Tusi Lesona a le Faiaoga Seminare o le Feagaiga Tuai

Anotusi
Itulau Autu
Faatomuaga i le Tusi Lesona a le Faiaoga
Lesona o le Feagaiga Tuai
- Faafeiloai Atu Mai le Feagaiga Tuai
- Mose 1; Aperaamo 3
- Kenese 1–2; Mose 2–3; Aperaamo 4–5
- Kenese 3–4; Mose 4–5
- Kenese 5; Mose 6
- Mose 7
- Kenese 6–11; Mose 8
- Kenese 12–17; Aperaamo 1–2
- Kenese 18–23
- Kenese 24–33
- Kenese 37–41
- Kenese 42–50
- Esoto 1–6
- Eseta
- Esoto 7–13
- Esoto 14–18
- Esoto 19–20; 24; 31–34
- Esoto 35–40; Levitiko 1; 4; 16; 19
- Numera 11–14; 20–24; 27
- Teuteronome 6–8; 15; 18; 29–30; 34
- Iosua 1–8; 23–24
- Faamasino 2–4; 6–8; 13–16
- Ruta; 1 Samuelu 1–7
- 1 Samuelu 8–10; 13; 15–16
- 1 Samuelu 17–18; 24–26; 2 Samuelu 5–7
- 2 Samuelu 11–12; 1 Tupu 3; 6–9; 11
- 1 Tupu 12–13; 17–22
- 2 Tupu 2–7
- 2 Tupu 16–25
- 2 Nofoaiga a Tupu 14–20; 26; 30
- Esera 1; 3–7; Neemia 2; 4–6; 8
- Eseta
- Iopu 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Fa’ataoto 1–4; 15–16; 22; 31; Failauga 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Ieremia 1–3; 7; 16–18; 20
- Ieremia 31–33; 36–38; Auega 1; 3
- Esekielu 1–3; 33–34; 36–37; 47
- Tanielu 1–7
- Hosea; Ioelu
- Amosa; Opetaia; Iona
- Mika; Nauma; Sapakuka; Sefanaia
- Hakai 1–2; Sakaria 1–4; 7–14
- Malaki
Lesona o Sauniuniga mo le Olaga
- Atamai i Aoaoga Faavae: Mauaina o Tali i A’u Fesili
- Tomai i Suesuega o Tusitusiga Paia
- Taiala Mo Le Malosi o le Autalavou
- Atinaega o le Ola Tutoatasi o le Tagata Lava Ia
- Soifua Maloloina Faaletino ma Faalelagona
- Sauniuni mo Aoaoga ma Galuega i le Lumanai
- Faamanuiaina i le Aoga
- Sauniuniga Faafaifeautalai
- Sauniuniga mo le Malumalu
- Aoaoga a Taitai o le Ekalesia
Faaopoopoga

Tanielu 1: “Tanielu … O Le A Lē Fa’aleagaina o Ia Lava”

“Tanielu 1: ‘Tanielu… O Le A Lē Fa’aleagaina o Ia Lava,’” Tusi Lesona a le Faia’oga Seminare o le Feagaiga Tuai (2026)

“Tanielu 1: ‘Tanielu… O Le A Lē Fa’aleagaina o Ia Lava,’” Tusi Lesona a le Faia’oga Seminare o le Feagaiga Tuai

Tanielu 1–7: Lesona 142

Tanielu 1

“Tanielu … O Le A Lē Fa’aleagaina o Ia Lava”

Daniel Refusing the King’s Meat and Wine, by Del Parson

Pe a tatou fetaia’i ma tulaga e tofotofo ai la tatou filifiligamau e usiusitai i poloaiga a le Ali’i, pe tatou te lolo atu pe tūtūmau?I le avea ai o ni auauna i le maota o le Tupu o Nepukanesa, na fa’atonuina Tanielu ma ana uo e soli tulafono faaalia a le Ali’i o le soifua malōlōina, ae na latou tūtūmau.O lenei lesona e mafai ona fesoasoani i tagata a’oga e fa’amalosia la latou tautinoga e usitaia le Upu o le Poto a le Ali’i.

Sauniuniga a le tagata a’oga: Vala’aulia tagata a’oga e suesue le va’aiga aoao mo le “Upu o le Poto” i le Autū ma Fesili i le Potutusi o le Talalelei.Uunaia i latou e talanoaina pe ua fa’apefea ona fa’amanuiaina i latou po o isi e ala i le tausiaina o Upu o le Poto a le Ali’i.

Gaoioiga e Ono Mafai Ona Aoaoina Ai

O le ā se mea o le a e faia?

Mafaufau e amatalia le vasega e ala i le fa’amatalaina o se tagata talavou e fiafia e talia lu’itau e fa’ataitai mea fou, e pei o le faataitaiga lenei.E te ono suia le igoa ma gaoioiga ina ia sili atu ona faatatau i au tagata a’oga.

O Mateo o se tagata malosi o Le Ekalesia a Iesu Keriso o le Au Paia o Aso e Gata Ai.E iai sona uiga mataina o le taumafai o ni mea fou, o lea, e masani ona tu’u atu ia te ia e ana uo ni lu’itau e pei o nei:

Sa iai se taimi na lu’iina o ia e se uo e tamo’e i se malafoni.Sa talia e Mateo le lu’i.
Sa iai se taimi na lu’iina ai o ia e sana uo e puna i totonu o se vaituloto malūlū pei o le aisa.Sa talia e Mateo le lu’i.
Sa iai se taimi na lu’iina ai o ia e sana uo e fa’ailoa atu o ia i se teine fou i le a’oga.Sa talia e Mateo le lu’i.

A uma ona faitauina o le lu’i o soso’o mai, taofi ma fesili atu le fesili lenei.
I se tasi o aso, na lu’iina ai e uo a Mateo o ia e inu le ava malosi i se patī.
O le ā sou manatu, e ono fa’apefea le tali atu a Mateo?Aiseā?

E te ono fesili atu i tagata a’oga pe ta’atele tauanauga e soli le Upu o le Poto i o latou lotoifale.E mafai ona latou fa’amatala tulaga e latou te lagona ai le tauanauina e solia [le Upu o le Poto].Mafaufau e uunaia tagata a’oga o e atonu ua solia lenei poloaiga, ia manatua o le a fesoasoani le Ali’i iā i latou pe a liliu atu iā te Ia ma salamō.Fa’amautinoa atu i tagata a’oga e alofa le Ali’i iā i latou ma vala’aulia i latou ia taumafai pea.

Ina ia toe iloilo a latou tautinoga e usitaia le Upu o le Poto, e mafai e tagata a’oga ona tali fesili nei i totonu o a latou api tala’aga o suesuega.
O le ā sou manatu e ono fa’apefea ona e tali atu i se tulaga talitutusa?Aiseā?
O le ā sou manatu e ono fa’apefea lau tali atu pe a ofoina atu iā te oe se mea ta’atele e pei o le kofe po o le lautī?

A o e suesue i le Tanielu 1 i le asō, fa’alogo mo manatu ma lagona e ono tu’uina mai e le Tamā Fa’alelagi iā te oe e ala mai i le Agaga Paia.Va’ava’ai mo auala e fa’amalosia au lau tautinoga e usitaia le Upu o le Poto a le Ali’i.

Na usitai Tanielu i le Alii

I le vaitaimi o le 606 TLM, na osofaia e Nepukanesa, le tupu o Papelonia, Ierusalema ma ave fa’atagataotaua nisi o tagata Isaraelu i Papelonia.Na poloaiina e le tupu le a’oa’oina o nisi o talavou Isaraelu ina ia auauna i totonu o lona aiga.Sa iai i nei talavou o tauleleʻa e toʻafā e igoa iā Tanielu, Hanania, Mesaelu, ma Asaria.I Papelonia, sa suia o latou igoa iā Peletisara, Sataraka, Mesako, ma Apeteniko (taga’i i le Tanielu 1:1–7).

Faitau le Tanielu 1:5, 8–14, va’ava’ai po o le ā se mea sa fa’atonuina e le tupu Tanielu ma ana uo ia faia.

Aiseā atonu na avea ai ma luitau lenei talosaga iā Tanielu ma ana uo?
Aiseā e te manatu ai o le lē aai ma feinu i nisi mea o le a ono faaoso ai le ita o le tupu?

E te ono fa’amanatu atu i tagata a’oga e faapea i vaitaimi o Tanielu, sa mulimuli tagata Isaraelu i le tulafono a Mose, lea na aofia ai le faʻatapulaʻaina o nisi o meaʻai (taga’i i le Teuteronome 14).E te ono fa’amatala atu foi o le “pulse” (fatu) e fa’asino atu i “meaʻai e faia i fatulaau, saito, ma isi.”(Tanielu 1:12, vaefaamatalaga a).

O fa’amanuiaga o le usitai i le Ali’i

Ina ia fesoasoani i tagata a’oga e iloa pe na fa’apefea ona fa’amanuiaina e le Ali’i ia Tanielu ma ana uo, e mafai ona e fa’atulaga tagata a’oga ini paga.A o latou faitau fuaiupu o mulimuli mai, vala’aulia se paga se tasi e va’ai pe na fa’apefea ona fa’amanuiaina e le Ali’i ia Tanielu ma ana uo i le fa’aletino, ma vala’aulia se isi paga e va’ai pe na fa’apefea ona fa’amanuiaina e le Ali’i i latou i le fa’aleagaga.Ona vala’aulia lea o paga e fa’asoa mai mea ua latou mauaina.Tu’u atu iā i latou e fa’ailoga fa’amanuiaga fa’aletino ma le fa’aleagaga i ni auala iloga eseese se lua (e pei o le fa’ailogaina i lanu eseese po o le vaseina o le pito i lalo o le tasi ae fa’ailoga i se lanu le isi).

Faitau le Tanielu 1:15–20, va’ava’ai pe na fa’apefea ona fa’amanuiaina e le Ali’i ia Tanielu ma ana uo mo lo latou usiusitai.

Toe faitau tasi fuaiupu 15–20 , ae i le taimi lenei, mafaufau loloto i mea ua e a’oa’oina e uiga i le Tamā Fa’alelagi ma Iesu Keriso.

O ā ni mea ua a’oa’oina mai e nei fuaiupu iā te oe e uiga i le Atua?
E ono mafai fa’apefea e lenei malamalamaaga ona fa’amalosia ai lou naunau e fa’alagolago ma usitai iā te Ia?

E te ono fa’amatala atu e faapea i aso o Tanielu, na fa’aali mai e le Ali’i se tulafono fa’alesoifua malōlōina mo Ana fanau i aso nei.Ua ta’ua o le Upu o le Poto (taga’i i le Mataupu Fa’avae ma Feagaiga 89).

O le gaoioiga lenei e mafai ona fesoasoani i tagata a’oga e suesue ai le Upu o le Poto.Mafaufau e tuuina atu se pepa ma se sapalai o mea fa’atufugaga fa’apea ma ni kopi o le Mo le Malosi o le Autalavou: O se Taiala mo le Faia o Filifiliga mo tagata a’oga e lē o mafai ona asiasi i le Potutusi o le Talalelei.E te ono fa’atapula’a le taimi e fa’aalu i lenei gaoioiga ina ia tuu se taimi mo le a’afiaga o loo i le fa’ai’uga o le lesona.

Vaai faalemafaufau e faapea ua fa’atonuina oe e faia se pepa lautele e i ai se savali e fa’amatala ai se mea e tulagaese e uiga i lau tapuaiga.Ua e filifili e fai lau pepa lautele e uiga i le Upu o le Poto.Fa’aaoga nisi po o punaoa uma o lo o i lalo e fuafua ai mea e tatau ona fa’aaofia ai:

Mataupu Fa’avae ma Feagaiga 89:18–21
Tanielu 1:15–20
“Upu o le Poto” i le Taiala i Tusitusiga Paia po o le Autū ma Fesili (Potutusi o Talalelei) po o totonu o le vaega “Ae ā le … ?” o le Mo le Malosi o le Autalavou: O se Taiala mo le Faia o Filifiliga (2022)
“The Word of Wisdom: What It Is, What It Isn’t,” New Era, Aug. 2019, 26–28

Ia mautinoa o lo o aofia ai se fa’amatalaga o le mea moni e uiga i le Upu o le Poto i lau pepa lautele o se savali.O lenei mea moni e mafai ona maua mai i le a’afiaga o Tanielu pe mai isi punaoa.

Vala’aulia tagata a’oga e fa’asoa a latou pepa lautele o se savali ma fa’amatalaga o le mea moni ma le vasega.Fa’atasi ai ma upumoni latou te ono fa’asoa mai, fa’amamafa mea nei: Pe a tatou tausia le poloaiga a le Ali’i ia usitai i le Upu o le Poto, o le a Ia fa’amanuia i tatou fa’aletino ma fa’aleagaga.

(Manatua: I le Lesona 160: “Iloilo lou A’oa’oina 10,” o le a toe tilotilo i tua tagata a’oga i pepa lautele o se savali sa latou faia.E ono fesoasoani le aoina o pepa lautele o se savali pe fa’aali atu se’ia oo ina e a’oa’oina atu lena lesona ina ia maua e tagata aoga.)

O tagata e lē malamalama i le fa’amoemoega o le Upu o le Poto e ono manatu iai o ni tapula’a lē talafeagai lea ua fa’atonuina faamalosi e le Ekalesia. Fa’aalu se minute e mafaufau loloto ai i fa’amanuiaga e o’o mai i le tausiga o le Upu o le Poto, ma taunu’uga o le solia mo tagata ta’ito’atasi, aiga ma tagata lautele.

O le ā sou manatu e fa’apefea ona fa’aalia e le Upu o le Poto le alofa o le Atua mo Ana fanau?

Tautino nei e usitai i le Ali’i

Ina ia fesoasoani i tagata a’oga e fa’amalosia la latou tautinoga ia usitaia le Upu o le Poto, e mafai ona e vala’aulia i latou e fa’auma fuaiupu nei i a latou api tala’aga o suesuega.A o latou sauni e tusi, fai atu iā i latou e mafaufau pe fa’apefea e la latou tautinoga e usitaia le Upu o le Poto ona fa’amalosia ai la latou sootaga ma le Tamā Fa’alelagi ma Iesu Keriso.

Ou te manao e usitai i le Upu o le Poto ona …

O se tasi o mea e mafai ona ou faia o le a fesoasoani iā te a’u e usitaia le Upu o le Poto o le …

E te ono fa’ai’u e ala i le fa’asoaina atu o lau molimau iā Iesu Keriso ma fa’amanuiaga ua e va’aia mai le usitaia ai o Lana Upu o le Poto.

O Puna’oa Fa’aopoopo

Aiseā e taua ai le tausia lelei o lou tino fa’aletino?

Na fa’asoa mai Peresitene Russell M. Nelson:

Pe o le a le ofoofogia o iai lou tino, o lona faamoemoega autu, e pei ona taʻua muamua, e iai le taua e sili atu--ia avea o se apitaga mo lou agaga e faavavau.

Na mauaina e lou agaga lou tino ma avea ai ma se tagata ola e maua se aafiaga o le olaga faitino ma tofotofoga ma suega talafeauga.O se vaega o lena suega o le fuafua lea pe mafai ona pulea manaoga o lou tino e le agaga o loʻo nofo ai i totonu.

A tatou malamalama i lo tatou natura ma lo tatou faamoemoega i le lalolagi ma o o tatou tino o malumalu faaletino o le Atua, o le a tatou iloa o le upuleaga o se mea paia le faataga o soo se mea e ulu atu e mafai ona faaleagaina ai le tino.(“Your Body: A Magnificent Gift to Cherish,” New Era, Aug. 2019, 5–6)

E fa’apefea e le tautino atu e usitaia le Upu o le Poto ona fa’amanuiaina ai a’u?

Na fa’asoa mai Elder Ronald A. Rasband o le Korama a Aposetolo e To’asefululua:

14:39

I se tasi afiafi a o o’u talavou, sa ma saofafa’i ma lo’u tina i vae o le moega ma talanoa ma le faamaoni e uiga i le taua o le ola ai i le Upu o le Poto.“Ou te iloa mai aafiaga o isi, mai tausaga ua alu,” sa ia fai mai ai, “o le leai o se faaleagaga ma se lagona maaleale e sau mai le lē tausia o le Upu o le Poto.”Sa ia pulato’a i o’u mata, ma sa ou lagonaina ana upu o tuia ai lo’u loto: “Tautino mai ia te a’u, Ronnie, i le aso nei [sa ia valaauina a’u ia Ronnie], o le a e ola i aso uma i le Upu o le Poto.”Sa ou faia ma le faamaoni lena tautinoga ia te ia, ma sa ou tausia i nei tausaga uma.

Sa tautuaina lelei a’u e lena tautinoga a o o’u talavou ma i tausaga mulimuli ane a o ou i ai i li’o faapisinisi ia sa saoloto ai le alu o mea faataumaoi faasaina.Sa ou muai faia se faaiuga e mulimuli i tulafono a le Atua, ma ou te lei toe tau mafaufau faalua i ai.Na fetalai mai le Ali’i, “E noatia a’u, le Alii, pe a outou faia mea ou te fai atu ai; ae pe a outou lē faia mea ou te fai atu ai, e leai sa outou folafolaga” [Mataupu Fa’avae ma Feagaiga 82:10].O le ā Lana fetalaiga iā i latou o e tausia le Upu o le Poto?O le a tatou maua le folafolaga o le soifua malōlōina, malosi, poto, malamalama, ma agelu e puipuia i tatou.(“Tūtū Atu iā Tatou Feagaiga ma Folafolaga,” Liahona, Nov. 2019, 54–55)

O fea e mafai ona ou a’oa’o atili ai e uiga i le Upu o le Poto?

Ina ia a’oa’o atili e uiga i le Upu o le Poto, taga’i i lomiga o Aokuso 2019 o le New Era.

Gaoioiga Fa’aopoopo e A’oa’o Ai

Tanielu 1:8.“Sa fuafua Tanielu i lona loto”

A o suesue tagata a’oga i le tala iā Tanielu, e ono fesoasoani iā i latou le mafaufau e uiga i lana tautinoga e usitai i le Ali’i.Mafaufau e vala’aulia tagata a’oga e fa’ailoga le fasi fuaitau “Sa fuafua Tanielu i lona loto” i le Tanielu 1:8.Ona fai atu lea o fesili nei:

O anafea e te manatu sa filifili ai Tanielu e usitai i le Ali’i?
E ono mafai fa’apefea e lena filifiliga ona a’afia ai le tali a Tanielu i tulaga luitauina?

Ia talanoaina le fa’ataitaiga a Tanielu i le mua’i filifili mamao ai e usitai i le Ali’i ma pe fa’apefea i le mulimuli i lena fa’ataitaiga ona fesoasoani iā i tatou e usitaia le Upu o le Poto i ni tulaga luitauina.

Fa’amanuiaga fa’aletino ma le fa’aleagaga

Ina ia fesoasoani i tagata a’oga ia iloa pe fa’apefea ona fa’amanuiaina i tatou e le Ali’i i le fa’aletino ma fa’aleagaga, e mafai ona e fa’aali atu le “A Brand New Year: Physical Health” mai le faailo taimi 0:53 i le 4:19.

7:29

Ona mafai lea ona e fa’asoa atu a’oa’oga nei a Peresitene Boyd K. Packer (1924–2015) o le Korama a Aposetolo e To’asefululua:

“Ua oo ina ou iloa … e faapea o se mafua’aga autū o le Upu o le Poto ua fa’atatau lea i faaaliga. …

Afai o se tasi ua i “lalo o aafiaga” [o le onaonā] ona faafaigata ona faalogo i talanoaga manino, e faapefea ona latou tali i uunaiga faaleagaga e pa’i atu i o latou lagona e sili ona maaleale?

E ui lava i le taua o le Upu o le Poto o se tulafono o le soifua maloloina, atonu e sili atu le taua ia te oe faaleagaga nai lo le faaletino.(“Prayers and Answers,” Ensign, Nov. 1979, 20)

E lē o folafola mai e le Upu o le Poto iā te oe se soifua malōlōina atoatoa, ae ua a’oa’o mai i le ala e tausia ai le tino na fanau mai ma oe i se tulaga sili ona lelei ma lou mafaufau ia mataala i musumusuga fa’aleagaga maaleale.(“O Le Upu o le Poto: O Le Mataupu Fa’avae ma Folafolaga,” Ensign, Me 1996, 18)

O ā ni fa’amanuiaga fa’aletino ma fa’aleagaga ua e mauaina pe mauaina e se tasi e te iloaina e ala mai i le usitaia o le Upu o le Poto?

E te ono fa’amanatu atu i tagata a’oga e faapea o fa’amanuiaga a le Ali’i e o’o mai e tusa ma Lona finagalo ma Lana taimi.