Tusi Lesona a le Faiaoga Seminare o le Feagaiga Tuai

Anotusi
Itulau Autu
Faatomuaga i le Tusi Lesona a le Faiaoga
Lesona o le Feagaiga Tuai
- Faafeiloai Atu Mai le Feagaiga Tuai
- Mose 1; Aperaamo 3
- Kenese 1–2; Mose 2–3; Aperaamo 4–5
- Kenese 3–4; Mose 4–5
- Kenese 5; Mose 6
- Mose 7
- Kenese 6–11; Mose 8
- Kenese 12–17; Aperaamo 1–2
- Kenese 18–23
- Kenese 24–33
- Kenese 37–41
- Kenese 42–50
- Esoto 1–6
- Eseta
- Esoto 7–13
- Esoto 14–18
- Esoto 19–20; 24; 31–34
- Esoto 35–40; Levitiko 1; 4; 16; 19
- Numera 11–14; 20–24; 27
- Teuteronome 6–8; 15; 18; 29–30; 34
- Iosua 1–8; 23–24
- Faamasino 2–4; 6–8; 13–16
- Ruta; 1 Samuelu 1–7
- 1 Samuelu 8–10; 13; 15–16
- 1 Samuelu 17–18; 24–26; 2 Samuelu 5–7
- 2 Samuelu 11–12; 1 Tupu 3; 6–9; 11
- 1 Tupu 12–13; 17–22
- 2 Tupu 2–7
- 2 Tupu 16–25
- 2 Nofoaiga a Tupu 14–20; 26; 30
- Esera 1; 3–7; Neemia 2; 4–6; 8
- Eseta
- Iopu 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Fa’ataoto 1–4; 15–16; 22; 31; Failauga 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Ieremia 1–3; 7; 16–18; 20
- Ieremia 31–33; 36–38; Auega 1; 3
- Esekielu 1–3; 33–34; 36–37; 47
- Tanielu 1–7
- Hosea; Ioelu
- Amosa; Opetaia; Iona
- Mika; Nauma; Sapakuka; Sefanaia
- Hakai 1–2; Sakaria 1–4; 7–14
- Malaki
Lesona o Sauniuniga mo le Olaga
- Atamai i Aoaoga Faavae: Mauaina o Tali i A’u Fesili
- Tomai i Suesuega o Tusitusiga Paia
- Taiala Mo Le Malosi o le Autalavou
- Atinaega o le Ola Tutoatasi o le Tagata Lava Ia
- Soifua Maloloina Faaletino ma Faalelagona
- Sauniuni mo Aoaoga ma Galuega i le Lumanai
- Faamanuiaina i le Aoga
- Sauniuniga Faafaifeautalai
- Sauniuniga mo le Malumalu
- Aoaoga a Taitai o le Ekalesia
Faaopoopoga

O Le Matafaioi a le Agaga Paia i le Galuega Faafaifeautalai: “Ia Tatala Lou Fofoga, Ona Faatumuina Ai Lea”

“O Le Matafaioi a le Agaga Paia i le Galuega Faafaifeautalai: ’Ia Tatala Lou Fofoga, Ona Faatumuina Ai Lea,’” Tusi Lesona a le Faia’oga Seminare o le Feagaiga Tuai (2026)

“O Le Matafaioi a le Agaga Paia i le Galuega Faafaifeautalai: ’Ia Tatala Lou Fofoga, Ona Faatumuina Ai Lea,’” Tusi Lesona a le Faia’oga Seminare o le Feagaiga Tuai

Sauniuniga a le Faifeautalai: Lesona 199

O Le Matafaioi a le Agaga Paia i le Galuega Faafaifeautalai

“Ia Tatala Lou Fofoga, Ona Faatumuina Ai Lea”

E ui ua fetalai mai le Tamā Faalelagi ia i tatou e faasoa atu le talalelei a Iesu Keriso i isi, e le o faamoemoe o Ia tatou te faia na o i tatou.A o tatou aoao ia iloa ma mulimuli i le Agaga, o le a Ia taitaia i tatou i a tatou taumafaiga faafaifeautalai.O lenei lesona e mafai ona fesoasoani i tagata a’oga e sailiili ai auala e mafai ai e le Agaga ona fesoasoani ia i latou e faasoa atu le talalelei a Iesu Keriso i isi.

Sauniuniga a le tagata a’oga: Valaaulia tagata a’oga e fesili atu i se faifeautalai ua mae’a lana misiona e faasoa mai se aafiaga na fesoasoani ai le Agaga Paia ia i latou i la latou galuega faafaifeautalai.Po o le manatunatu o tagata aoga i o latou aafiaga na fesoasoani ai le Agaga Paia ia i latou e faasoa atu le talalelei i isi.

Gaoioiga e Ono Mafai Ona Aoaoina Ai

E taua le Agaga Paia

Mafaufau e amata le vasega e ala i le tuuina atu o se galuega i se tagata a’oga naunau, e le mafai ona latou faamae’aina e aunoa ma se mea faitino faapitoa.Mo se faataitaiga, e mafai ona e vilia se se fao vilivili i se fasi laupapa ma fai atu iai e aveese [le sikulu] ae aua le tuua iai se mea faigaluega e faia ai.A maea ua le mafai e le tagata a’oga ona faauma le galuega, tuu atu le mea faigaluega talafeagai e pei o se sikulūkalaiva.

O a nisi o galuega e le mafai ona fai e aunoa ma se mea faigaluega faapitoa?

E faaopoopo atu i le faamatalaga lenei mai le Perofeta o Iosefa Samita, e te ono mafaufau e valaaulia tagata a’oga e faitau le Mataupu Faavae ma Feagaiga 42:14, vaavaai mo le manaoga lava e tasi.

Faitau le faamatalaga lenei mai le Perofeta o Iosefa Samita (1805-44), vaavaai mo se mea tatou te manaomia ina ia faasoa atu ai ma le mataalia le talalelei a Iesu Keriso.

E tatau i tagata uma ona talai atu le Talalelei, e ala i le mana ma le uunaiga a le Agaga Paia; ma e leai se tagata e mafai ona talai atu le Talalelei e aunoa ma le Agaga Paia.(Aoaoga a Peresitene o le Ekalesia: Iosefa Samita, 332)

Aisea e te manatu ai e le mafai ona tatou talai atu le talalelei a Iesu Keriso e aunoa ma le Agaga Paia?

I totonu o lau api talaaga mo suesuega, lisi ni auala se tele e mafai ona e mafaufau iai, e mafai ai e le Agaga Paia ona fesoasoani ia i tatou i le talaiina o le talalelei.

Faamautinoa atu i tagata a’oga e le afaina pe a le tele ni auala latou te mafaufau iai.Fai atu ia i latou e faaopoopo nisi manatu i a latou lisi a o latou suesue i lenei lesona.Uunaia foi i latou ia saili musumusuga mo le auala e mafai ai e le Agaga Paia ona fesoasoani ia i latou i o latou olaga i le taimi nei faapea ai ma le lumanai.

O matafaioi a le Agaga Paia

E fesoasoani le Ali’i ia i tatou e faasoa atu Lana talalelei i isi e ala i le auina mai o le Agaga Paia ia i tatou (tagai i le Mataupu Faavae ma Feagaiga 79:1–2).Ua aoao mai e tusitusiga paia ia i tatou le auala e mafai ai e le Agaga Paia ona fesoasoani ia i tatou i a tatou taumafaiga faafaifeautalai.

A o le’i amataina le vasega, tusi faatonuga nei i luga o le laupapa.Mafaufau e tofi ni paga e faitau fuaiupu eseese.

Atonu e te manao e faamatala atu i tagata a’oga e faapea, o nisi taimi e faasino atu ai tusitusiga paia i le Agaga Paia e faaaoga ai ni igoa eseese.“O isi igoa e faasino i le Agaga Paia i nisi taimi o le Agaga Paia, Agaga o le Atua, Agaga o le Ali’i, Faamafanafana, ma le Agaga” (tagai Bible Dictionary, “Holy Ghost”).

E ono fesoasoani foi le faamatala atu o le “latou” i le Alema 17:3 e faasino atu i atali’i o Mosaea, ma “a’u” i le 3 Nifae 28:11 e faasino atu ia Iesu Keriso.

Faaaoga mau nei e faauma ai le faaupuga: E mafai e le Agaga Paia ona …

Mose 6:32, 34
2 Nifae 33:1
Alema 17:3
3 Nifae 28:11
Mataupu Faavae ma Feagaiga 31:11
E mafai ona e valaaulia tagata a’oga e tusi i luga o le laupapa auala na latou faauma ai le faaupuga.Atonu latou te faamatala mai matafaioi a le Agaga Paia e pei o le: E mafai e le Agaga Paia ona …
- Fesoasoani ia i tatou e iloa le tala e fai atu (Mose 6:32, 34).
- Momoli atu le savali a le Ali’i i loto o isi (2 Nifae 33:1).
- Fesoasoani ia i tatou e aoao atu i le mana ma le pule a le Ali’i (Alema 17:3).
- Molimau atu i le Tamā Faalelagi ma Iesu Keriso (3 Nifae 28:11).
- Fesoasoani ia tatou iloa le mea e fai ma le mea e alu iai (Mataupu Faavae ma Feagaiga 31:11).
A uma ona tusia e tagata a’oga i luga o le laupapa, e mafai ona e valaaulia i latou e faasoa mai matafaioi faaopoopo e mafai ona faataunuu e le Agaga Paia a o tatou faasoa atu le talalelei.

Atonu e te manao e fai atu se fesili e pei o lenei, e fesoasoani i tagata a’oga ia malamalama e faapea o le agavaa ai mo le mafutaga a le Agaga Paia e manaomia ai galuega faaleagaga.
O a faatinoga e mafai ona tatou faia ina ia maua ai se mafutaga ma le Agaga Paia?

Atonu e faasoa mai e tagata a’oga ni mea e pei o le tatalo faatauanau, suesue faifai pea i tusitusiga paia, tausia o feagaiga, ma le usiusitai i poloaiga a le Atua (tagai i le Talai La’u Talalelei: O se Taiala i le Faasoaina Atu o le Talalelei a Iesu Keriso [2023], 101).

O le aafiaga lenei mai ia Elder Rasband e mafai ona fesoasoani i tagata a’oga e iloa pe faapefea e nei matafaioi a le Agaga Paia ona fesoasoani ia i tatou i le faasoaina atu o le talalelei a le Faaola.Nai lo o le faitauina o le tala, e mafai ona e faaali atu se kilipi [o le vitio] mai le “Ia Taita’ia e le Agaga Paia,” mai le taimi faailo 4:43 i le 5:59, ma taofi faalua pe faatolu ina ia talanoaina vaega e vaaia ai e tagata a’oga aafiaga a le Agaga Paia.

Faitau le tala lenei mai ia Elder Ronald A. Rasband o le Korama a Aposetolo e To’asefululua, ma vaavaai i vaega e te vaaia ai tosinaga a le Agaga Paia i le aafiaga o Elder Rasband i le faasoaina atu o le talalelei a Iesu Keriso.

15:43

I se tasi taeao vevela o Iulai sa ma lagona ai ma la’u soa le uunaiga e saili se tagata o fia malamalama [i le talalelei] mai se igoa na faailoa mai a le Lotoa o le Malumalu [i Sate Leki].Sa ma tu’itu’i i le faitotoa o le fale o Elwood Schaffer.Sa teena ma le faaaloalo i maua e Mrs. Schaffer.

A o amata ona ia tapunia le faitotoa, sa ou lagona e fai se mea ou te le’i faia muamua lava ma ou te le’i toe faia lava talu mai lena taimi!Sa tuu lo’u vae i le faitotoa ma fesili atu, “O i ai se isi tagata atonu o fia faalogo i le ma sāvali?”O lana tama teine e 16 tausaga o Marti, sa ia fiailoa ma sa tatalo faatauanau mo le taitaiga i le aso ua tuana’i.Sa matou feiloa’i ma Marti, ma i le āluga o taimi, sa auai lona tinā i lesona.Na liliu uma i laua i le Ekalesia.

O le taunuuga o le papatisoga o Marti, e 136 tagata, e aofia ai le toatele o lona lava aiga, ua uma ona papatisoina ma ōsia ni feagaiga o le talalelei.Ou te faafetai i lo’u faalogo i le Agaga ma tuu lo’u vae i le faitotoa i lena aso vevela o Iulai.(“Ia Taita’ia e le Agaga Paia,” Liahona, Me 2017, 94)

E faapefea ona e vaaia le uunaiga a le Agaga Paia i le mea na faia e Elder Rasband?

Ae le’i faia atu fesili nei, mafaufau e fai atu se mea e pei o le: “A uma ona ou fai atu fesili ta’itasi o sosoo mai, o le a ou tuu atu le 30 sekone e manatunatu ai ae e te le’i tali mai.”Fai atu muamua se fesili ma vaavaai i le uati pe faitau le leoa ia te oe lava ae le’i valaaulia e fai mai ni manatu.A mae’a ona faasoa mai tagata a’oga, toe fai le faasologa lava e tasi i le fesili lona lua.O le fuafuaina lelei o le tuuina atu o se taimi mo tagata a’oga e tomanatu ai i fesili a o le’i valaauliaina ni manatu e mafai ona valaaulia ai le Agaga Paia, ia tuu atu i le to’atele o tagata a’oga se avanoa e mafaufau ai i se tali, ma e masani ona taitai atu ai i le faalogo i tamaiti a’oga atonu e le masani ona faasoa mai.
O anafea na fesoasoani ai le Ali’i ia te oe po o se isi e te iloa e faasoa atu le talalelei a Iesu Keriso faatasi ai ma le fesoasoani a le Agaga Paia?
O anafea na e lagona ai le uunaiga a le Agaga Paia ina ua faasoa atu e se isi le talalelei ia te oe?

Sailiga o le Agaga Paia a o tatou faasoa atu le talalelei a Iesu Keriso

O a nisi o avanoa e ono mafai ona e faasoa atu ai le talalelei a Iesu Keriso i isi?

E ono faasoa mai e tagata a’oga ni mea e pei o se taimi na fesiligia ai e se uo ona talitonuga faalelotu, a o latou faamafanafana atu i se tasi o le aiga, a o aoao atu se lesona i le lotu, pe a tusia se mea i luga o faasalalauga faaagafesootai, ma isi.A o tali mai tagata a’oga, e te ono tusia a latou tali i le laupapa.

Mafaufau e vaevae le vasega i ni vaega laiti ma valaaulia i latou e faamae’a le gaoioiga lenei.E mafai ona faasoa mai e tagata a’oga se mau, e pei o mau mai le amataga o le lesona, ia e mafai ona fesoasoani ia i latou e manatua ai le auala e mafai ai e le Agaga ona fesoasoani ia i latou i nei tulaga.

Filifilli ni tulaga se lua e te ono mafai ona faasoa atu ai le talalelei a Iesu Keriso i isi.Talanoa fesili nei mo tulaga ta’itasi:

E mafai faapefea ona e saili ma mulimuli i le uunaiga a le Agaga Paia i lenei tulaga?
E faapefea ona ono fesoasoani mai le Ali’i ia te oe i le faasoaina atu o le talalelei a Iesu Keriso i lenei tulaga, e ala mai i le Agaga Paia?

Valaaulia sui o vaega ta’itasi e faasoa mai se mea mai a latou talanoaga faale-vaega.E te ono fesili atu i tagata a’oga po o le a se mea na fesoasoani ia i latou ia iloa ai auala e fetalai mai ai le Agaga Paia ia i latou.Mafaufau e faasoa atu lau molimau i le taua o le Agaga Paia a o tatou faasoa atu le talalelei a Iesu Keriso.

E te ono faamatala atu i au tagata a’oga o le Tala’i La’u Talalelei: O se Taiala i le Faasoaina Atu o le Talalelei a Iesu Keriso ua aoao mai e faapea, o le aoaoina ia iloa le uunaiga a le Agaga Paia “o se faagasologa faifai malie lea e manaomia ai taumafaiga filigā, ma le onosai” (106).Uunaia i latou ia onosai a o latou faia taumafaiga i aso ta’itasi ina ia iloa ma faalagolago atu i le Agaga Paia.A o latou faia ai faapea, o le a avea i latou ma se faifeautalai mamana i le aao o le Ali’i.

O Puna’oa Faaopoopo

O a nisi o auala e mafai ai e le Agaga Paia ona fesoasoani ia te a’u a o o’u auauna atu i le Ali’i i Lana Ekalesia?

Na aoao mai Elder Quentin L. Cook o le Korama a Aposetolo e To’asefululua:

O le a tuuina mai foi e le Agaga Paia faaaliga i o tatou valaauga ma tofiga.I o’u aafiaga, o le taitaiga faaleagaga taua e tele ina oo mai, pe a tatou taumafai e faamanuia isi i le faataunuuina lea o o tatou tiutetauave.

Ou te faamautinoa atu ia te outou o le taitaiga faafaaaliga e mafai ona maua e i tatou ta’ito’atasi pe a tatou galulue ma le lotomaualalo i le tovine a le Ali’i.(“O Le Faamanuiaga o Faaaliga Faifai Pea i Perofeta ma Faaaliga Patino e Taiala ai o Tatou Olaga,” Liahona, Me 2020, 99)

Na saunoa mai Peresitene Russell M. Nelson:

O se tasi o mea na uunaia soo e le Agaga i lou mafaufau talu mai lo’u valaauga fou o le Peresitene o le Ekalesia, o le naunau lea o le Ali’i e faaali mai Lona mafaufau ma Lona finagalo.O le avanoa o le mauaina o faaaliga o se tasi lea o meaalofa silisili a le Atua i Lana fanau. …

Vaai faalemafaufau i le vavega o lena mea!Po o le a lava lo tatou valaauga i le Ekalesia, e mafai ona tatou tatalo i lo tatou Tama Faalelagi ma maua mai le taiala ma le taitaiga, ia lapata’ia e uiga i mea lamatia ma mea faataumaoi, ma ia mafai ai ona faataunuu mea e le mafai ona tatou faia e i tatou lava ia.Afai tatou te maua moni lava le Agaga Paia ma aoao ia iloatino ma malamalama i Ana uunaiga, o le a taialaina i tatou i mataupu tetele ma laiti.(“Fa’aaliga mo le Ekalesia, Faaaliga mo o Tatou Olaga,” Liahona, Me 2018, 94)

E faapefea ona ou aoao le auala e fetalai mai ai le Agaga ia te a’u?

Ua ta’ua i le Tala’i La’u Talalelei: O Se Taiala i le Faasoaina Atu o le Talalelei a Iesu Keriso:

A o e saili ma mulimuli i le taitaiga a le Agaga Paia, o le a atiina a’e lou tomai e iloatino ai ma malamalama o Ana musumusuga o le a atiina a’e i le aluga o taimi (tagai i le 2 Nifae 28:30).I nisi o itu, o le faateleina o le malamalama i le gagana a le Agaga e pei lava o le aoaoina o se isi gagana. O se faagasologa faifai malie e manaomia ai le taumafai ma le filiga, ma le onosai.(Tala’i La’u Talalelei: O Se Taiala i le Faasoaina atu o le Talalelei a Iesu Keriso [2023], 106)

O fea e mafai ona ou alu iai ina ia aoao atili e uiga i le Agaga Paia ma Lana matafaioi i le galuega faafaifeautalai?

Tagai i le “Mataupu 4: Saili ma Faalagolago i le Agaga” o le Tala’i La’u Talalelei: O Se Taiala i le Faasoaina Atu o le Talalelei a Iesu Keriso.

Gaoioiga Faaopoopo e Aoao Ai

Se isi amataga

Nai lo o le faaaogaina o le lesona meafaitino i le amataga o le lesona, e mafai ona e faaali atu le faamatalaga mai le Perofeta o Iosefa Samita, ae suitulaga faaupuga e lua o “le Agaga Paia” i ni avanoa.Valaaulia tagata a’oga e faasoa mai upu e ono mafai ona faaaoga e faatumu ai avanoa.E mafai ona latou faamatala mai mafuaaga latou te lagona ai e mafai e a latou tali ona fesoasoani i le talaiina o le talalelei a Iesu Keriso.A uma ona faasoa mai tagata a’oga se toatele, e mafai ona e tusi le “Agaga Paia” i avanoa.

Suesuega faalautele e uiga i matafaioi a le Agaga Paia?

E fua i manaoga o au tagata a’oga, e mafai ona e faaaoga soo se mau o mau nei, e suitulaga pe faaopoopo i le vaega ua faaulutalaina “O matafaioi a le Agaga Paia.”

E faatonuina i tatou (Neemia 9:20).
Faamafanafana i tatou, aoao mai le upumoni, ma fesoasoani ia i tatou e manatua na upumoni (Ioane 14:26).
E taitai atu i tatou i le upumoni (Ioane 16:13).
E fesoasoani ia i tatou e lagona le alofa o le Atua (Roma 5:5).
E faamaonia mea tatou te molimau atu ai i isi (Mataupu Faavae ma Feagaiga 100:5–8).

Fesoasoani i tagata a’oga ia malamalama i le auala e lagona ma iloa ai le Agaga

E mafai ona e faaalu se taimi e fesoasoani ai i tagata a’oga ia iloa auala eseese e fetalai mai ai le Agaga ia i tatou ta’ito’atasi.Manatua: E te ono manao e toe iloilo le Lesona 70: “1 Samuelu 3,” lea e taulai atu i le fesoasoani i tagata a’oga ia iloa le siufofoga o le Ali’i.O filifiliga nei e lua e mafai ona fesoasoani i tagata a’oga:

E mafai ona e filifili pe filifili e lau vasega se vitiō pe lua mai le tuufaatasiga o vitiō “Hear Him,” lea e faasoa mai ai e taitai o le Ekalesia o latou aafiaga i auala e lagonaina ai le siufofoga o le Ali’i.
E mafai ona faamae’a e tagata a’oga le gaoioiga o suesuega patino o loo maua i le “Mataupu 4: Saili ma Faalagolago i le Agaga” o le Tala’i La’u Talalelei: O se Taiala i le Faasoaina Atu o le Talalelei a Iesu Keriso.Ia manatua le pepa e tufa atu i le Lesona 70: “1 Samuelu 3”” o se faaliliuga faafaigofie o lenei gaoigoiga o suesuega patino i le Tala’i La’u Talalelei.