatunatu i ou lagona patino e uiga i le faasoaina atu o le talalelei i isi.Faaauau ona vaavaai mo malamalamaaga e mafai ona fesoasoani ia te oe e malamalama lelei atili ai i faamanuiaga ma le avanoa taua o lenei matafaioi paia.
Faataunuuina o la tatou matafaioi faale-feagaiga
Isaia 49 o lo o iai valoaga o le toefaapotopotoina o Isaraelu i aso e gata ai, e aofia ai le talaiina atu o le talalelei.Ua faamatalaina e le perofeta o Le Tusi a Mamona o Nifae, e faapea o nei valoaga o se faamanatu o le a tausia e le Atua Lana feagaiga e faamanuia aiga o le lalolagi e ala i fanau a Aperaamo (tagai i le 1 Nifae 22:7–9).Manatua: O le auauna ua ta’ua i le Isaia 49:3 ma le 5 e mafai ona faasino atu i tagata o e taitaia atu tagata ia Keriso, e aofia ai tagata o le aiga o Isaraelu, perofeta, ma le Faaola lava Ia.
Faaali atu faatonuga nei.E mafai e tagata a’oga ona faamae’a lenei mea ma a latou vaega.
Aoao e uiga i valoaga a Isaia e ala i le faitauina o mau ma faamatalaga i le pito i tua o au fasi paso.Talanoa ma sauni e faasoa atu mea nei ma le vasega:
-
Mea ua e aoaoina e uiga i la tatou matafaioi faale-feagaiga e faasoa atu ai le talalelei.
-
Auala e mafai ai e le Tamā Faalelagi ma Iesū Keriso ona lagolagoina i tatou a o tatou faataunuu lenei matafaioi.
-
Faataitaiga o le auala e mafai ai ona faaaoga lenei mea e faifeautalai ma isi tagata o le Ekalesia a le Ali’i.
A maea se taimi talafeagai, valaaulia vaega ta’itasi e faasoa otooto mai mea na latou mauaina ma le vasega.Uunaia sui eseese o vaega ta’itasi e faasoa mai se manatu.A maea ona faasoa mai vaega ta’itasi, e mafai ona latou faatulaga fasi paso i luga o le laupapa i lalo o le upumoni na tusia muamua.O fasi paso mai vaega ta’itasi o le a tuufaatasia ai se ata o tagata se to’atele ma le fasifuaitau “O aiga o le lalolagi.”A maea, ona mafaufau lea e matamata le “President Russell M. Nelson Introduces[Ua Faailoa mai e Peresitene Russell M. Nelson le] Preach My Gospel[Talai La’u Talalelei, Second Edition[Lomiga Lona Lua]” mai le taimi faailo 0:00 i le 0:55, e maua i leChurchofJesusChrist.org.E mafai e tagata a’oga ona vaavaai mo malamalamaaga faaopoopo e uiga i la tatou matafaioi faale-feagaiga e faasoa atu le talalelei.
Faaiuga
Faamae’a se tasi pe sili atu o faamatalaga nei i totonu o lau api talaaga mo suesuega, e tusa ma le sootaga i la tatou matafaioi faale-feagaiga e faasoa atu le talalelei:
Sa ou aoaoina i le asō e faapea o tagata i le lalolagi atoa …
Sa ou aoaoina i le asō e faapea ou te …
Sa ou aoaoina i le asō e faapea o le Faaola …
Valaaulia ni nai volenitia e faasoa mai mea na latou tusia.Faaiu e ala i le faasoaina atu o ou lagona e uiga i la tatou matafaioi faale-feagaiga e faasoa atu ai le talalelei a Iesū Keriso i isi.Faamanatu atu i tagata a’oga o le galuega lenei a le Faaola, ma o le a Ia fesoasoani ia i latou ia latou taumafaiga.