Tusi Lesona a le Faiaoga Seminare o le Feagaiga Tuai

Anotusi
Itulau Autu
Faatomuaga i le Tusi Lesona a le Faiaoga
Lesona o le Feagaiga Tuai
- Faafeiloai Atu Mai le Feagaiga Tuai
- Mose 1; Aperaamo 3
- Kenese 1–2; Mose 2–3; Aperaamo 4–5
- Kenese 3–4; Mose 4–5
- Kenese 5; Mose 6
- Mose 7
- Kenese 6–11; Mose 8
- Kenese 12–17; Aperaamo 1–2
- Kenese 18–23
- Kenese 24–33
- Kenese 37–41
- Kenese 42–50
- Esoto 1–6
- Eseta
- Esoto 7–13
- Esoto 14–18
- Esoto 19–20; 24; 31–34
- Esoto 35–40; Levitiko 1; 4; 16; 19
- Numera 11–14; 20–24; 27
- Teuteronome 6–8; 15; 18; 29–30; 34
- Iosua 1–8; 23–24
- Faamasino 2–4; 6–8; 13–16
- Ruta; 1 Samuelu 1–7
- 1 Samuelu 8–10; 13; 15–16
- 1 Samuelu 17–18; 24–26; 2 Samuelu 5–7
- 2 Samuelu 11–12; 1 Tupu 3; 6–9; 11
- 1 Tupu 12–13; 17–22
- 2 Tupu 2–7
- 2 Tupu 16–25
- 2 Nofoaiga a Tupu 14–20; 26; 30
- Esera 1; 3–7; Neemia 2; 4–6; 8
- Eseta
- Iopu 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Fa’ataoto 1–4; 15–16; 22; 31; Failauga 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Ieremia 1–3; 7; 16–18; 20
- Ieremia 31–33; 36–38; Auega 1; 3
- Esekielu 1–3; 33–34; 36–37; 47
- Tanielu 1–7
- Hosea; Ioelu
- Amosa; Opetaia; Iona
- Mika; Nauma; Sapakuka; Sefanaia
- Hakai 1–2; Sakaria 1–4; 7–14
- Malaki
Lesona o Sauniuniga mo le Olaga
- Atamai i Aoaoga Faavae: Mauaina o Tali i A’u Fesili
- Tomai i Suesuega o Tusitusiga Paia
- Taiala Mo Le Malosi o le Autalavou
- Atinaega o le Ola Tutoatasi o le Tagata Lava Ia
- Soifua Maloloina Faaletino ma Faalelagona
- Sauniuni mo Aoaoga ma Galuega i le Lumanai
- Faamanuiaina i le Aoga
- Sauniuniga Faafaifeautalai
- Sauniuniga mo le Malumalu
- Aoaoga a Taitai o le Ekalesia
Faaopoopoga

Tanielu 6: Mauaina o Upumoni o le Talalelei i Tusitusiga Paia

“Tanielu 6: Mauaina o Upumoni o le Talalelei i Tusitusiga Paia,” Tusi Lesona a le Faia’oga Seminare o le Feagaiga Tuai (2026)

“Tanielu 6: Mauaina o Upumoni o le Talalelei i Tusitusiga Paia,” Tusi Lesona a le Faia’oga Seminare o le Feagaiga Tuai

Tanielu 1–7: Lesona 145

Tanielu 6

Mauaina o Upumoni o le Talalelei i Tusitusiga Paia

The Old Testament prophet Daniel in the lion's den at the decree of King Darius. Daniel is resting his hand on the back of one of the lions. The lions are not harming Daniel. Daniel is looking up at the entrance of the lion's den at men who are astonished that Daniel is unharmed.

O le ā se tala mai le Feagaiga Tuai na a’oa’o atu ai iā te oe se mataupu fa’avae anoa o le talalelei?Na fa’aaoga e Iesu lava Ia le Feagaiga Tuai e fesoasoani ai i Ona so’o ia malamalama i Ana a’oa’oga (mo se fa’ataitaiga, taga’i i le Luka 4:24–27).O se tasi o tala maoa’e e fa’apupula mai ai le tele o upumoni o le talalelei o le tala i le fa’atuatua ma le faalagolago o Tanielu i le Ali’i, e o’o lava i le taimi na feagai ai ma le lua o leona.O lenei lesona e mafai ona fesoasoani i tagata a’oga e faailoa ma fa’asoa mai upumoni o le talalelei mai le Tanielu 6.

Sauniuniga a le tagata a’oga: Vala’aulia tagata a’oga e mafaufau i tala fa’atusi paia sa latou a’oa’oina mai le Feagaiga Tuai i a latou suesuega i lenei tausaga.E mafai ona latou filifili se tala e matua anoa iā i latou ma sauni e fa’asoa se upumoni o le talalelei na fesoasoani ai lena tala iā i latou e malamalama ai.

Gaoioiga e Ono Mafai Ona Aoaoina Ai

O le aoaoga o le tala

O le ā se feau ua mafai ona a’oa’o mai e lenei tala?
E fa’apefea e lena feau ona fa’apupula ai se upumoni e uiga iā Iesu Keriso ma Lana talalelei?

E faapei ona mafai ona tatou maua upumoni i talafatu ma tala masani ta’atele, e mafai ona tatou aoao e maua upumoni taua o le talalelei i totonu o tala musuia o tusitusiga paia ua fa’asaosaoina e le Tamā Fa’alelagi ma Iesu Keriso mo i tatou.

Ina ia fesoasoani iā i tatou e malamalama i le auala ua a’oa’oina ai upumoni o le talalelei e tala o loo i tusitusiga paia, ua a’oa’o mai e Elder Jay E. Jensen o le Fitugafulu e faapea:

A o e faitau ma suesue i tala [fa’atusi paia], o le a e va’aia ai se upu, se fasifuaitau, po o se mataupu fa’avae lea e foliga mai e talafeauga ma aso nei, e pei foi ona sa iai i aso ua mavae.A o fa’aauau au suesuega i le agaga tatalo, o le a fa’apea ona oo ina atamanino mai ai isi mataupu fa’avae.A o e tu’ufa’atasia ia mataupu fa’avae, o le a amata ai ona e soso’oina le avanoa i le va o perofeta ma tagata o e na ola i aso ua mavae—o i latou-i’ina-i aso na—ma i tatou i o tatou vaitaimi—o au-i’inei-i aso nei.(“Scripture Stories as Patterns for Our Lives,” Ensign, Iulai 2009, 21)

O le ā se mea e tulaga ese iā te oe mai le savali a Elder Jensen?
O le ā le tala i le Feagaiga Tuai ua fesoasoani iā te oe e malamalama lelei atili ai iā Iesu Keriso ma Lana talalelei?

O le suesuega faaletagata lava ia lenei, e ono mafai ona fesoasoani i tagata a’oga e filifili le vaega o le faailoaina o upumoni i le tomai i tala fa’atusi paia e mafai ona latou fa’ataitaia i le asō.

Mai se fuataga o le 1 i le 5, fua lou mautinoa i le fa’aaogaina o tomai i suesuega fa’atusi paia:

E mafai ona ou faailoa upumoni o le talalelei i totonu o se tala fa’atusi paia.
E mafai ona ou iloa gofie pe fa’apefea e se tala fa’atusi paia ona a’oa’o mai e uiga iā Iesu Keriso.
E mafai ona ou fa’atatauina tala faatusi paia i loʻu olaga.
E mafai ona ou fa’asoa atu ma le mataalia mea ua ou a’oa’oina mai tala fa’atusi paia i isi.

O le asō, o le a suesue ai se tala mai le tusi a Tanielu ma fa’amatala atu mea e te a’oa’oina mai ai.E te ono taula’i atu au taumafaiga i le tomai e te lagona e itiiti lou mautinoa e uiga iai.Vala’aulia le Agaga Paia e fesoasoani e fa’atele lou tomai e faailoa ai upumoni i tala fa’atusi paia ma ia a’oa’o atu i isi mea ua e a’oa’oina e uiga iā Iesu Keriso, Lona soifuaga, ma Lana talalelei.

Ua lafoina Tanielu i le lua o leona.

Ina ua mavae le tele o tausaga talu na ave fa’atagataotaua Tanielu ma ana uo i Papelonia, na fa’ato’ilaloina le malo e Metai ma Peresia.O Tariu, o se Metai, sa faia e avea ma tupu o Papelonia (taga’i i le Tanielu 5:30–31).

Ao fa’aaoga e tagata a’oga le pepa na tufa atu e sauni ai a latou lesona, e te ono savali fa’ata’amilo i le potu e va’ava’ai upumoni o le talalelei o loo latou mauaina.Afai o faafaigata mo i latou, mafaufau pe fa’apefea ona e fesoasoani iā i latou e aoao e faailoa upumoni i le tala.O fa’ataitaiga o upumoni latou te ono mauaina o le:

I le avea ai ma so’o o Keriso, o le a tatou feagai ma faataute’ega ona o o tatou talitonuga (Tanielu 6:1–5).
O le a fa’amanuia le Ali’i i a tatou taumafaiga e tūtū atu i uunaiga fai faamalosi fa’alalolagi. (Tanielu 6:6–16).
Ao tatou faia le mea tonu ma fa’alagolago i le Ali’i, o la tatou fa’ataitaiga amiotonu e mafai ona a’afia ai isi (Tanielu 6:16–28).

Fa’asoa atu mea ua e a’oa’oina

A uma ona fa’atumu e tagata a’oga le pepa na tufa atu, vala’aulia i latou e fa’asoa le lesona sa latou tapenaina ma se isi vaega po o le vasega.Afai e lē fa’asoaina mai e tagata a’oga vaega o le tala lea e fa’amanatu atu ai iā latou Iesu Keriso, e te ono fa’asino atu ni nai fa’atusatusaga e pei o nei:

Na faia uma e Tanielu ma Iesu le finagalo o le Tamā Fa’alelagi, tusa lava pe na feagai ai ma le oti (taga’i i le Tanielu 6:7, 10; Ioane 6:38).
Na toe tulaʻi mai fa’avavega Tanielu ma Iesu mai se lua na ufitia i se ma’a (taga’i i le Tanielu 6:17, 23; Mareko 15:46; 16:4–6).

E mafai ona e uunaia tagata a’oga e ave lesona na latou saunia i le fale ma fa’asoa atu i se tagata o le aiga po o se uo.

Ina ia fa’auma le vasega, mafaufau e fa’asoa atu pe fa’apefea ona fa’amanuiaina oe e ala i savali e uiga ia Iesu Keriso ma Lana talalelei mai tala fa’atusi paia.Vala’aulia tagata a’oga e fa’aauau ona va’ava’ai mo u’una’iga mai le Agaga Paia e fesoasoani iā i latou e iloa ai upumoni o le talalelei i a latou suesuega patino fa’atusi paia.

O Puna’oa Fa’aopoopo

E mafai fa’apefea ona tatou fa’aali atu le lototele o Tanielu i aso nei?

Na fa’asoa mai Peresitene Thomas S. Monson (1927–2018):

16:18

E tele ituaiga o lototele.Sa tusia e le tusitala Kerisiano o Charles Swindoll: “O le lototele e lē na o le tafa o le taua e maua ai … po o le pueina ma le lototoa o se gaoi i totonu o lou fale.O tofotofoga moni lava o le lototele e tele ina lē leoa.O tofotofoga patino i le loto, e pei o le tumau i le fa’amaoni pe afai e le’o va’ai mai se isi, … e pei o le tū na’o oe pe a ua lē amanaiaina” [Hal Urban, Choices That Change Lives (2006), 122].Ou te fa’aopoopo atu e fa’apea o le lototele patino i le loto o lo o aofia ai foi le faia o le mea tonu e tusa lava pe atonu tatou te fefefe, i le puipuia ai o o tatou talitonuga ma e tusa foi pe faifai mai ai tagata iā i tatou, ma le fa’atumauina o na talitonuga e tusa lava pe fa’amata’uina i le motusia ai o faigauō po o tamali’iga i le va fealoaloa’i.O le e tū mausalī mo le mea tonu e ao ina lamatia i nisi taimi i tulaga o le teenaina ma le le amana’iaina.

A o o’u tautua ai i le Fuava’a a le Iunaite Setete i le Taua Lona Lua a le Lalolagi, sa ou a’oa’oina ai i galuega [e manaomia ai le] lototoa, fa’ataitaiga o le toa, ma fa’ataitaiga o le lototele.O se tasi o ia fa’ataitaiga e lē mafai ona galo iā te au o le lototele lē leoa o se ali’i va’a e 18 tausaga le matua—e lē o se tasi o lo tatou fa’atuatuaga—o lē sa le matamuli tele e tatalo.Mai le 250 o ali’i i le vaega, sa na o ia lava le tagata e to’otuli i po uma i talaane o lona moega e tatalo, a o faifai ma tauemu atu iai ē sa lē talitonu i le Atua.Ma lona ulu e ifopunou, sa ia tatalo atu ai i le Atua.Sa lei faavaivai lava o ia.Sa lei musuā lava o ia.Sa iā te ia le lototele.(“Ia Fa’amalosi ma se Loto Tele Lelei,” Liahona, Mē 2014, 67)

Na faapea mai Peresetene Jeffrey R. Holland o le Korama a Aposetolo e To’asefululua:

O le a iai se aso e valaauina ai [oe] e tu atu e tete’e lou fa’atuatua pe atonu foi e onosaia ni sauaga patino ona o oe o se tasi o Le Ekalesia a Iesu Keriso o le Au Paia o Aso e Gata Ai. O ia taimi fa’apea o le a mana’omia uma ai le lototele ma le amio solia mai iā te oe. …

… Atonu e te taumafaufau pe e aoga lou tū atu e puipui ma le lototoa amioga mamā i a’oga maualuga, po o le alu i se misiona ae na o le ulagia ai o ou talitonuga sili ona pele, po o le taumafai e tete’e atu i le tele o mea i le olaga lea o nisi taimi e ulagia ai se olaga tu’uto fa’alelotu.Ioe, e aoga. …

… Ia [e] malosi. …Ola ma le faamaoni i le talalelei e tusa lava pe e le o ola ai isi o siomia oe.Puipui ou talitonuga ma le amio solia ma le agaalofa, ae ia tu atu e tetee i latou.(“O le Tau—ma Fa’amanuiaga—o le avea ma So’o,” Liahona, Mē 2014, 6, 7, 9)

Gaoioiga Fa’aopoopo e A’oa’o Ai

Na aoao mai Iesu i tala fa’atusi paia mai le Feagaiga Tuai

Ao le’i saunia a latou lesona mai le Tanielu 6, e ono aoga mo tagata a’oga le iloa ai e faapea sa masani ona fa’aaoga e Iesu tala mai le Feagaiga Tuai e a’oa’o atu ai upumoni o le talalelei i Lana au fa’alogologo.Vala’aulia tagata a’oga e suesue se tasi o fuaitau faaletusi paia lenei, ma va’ava’ai pe na fa’apefea e Iesu ona fa’aaoga tala mai le Feagaiga Tuai e a’oa’o atu ai upumoni taua:

Mataio 12:38–40 (Iona; taga’i i le Iona 1:17)
Mataio 24:36–39 (Noa; taga’i i le Kenese 6:13–22)
Luka 4:24–27 (o se fafine i Sarefata; taga’i i le 1 Tupu 17:1, 8–16; ma Na’amanu; taga’i i le 2 Tupu 5:1–14)
Luka 17:28–33 (Avā a Lota; taga’i i le Kenese 19:24–26)
Mataupu Fa’avae ma Feagaiga 121:7–10 (Iopu; taga’i i le auega a Iopu i le auala na taulima ai e ana uo o ia Iopu 6:14–15)

A uma ona toe iloilo e tagata a’oga le fuaitau na latou filifilia, e mafai ona e vala’aulia se talanoaga e fa’aaogaina ai fesili e pei o nei:

O le ā se savali semanū e a’oa’o atu e Iesu i lenei tala?
E fa’apefea e lenei tala o le Feagaiga Tuai ona fa’asino atu le tagata fa’alogologo i le Fa’aola ma Lana talalelei?

O se “lua o leona” patino

Mafaufau e fa’atulaga tagata a’oga i ni vaega to’alaiti ma tusi se ata o se leona se tasi i luga o le laupapa mo vaega ta’itasi.Vala’aulia vaega ta’itasi e talanoa “lua o leona” (luitau) eseese e ono feagai ma se tasi ona o le filifili e fa’atuatua i aso nei.A mae’a se taimi talafeagai, vala’aulia tagata a’oga mai vaega ta’itasi e sau i le laupapa ma fa’aigoa se tasi o leona i luitau sa talanoaina e le latou vaega.Fai atu i tagata a’oga e fa’asoa mai se faatinoga fa’amaoni e mafai ona fa’atino e se tasi, e tali atu ai i luitau.E mafai ona talanoaina e tagata aoga fesili e pei o nei:

Aiseā e te ono filifili ai e fa’amaoni i le Ali’i pe afai ua e iloa e ono tupu ia te oe nisi o nei luitau e avea o se taunuuga?
O anafea na fesoasoani ai le Ali’i iā te oe po o se isi e te iloa e onosaia pe manumalō i se luitau na oo atu ona o se taunu’uga o le fa’amaoni iā te Ia?

Vala’aulia tagata a’oga e mafaufau loloto i ni a’afiaga i o latou lava olaga na feagai ai ma ni luitau ona o le fa’amaoni i le Ali’i.Uunaia i latou ia fa’amaoni i le Ali’i i na tulaga, ma molimau atu e faapea a o latou fa’amaoni ai, o le a fesoasoani le Ali’i iā i latou.

Fa’ataitaiga o le lototele mamā

Ina ia fesoasoani i tagata a’oga ia iloa le auala e puipuia ai e le Ali’i ana auauna i o tatou aso, e mafai ona e fa’asoa atu se tasi o fa’ataitaiga o loo lisiina atu i lalo.Afai e te faia, fa’amautinoa e fa’amanino atu e faapea e ui e iai taimi e puipuia ai e le Atua e amiotonu, ua fa’amanatu mai e le Alema 60:13 iā i tatou o isi taimi, e fa’atagaina ai e le Ali’i e o’o lava i e amiotonu ina ia mafatia.

O ni tuafafine faifeautalai se toalua na puipuia faavavega mai le lamatiaga.Na fa’asoa mai e Elder Christofferson o le Korama a Aposetolo e To’asefululua lenei tala i le “Pe a Liua Oe” (mai le faailo taimi 8:44 i le 10:02).

11:21

Na fetaiai Iosefa F. Samita e 19 tausaga, ma se vaega fa’atupu vevesi sa fesili mai pe o ia o se tagata o le Ekalesia a Iesu Keriso o le Au Paia o Aso e Gata Ai: “Preparation of Joseph F. Smith: True Blue, Through and Through” (1:31).

1:31

Sa fesili atu se faia’oga paū o le militeli iā Elder Larry Echo Hawk o le Fitugafulu pe talitonu o ia i le Tusi a Mamona: “O mai iā te A’u, Le Aiga e o Isaraelu,” (mai le faailo taimi 0:00 i le 3:05).

10:33