Tusi Lesona a le Faiaoga Seminare o le Feagaiga Tuai

Anotusi
Itulau Autu
Faatomuaga i le Tusi Lesona a le Faiaoga
Lesona o le Feagaiga Tuai
- Faafeiloai Atu Mai le Feagaiga Tuai
- Mose 1; Aperaamo 3
- Kenese 1–2; Mose 2–3; Aperaamo 4–5
- Kenese 3–4; Mose 4–5
- Kenese 5; Mose 6
- Mose 7
- Kenese 6–11; Mose 8
- Kenese 12–17; Aperaamo 1–2
- Kenese 18–23
- Kenese 24–33
- Kenese 37–41
- Kenese 42–50
- Esoto 1–6
- Eseta
- Esoto 7–13
- Esoto 14–18
- Esoto 19–20; 24; 31–34
- Esoto 35–40; Levitiko 1; 4; 16; 19
- Numera 11–14; 20–24; 27
- Teuteronome 6–8; 15; 18; 29–30; 34
- Iosua 1–8; 23–24
- Faamasino 2–4; 6–8; 13–16
- Ruta; 1 Samuelu 1–7
- 1 Samuelu 8–10; 13; 15–16
- 1 Samuelu 17–18; 24–26; 2 Samuelu 5–7
- 2 Samuelu 11–12; 1 Tupu 3; 6–9; 11
- 1 Tupu 12–13; 17–22
- 2 Tupu 2–7
- 2 Tupu 16–25
- 2 Nofoaiga a Tupu 14–20; 26; 30
- Esera 1; 3–7; Neemia 2; 4–6; 8
- Eseta
- Iopu 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Fa’ataoto 1–4; 15–16; 22; 31; Failauga 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Ieremia 1–3; 7; 16–18; 20
- Ieremia 31–33; 36–38; Auega 1; 3
- Esekielu 1–3; 33–34; 36–37; 47
- Tanielu 1–7
- Hosea; Ioelu
- Amosa; Opetaia; Iona
- Mika; Nauma; Sapakuka; Sefanaia
- Hakai 1–2; Sakaria 1–4; 7–14
- Malaki
Lesona o Sauniuniga mo le Olaga
- Atamai i Aoaoga Faavae: Mauaina o Tali i A’u Fesili
- Tomai i Suesuega o Tusitusiga Paia
- Taiala Mo Le Malosi o le Autalavou
- Atinaega o le Ola Tutoatasi o le Tagata Lava Ia
- Soifua Maloloina Faaletino ma Faalelagona
- Sauniuni mo Aoaoga ma Galuega i le Lumanai
- Faamanuiaina i le Aoga
- Sauniuniga Faafaifeautalai
- Sauniuniga mo le Malumalu
- Aoaoga a Taitai o le Ekalesia
Faaopoopoga

O Le Taua o le Usiusitai i le Aumaia Ai o Isi ia Keriso: Usiusitai i Totonu o le Galuega Faafaifeautalai

“O Le Taua o le Usiusitai i le Aumaia Ai o Isi ia Keriso: Usiusitai i Totonu o le Galuega Faafaifeautalai,” Tusi Lesona a le Faia’oga Seminare o le Feagaiga Tuai (2026)

“O Le Taua o le Usiusitai i le Aumaia Ai o Isi ia Keriso: Usiusitai i Totonu o le Galuega Faafaifeautalai,” Tusi Lesona a le Faia’oga Seminare o le Feagaiga Tuai

Sauniuniga a Faifeautalai: Lesona 200

O Le Taua o le Usiusitai i le Aumaia Ai o Isi ia Keriso

Usiusitai i Totonu o le Galuega Faafaifeautalai

Sister missionaries teaching family outside in Bolivia

O le filifili e usiusitai ona tatou te alolofa i le Tamā Faalelagi ma Iesu Keriso, o se vaega taua o la tatou faigamalaga i le olaga nei (tagai i le Ioane 14:15).O le tatou usiusitai patino e sili ona taua pe a fai tatou ma sui o le Faaola o Iesu Keriso, o ni tagata o Lana Ekalesia ma le avea ia o ni faifeautalai faamisiona.O lenei lesona e mafai ona fesoasoani i tagata a’oga ia iloa le taua o le usiusitai i le faia ai o le galuega a le Faaola o ni faifeautalai.

Sauniuniga a le tagata a’oga: Valaaulia tagata a’oga e iloilo nisi o tulaga faatonuina mo le auaunaga faafaifeautalai o lo o maua i le Vaega 3 o le “Tulaga Faatonuina o Faifeautalai mo Soo o Iesu Keriso” i le Gospel Library.O se isi auala, e mafai ona talanoa tagata a’oga ma se isi na auauna atu i se misiona ma fesili iai i tulaga faatonuina latou te manatua.

Gaoioiga e Ono Mafai Ona Aoaoina Ai

Tulaga faatonuina o faifeautalai

Mafaufau e amataina le lesona e ala i le faaali atu o se ata o se faifeautalai ma le puna’oa o le Tulaga Faatonuina o Faifeautalai mo Soo o Iesu Keriso mai le ChurchofJesusChrist.org.E mafai ona e faamatala atu i tagata a’oga, o faifeautalai e faamoemoeina e mulimuli i ni tulaga faatonuina faapitoa, a o fai i latou ma sui o le Faaola.

O a nisi o tulaga faatonuina e faamoemoeina faifeautalai e usitaia?

Afai e manaomia, e mafai ona e faasoa atu nisi o tulaga faatonuina ua lisiina atu i lalo mo faifeautalai, mai au oe lava aafiaga, po o isi e maua i le Vaega 3 po o le Vaega 7 o le Tulaga Faatonuina o Faifeautalai mo Soo o Iesu Keriso mai le ChurchofJesusChrist.org.E te ono faailoa atu o faifeautalai e faamoemoeina foi e mulimuli i fautuaga mai a latou taitai o le misiona, a o latou taitaia le galuega a le Ali’i i le amiotonu.

O nisi o tulaga faatonuina o faifeautalai:

Ia agalelei, lelei ma faagaeetia.
Ia o faatasi ma lau soa i taimi uma.
Aloese i tulaga ono avea ma lamatiaga matautia faaletino po o le faaleagaga.Aua le faaaogaina meafaigaluega eletise, faafoe masini mamafa, po o le tietie i se palau, taavale toso po o pusa o loli.
Aloese i televise, ata tifaga, taaloga vitiō, ma vitiō e le faatagaina.
Faatapulaa fesootaiga faaletino ma se tasi o le itupa faafeagai i le [tau lava o le] faatalofa o lima.

Aisea e ono faafaigata ai mo se faifeautalai ona usitaia nisi o nei tulaga faatonuina?Aisea e taua ai mo faifeautalai le mulimuli ai i nei tulaga faatonuina?

E mafai ona e valaaulia ni nai tagata a’oga e faasoa mai se faataitaiga o se faifeautalai latou te iloa, tulaga faatonuina na faatonuina i latou e tausia, ma pe faapefea ona faamanuiaina i latou e le Faaola mo a latou taumafaiga.

Amiotonu [patino] ma le usiusitai patino

E mafai ona e faasoa atu le faamatalaga lenei mai ia Elder Soares ina ia fesoasoani i tagata a’oga ia faailoa se upumoni e uiga i le sootaga o le usiusitai ma le galuega faafaifeautalai.

I le talanoa atu ai i faifeautalai, na aoao atu ai Elder Ulisses Soares o le Korama a Aposetolo e To’asefululua:

O le amiotonu patino o se tasi lea o agavaa sili ona taua e avea ai ma sui o le Faaola i luma o le lalolagi.Tatou te agavaa ai foi e maua le mafutaga o le Agaga o le Ali’i ma i tatou. …

Pe a tatou filifili e le usitai, o le a le mafai ona tatou avea ma sui o le Faaola, o le a le mafai foi ona tatou maua le Agaga o le Ali’i faatasi ma i tatou. …Ina ia avea ma aafiaga lelei i olaga o i latou ta’ito’atasi e te aoaoina, e tatau ona faatasi le Agaga o le Ali’i ma oe. …

Afai e te usiusitai ma se loto naunau, ua e faaali atu ai i le Alii lou naunau e mulimuli ia te Ia, lou alofa mo Ia ma lo tatou Tamā Faalelagi.O le a lautele atu lou alualu i luma faaleagaga.O le a oo ina e iloa ai le Faaola, ma o lenei mea o le a avea ma se suiga tele i lau misiona ma lou olaga.(Scott Tayler, “Obedience Is Critical for Missionaries to Fulfill Their Responsibilities, Elder Soares Teaches,”newsroom.ChurchofJesusChrist.org, Mar. 29, 2021)

O le a se mea ua tatou aoao mai i le saunoaga a Elder Soares e uiga i le taua o le usiusitai?

E ono faaaoga e tagata a’oga a latou lava upu e faailoa ai se upumoni e pei o le amiotonu patino ma le usiusitai e agavaa ai i tatou e fai ma sui o le Faaola ma maua le mafutaga a le Agaga.

E ono aoga le faamatala atu o le usiusitai e aofia ai le tausiaina o feagaiga ma le Tamā Faalelagi ma Iesu Keriso.O le usiusitai o se vaega taua o le amiotonu patino ma o se faailoga o le alofa mo le Tamā Faalelagi ma Iesu Keriso (tagai i le Ioane 14:15).
O a faamanuiaga ua e vaaia na tuuina atu e le Tamā Faalelagi ma Iesu Keriso i se tasi o taumafai e usiusitai ia i Laua?
Na faapefea ona e vaaia nei faamanuiaga i lou olaga pe i le olaga o se tasi e te iloa?

Faaalu se taimi e mafaufau ai ma le agaga tatalo i au taumafaiga i le taimi nei ina ia usiusitai i le Tamā Faalelagi ma Iesu Keriso.Valaaulia le Agaga Paia e fesoasoani ia te oe ia iloa mea o e faia lelei pe manaomia ona fetuunai ina ia lelei sili atu ona faaalia ai lou alofa [i le Tama Faalelagi ma Iesu Keriso] ma aumai ai isi ia i Laua.

O le usiusitai faamaoni i totonu o le galuega faafaifeautalai

Ina ia fesoasoni i tagata a’oga e iloa pe faapefea e le usiusitai ona fesoasoani e aumaia isi ia Keriso, mafaufau e talanoaina le tala i le faatosinaga a Tanielu i le Tupu o Tariu mai le Tanielu 6.Atonu na suesueina e tagata a’oga lenei tala i le Lesona 145: “Tanielu 6.”E ono mafai ona e aotele otooto le tala i le parakalafa lenei.

E ui ina faapologaina i Papelonia ma Peresia, ae sa auauna faamaoni Tanielu i le Ali’i.Na sili atu ona fiafia le Tupu o Tariu ia Tanielu “i lo o isi peresitene uma ma perenise” i lona malo “auā sa iai se agaga silisili ia [Tanielu],” (Tanielu 6:3).I se taumafaiga e ta’uleagaina Tanielu i le vaaiga a le Tupu o Tariu, na fafau e isi peresitene se fuafuaga e fetotoa’i ai le faamaoni o Tanielu i le Tupu o Tariu e faasaga i le faamaoni o Tanielu i le Atua.Na latou uunaia faamalosi Tariu e tautino atu e faapea o le aioi atu i le Atua po o se isi lava tagata e ese mai ia Tariu, e faasalaina i le oti i le lua o leona (tagai i le Tanielu 6:4–9).E ui i lea lamatiaga, na faaalia e Tanielu lona naunau e usiusitai e ala i le faaauau ona tatalo atu i le Atua.Ina ua lipotia atu tatalo a Tanielu, na ioe ma le musuā Tariu e lafo o ia i le lua.

Faitau le Tanielu 6:18–28, vaavaai mo le aafiaga o le usiusitai o Tanielu i le Ali’i na iai i le Tupu o Tariu.

O le a se mea na e maua?
E mafai faapefea e a tatou taumafaiga e usiusitai i le Ali’i ona iai se aafiaga lelei i le auala e vaaia ai e isi le Tamā Faalelagi ma Iesu Keriso?

Faasoa atu mea na e aoaoina

2026 Old Testament Seminary Teacher Materials

Fatu se otootoga e mafai ona faaaoga i se lauga e tolu-i le lima-minute, e autu i le taua o le usiusitai a o faasoaina atu le talalelei a le Faaola i isi.

Faaaofia ia le itiiti ifo ma le tolu o mea nei i lau otootoga.

O se mau e uiga i le usiusitai ma pe faapefea ona faatatau [lea mau] i le faasoaina atu o le talalelei a Iesu Keriso.
O se faataitaiga mai le soifuaga po o aoaoga a Iesu Keriso e mafai ona fesoasoani i se tasi o loo taumafai ina ia usiusitai.
O se faataitaiga faaonapo nei i le taua o le usiusitai ma pe faapefea ona faamanuiaina e le Tamā Faalelagi ma Iesu Keriso a tatou taumafaiga.
O se upusii puupuu mai se taitai o le Ekalesia o loo faamamafa ai le taumafai ina ia usitai ma faamanuiaga e maua mai ai.
O ou lagona patino e uiga i le mafuaaga e taua ai le usiusitai a o fai i tatou ma sui o le Faaola o ni tagata o Lana Ekalesia ma le avea o ni Ana faifeautalai.

E mafai foi ona e tuuina atu i tagata a’oga le pepa e tufa atu lona lua i lenei lesona, ina ia faamaopoopo ai le otootoga mo la latou lauga.E mafai ona latou faaaofia ai se autu i le pusa muamua, o se faatomuaga faigofie i la latou lauga i le pusa lona lua, o mea e tolu na latou filifili e faaaofia ai mai le lisi o i luga i totonu o pusa e tolu o sosoo mai, ma la latou molimau i le pusa mulimuli.

A mae’a ona faia otootoga a tagata a’oga, e mafai ona latou galulue ma se paga ina ia faataitai pe faaleleia la latou lauga.E mafai ona e valaaulia tagata a’oga e faasoa mai a latou lauga i le vasega.O nisi tagata a’oga e ono lagona le matamuli e faasoa leotele mai. E mafai ona e uunaia i latou e ave a latou otootoga i le fale ma aoao atu i se isi o le aiga po o se uo.

Mafaufau e faasoa atu lau molimau i le taua o le amiotonu patino a o tatou avea ai ma sui o le Faaola ma Lana talalelei i isi.

O Puna’oa Faaopoopo

E faapefea ona faaalia lo tatou alofa mo le Ali’i i le tausiaina o a tatou tulaga faatonuina?

Na aoao mai Elder Gary E. Stevenson o le Korama a Aposetolo e To’asefululua e faapea:

O le alofa ai i le Ali’i e tele ina fuaina i galuega laiti i aso ta’itasi, o tulaga aao i luga o le ala o feagaiga: mo le autalavou, o le faaaogaina o fesootaiga faaagafesootai e atia’e ai nai lo le tosoina i lalo; tuua o le patī, tifaga, po o se gaoioiga e ono luiina ai tulaga faatonuina; faaalia o le migao mo mea e paia.(“Faatasia o Poloaiga Sili e Lua,” Liahona, Me 2024, 105)

Aisea e taua ai le aoaoina o le usiusitai a o tatou sauni e faasoa atu le talalelei i isi?

I le talanoa atu ai i faifeautalai fou, na faamanatu atu e Elder David A. Bednar o le Korama a Aposetolo e To’asefululua ia i latou:

O le le usiusitai o le fouvale lea e faasaga i le Atua ma Ana faamoemoega, ma e mafua ai ona tatou faataumamao i tatou lava mai le uunaiga a le Agaga Paia. …E le tuua i tatou e le Agaga Paia; ae e ala i le le usiusitai, tatou te faamatuu ese ai i tatou lava mai le faatosinaga a le Agaga Paia.(Scott Tayler, “7 Lessons Elder Bednar Has Learned About Obedience Over Past 50 Years,”newsroom.ChurchofJesusChrist.org, June 27, 2022)

Na aoao mai e Elder Larry R. Lawrence o le Fitugafulu:

10:21

A o tatou agai atu i le faatuatua moni ia Iesu Keriso, o le a amata suia o tatou mafaufau.Ua tatou iloa o le usiusitai ma le faatuatua i le Faaola tatou te agavaa ai i le mauaina o Lona Agaga e faatasi pea ma i tatou.E le toe avea le usiusitai o se faasoesa, ae avea o se tulimataiga.Ua tatou iloa o le usiusitai i poloaiga a le Atua e mafai ai ona Ia faatuatuaina i tatou.Faatasi ai ma Lana faatuatuaga e aumaia ai le malamalama faateleina.O lea malamalama e taiala ai la tatou malaga ma mafai ai ona manino atili la tatou vaai i le ala e tatau ona tatou ui ai.(“Apefa’i o le Faatuatua,” Liahona, Me 2022, 25) (mai le taimi 4:05 i le 4:39)

Gaoioiga Faaopoopo e Aoao Ai

O faamanuiaga o le auaunaga faafaifeautalai usitai

E ono fesoasoani mo tagata a’oga le faaaoga o ata faataitai e fesoasoani ia i latou e iloa ai pe faapefea e a tatou filifiliga amiotonu ona aafia ai o tatou gafatiaga e faasoa atu ai le talalelei a le Faaola i isi.Mafaufau e tuuina atu ata faataitai nei po o se mea talitutusa.

A o avea ai ma faifeautalai, na iloa e Sisters Kelly ma Shepherd le vavao a le misiona o le 9:00 i le afiafi, ae na mananao e nonofo ma se aiga na la aoao atu iai seia ta le 9:30.
Na matua lelavā Elder Pratt e ala i luga i le taimi ala masani mo faifeautalai o le 6:30 i le taeao.E manatu o ia o le tele o le moe o le a fesoasoani ia te ia e maua ai le malosi sili atu mo le aso.
Fai mai tulafono a le misiona, e le faatagaina faifeautalai ona o i le matafaga.Peitai, na valaaulia e tagata o le paranesi i le lotoifale Elders Miller ma Smith ina ia feiloai ma nisi o o latou tuaoi, o e na fesili atu e uiga i le Ekalesia ma o le a auai ai i le patī i le matafaga.

E mafai ona e faatulaga tagata a’oga i ni paga ina ia talanoaina le ata faataitai latou te filifilia.E mafai e tagata a’oga ona faaaoga se feau tusitusia tuufaatasi e fai ai se talanoaga.E mafai ona vaai faalemafaufau e tagata a’oga o le tagata i le ata faataitai na fesili atu mo sa latou fautuaga.E mafai ona latou faia se talanoaga, e faasoaina ai mea na latou aoaoina e uiga i le usiusitai ma le galuega faafaifeautalai.

Lelei pe le lelei tele?

A uma ona iloilo nisi o tulaga faatonuina o le misiona, e ono aoga mo tagata a’oga se talanoaga e uiga pe foliga faape’ī le usiusitai i le misiona.Ina ia faia lenei mea, e mafai ona e faaali atu le “Preparation Day Safety,” mai le taimi faailo 1:58 i le 6:15.E mafai ona e taofi pe a uma ni ata faatino ta’itasi o le galuega faafaifeautalai ma valaaulia tagata a’oga e tali atu i le valaaulia a le sooupu e fuafua ai pe lelei pe le lelei tele ia gaoioiga.

16:40

O le usiusitai o lona uiga tatou te iloa mea sese, salamo, ma toe taumafai

Afai e tauivi tagata a’oga ia lagona le mautinoa e mafai ona latou usiusitai, pe e popole pe ua faamagaloina i latou i mea sese ua tuanai, e mafai ona e faaali atu le vitiō “Transformed Through the Love of Jesus Christ” (2:26).E mafai ona e faamatala atu, pe a tatou taumafai malosi e fai le mea sili tatou te mafaia, e ui tatou te faia mea sese, e mafai ona faamagaloina i tatou e ala i le Togiola a le Faaola.Mafaufau e valaaulia tagata a’oga e tusi se faamatalaga puupuu i le api talaaga mo suesuega e faaali ai lo latou naunau e taumafai pea e usiusitai, e aofia ai le usitai i le poloaiga ina ia salamo pe a latou faia ni mea sese.

2:27