Tusi Lesona a le Faiaoga Seminare o le Feagaiga Tuai

Anotusi
Itulau Autu
Faatomuaga i le Tusi Lesona a le Faiaoga
Lesona o le Feagaiga Tuai
- Faafeiloai Atu Mai le Feagaiga Tuai
- Mose 1; Aperaamo 3
- Kenese 1–2; Mose 2–3; Aperaamo 4–5
- Kenese 3–4; Mose 4–5
- Kenese 5; Mose 6
- Mose 7
- Kenese 6–11; Mose 8
- Kenese 12–17; Aperaamo 1–2
- Kenese 18–23
- Kenese 24–33
- Kenese 37–41
- Kenese 42–50
- Esoto 1–6
- Eseta
- Esoto 7–13
- Esoto 14–18
- Esoto 19–20; 24; 31–34
- Esoto 35–40; Levitiko 1; 4; 16; 19
- Numera 11–14; 20–24; 27
- Teuteronome 6–8; 15; 18; 29–30; 34
- Iosua 1–8; 23–24
- Faamasino 2–4; 6–8; 13–16
- Ruta; 1 Samuelu 1–7
- 1 Samuelu 8–10; 13; 15–16
- 1 Samuelu 17–18; 24–26; 2 Samuelu 5–7
- 2 Samuelu 11–12; 1 Tupu 3; 6–9; 11
- 1 Tupu 12–13; 17–22
- 2 Tupu 2–7
- 2 Tupu 16–25
- 2 Nofoaiga a Tupu 14–20; 26; 30
- Esera 1; 3–7; Neemia 2; 4–6; 8
- Eseta
- Iopu 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Fa’ataoto 1–4; 15–16; 22; 31; Failauga 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Ieremia 1–3; 7; 16–18; 20
- Ieremia 31–33; 36–38; Auega 1; 3
- Esekielu 1–3; 33–34; 36–37; 47
- Tanielu 1–7
- Hosea; Ioelu
- Amosa; Opetaia; Iona
- Mika; Nauma; Sapakuka; Sefanaia
- Hakai 1–2; Sakaria 1–4; 7–14
- Malaki
Lesona o Sauniuniga mo le Olaga
- Atamai i Aoaoga Faavae: Mauaina o Tali i A’u Fesili
- Tomai i Suesuega o Tusitusiga Paia
- Taiala Mo Le Malosi o le Autalavou
- Atinaega o le Ola Tutoatasi o le Tagata Lava Ia
- Soifua Maloloina Faaletino ma Faalelagona
- Sauniuni mo Aoaoga ma Galuega i le Lumanai
- Faamanuiaina i le Aoga
- Sauniuniga Faafaifeautalai
- Sauniuniga mo le Malumalu
- Aoaoga a Taitai o le Ekalesia
Faaopoopoga

Tanielu 2: “O le Malō, E lē Fa’aumatia e Fa’avavau”

“Tanielu 2: ‘O le Malō, E lē Fa’aumatia e Fa’avavau,’” Tusi Lesona a le Faia’oga Seminare o le Feagaiga Tuai (2026)

“Tanielu 2: ‘O le Malō, E lē Fa’aumatia e Fa’avavau,’” Tusi Lesona a le Faia’oga Seminare o le Feagaiga Tuai

Tanielu 1–7: Lesona 143

Tanielu 2

“O le Malō, E lē Fa’aumatia e Fa’avavau”

The Old Testament King Nebuchadnezzar is depicted sitting on his throne in front of the prophet Daniel. Daniel stands as he interprets the king's dream. In the background, depictions from the king's dream can be seen such as the great image and a stone cut from the mountain without hands getting ready to destroy the image. (The stone represents the latter-day kingdom of God.)

Sa fa’aali e le Ali’i iā Tanielu se fa’aaliga o aso e gata ai, i le taimi o le a fa’atūina ai e le Ali’i Lona malō i luga o le fogaeleele.O le malō o le Ali’i, O Le Ekalesia a Iesu Keriso o le Au Paia o Aso e Gata Ai, o le a i’u ina faatumulia ai le lalolagi atoa ma tumau e fa’avavau.O lenei lesona e mafai ona fesoasoani i tagata a’oga e fa’amalosia la latou molimau o le Toefuata’iga paia o Le Ekalesia a Iesu Keriso o le Au Paia o Aso e Gata Ai.

Sauniuniga a le tagata a’oga: Vala’aulia tagata a’oga e filifili se tasi o manatu nei e sauni ai mo lenei lesona:

Gaoioiga e Ono Mafai Ona Aoaoina Ai

Molimau o le Toefuata’iga

Mafaufau e vala’aulia tagata a’oga e fa’asoa mai ni fesili latou te manatua sa fesiligia ai i le taimi o le fa’atalanoaga o le pepa fa’ataga o le malumalu.Afai e fesoasoani, e mafai ona e fa’asino atu i fesili o pepa fa’ataga o le malumalu o loo i le fa’aopoopoga o le Mo le Malosi o le Autalavou: O se Taiala mo le Faia o Filifiliga.A uma ona fa’asoa mai e tagata a’oga ni nai fesili latou te manatuaina, e mafai ona e tusia le fesili lenei i luga o le laupapa.

Mafaufau pe o le a fa’apefea ona e tali atu i le fesili lenei o pepa fa’ataga o le malumalu:

E iai sau molimau i le Toefuata’iga o le talalelei a Iesu Keriso?

Pe a mana’omia, fa’amatala atu o le Toefuata’iga “o le toe fa’atūina lea e le Atua o upumoni ma sauniga o Lana talalelei i tagata i le lalolagi” (Taiala i Tusitusiga Paia, “Toefuata’iga o le Talalelei,” Potutusi a le Talalelei).

Mafaufau e tusi le Aiseā pe aiseā e leai ai? e sosoo atu i le fesili i luga o le laupapa.Vala’aulia tagata a’oga e mafaufau loloto i a latou tali i fesili uma e lua nei.

A o e suesue i le Tanielu 2 i le asō, vala’aulia le Agaga Paia e fesoasoani iā te oe e iloa ai upumoni e mafai ona fa’amalosia ai lau molimau e faapea na toefuata’iina e le Tamā Fa’alelagi ma Iesu Keriso Le Ekalesia a Iesu Keriso o le Au Paia o Aso e Gata Ai i le lalolagi.

O le miti a le Tupu o Nepukanesa

Na fai le miti a le Tupu o Nepukanesa o Papelonia sa faapea ona fa’apopoleina ai o ia.E leai se tasi o ana tagata popoto na mafai ona taʻu atu iā te ia le uiga o le miti ma pe fa’apefea foi ona fa’amatalaina.O le taunu’uga, na fai le fa’atonuga a le tupu e fasiotia tagata popoto uma e aofia atu ai ma Tanielu.Ae le’i tupu lena mea, na fa’ailoa atu e le Atua le miti ma lona uiga iā Tanielu (taga’i i le Tanielu 2:1–26).

Ae le’i fa’asoaina atu le mea na fa’aalia e le Atua e uiga i le miti, na a’oa’o atu e Tanielu le tupu e fa’apea o le Atua o le puna o le fa’auigaga.Na faailoa atu foi e Tanielu o le miti e fa’atatau “i mea e o’o mai i aso amulī” (Tanielu 2:28).

Illustration of Daniel talking to the king. Daniel 2:26–49

Faitau le Tanielu 2:31–43 ma fa’aigoa vaega taitasi o le miti a le Tupu o Nepukanesa i luga o le pepa e tufa atu ma fa’auigaga na e maua.Fa’aaofia fuaiupu na e maua mai ai fa’auigaga.

Fesoasoani i tagata a’oga ia faailoa e faapea o le malō o Papelonia a le Tupu o Nepukanesa, o le ulu auro (fuaiupu 38).O isi vaega o le ata (po o le tupua) e fai ma faatusa o isi malō o le a mulimuli mai iā Papelonia.

O leTanielu 2:44–45 o se fuaitau o le atamai i a’oa’oga fa’avae.Mafaufau e vala’aulia tagata a’oga e fa’ailoga ia fuaitau o le atamai i a’oa’oga fa’avae i se auala iloga ina ia mafai ona latou mauaina gofie.

Faitau le Tanielu 2:44–45, va’ava’ai mo upu ma fasifuaitau e fa’amatala ai le ma’a.Tusi nei upu fa’ata’amilo i le ma’a i luga o lau pepa ua tufa atu.

A o faitau e tagata a’oga le fa’amatalaga lenei, vala’aulia i latou e tusi le faatusaga o le maa i totonu o le maa i le pepa ua tufa atu.

Na fa’amalamalama mai e Elder D. Todd Christofferson o le Korama a Aposetolo To’asefululua le mea o lo o fa’atusa iai le ma’a:

O le Ekalesia [a Iesu Keriso o le Au Paia o Aso e Gata Ai] o le malō lena na valoia i aso e gata ai, e lei fausiaina e le tagata ae na fa’atūina e le Atua o le lagi ma ta’avale mai ai e pei o se ma’a “na tofi mai le mauga e aunoa ma ni lima” e fa’atumulia ai le lalolagi [Tanielu 2:45; taga’i foi i le fuaiupu 35].(“Aiseā Le Ekalesia,” Liahona, Nov. 2015, 111)

O le ā se mea e mafai ona tatou a’oa’oina e uiga i le Ekalesia toefuata’ina a le Atua mai lenei fa’amatalaga ma mai le fa’aaliga a le Ali’i iā Tanielu?

I le faaaogaina ai o upu a tagata a’oga, fesoasoani iā i latou ia faailoa e faapea na fa’atūina e le Atua Le Ekalesia a Iesu Keriso o le Au Paia o Aso e Gata Ai, ma o le a fa’atumulia ai le lalolagi ma tumau e fa’avavau.

Mafaufau e fa’asoa atu e faapea na folafola mai e le Ali’i lava Ia o Lana talalelei o le a fa’atumulia ai le lalolagi atoa (taga’i i le Mataupu Fa’avae ma Feagaiga 65:2).E mafai e tagata a’oga ona fefa’asinoa’i pe faafeso’ota’i le Mataupu Fa’avae ma Feagaiga 65:2 i le Tanielu 2:35.E te ono fa’amatala atu o le “fa’atumulia o le lalolagi atoa” (Tanielu 2:35) e lē fa’auiga faapea o le a auai tagata uma i le Ekalesia a le Ali’i, ae o le a salalau atu i le lalolagi atoa (taga’i i le 1 Nifae 14:12–14).
E fa’apefea e fasifuaiupu i le Tanielu 2:44–45 ona fesoasoani iā i tatou e malamalama ai i lenei upumoni?

Ua taavale atu le ma’a i luma

Ina ua uma le fa’amatalaina o le miti a le Tupu o Nepukanesa, na fa’asoa atu e Tanielu lana molimau e fa’apea “e mautinoa, ma o lona uiga e mautinoa lava” (Tanielu 2:45).Ao tatou atiina a’e a tatou molimau patino, o upumoni i le Ekalesia toefuata’iina a le Fa’aola e mafai ona avea ma mea mautinoa ia i tatou e ala mai i le mana o le Agaga Paia.

Na fa’asoa mai e Peresitene Russell M. Nelson mea e mana’omia ona tatou faia e atiina a’e ai molimau mautinoa mo i tatou lava:

O lea, i le avea ai ma Peresitene o Lana Ekalesia, ou te aioi atu ia te outou. …Fai le galuega fa’aleagaga ina ia outou iloa mo outou lava [e faapea o le Ekalesia a le Fa’aola ua toefuata’iina mai], ma fa’amolemole fai loa i le taimi lenei.Ua faasolo atu ina utiuti le taimi.(“Sau, Mulimuli Mai ia Te A’u,” Liahona, Mē 2019, 91)

Faitau le “O Le Toefuata’iga o le Atoaga o le Talalelei a Iesu Keriso: O Se Folafolaga Faa-Senetenari Lona Lua i le Lalolagi.”Va’ava’ai mo upumoni ua fa’ailoa mai e le Fa’aola ma mea na tutupu na Ia aumaia i le toefuata’iga o Lana Ekalesia.
Talanoa pe aiseā e taua ai nei mea na tutupu ma upumoni i le Toefuata’iga o le Ekalesia a le Fa’aola.
Talanoa se galuega fa’aleagaga e mafai ona faia e se tasi e fa’amalosia ai a latou molimau e faapea ua toefuata’i mai e Iesu Keriso Lana Ekalesia.

A mae’a se taimi talafeagai, tu’u atu le avanoa i vaega ta’itasi e fa’asoa mai ai se upumoni se tasi po o se mea na tupu na tulaga ese iā i latou.Vala’aulia i latou e fa’asoa mai mafua’aga e taua ai le iai o se molimau o lenei upumoni po o se mea na tupu ma le galuega fa’aleagaga e mafai ona faia e se tasi ia maua ai pe fa’amalosia ai la latou molimau.

A uma ona maua e vaega ta’itasi le avanoa e fa’asoa mai ai, vala’aulia tagata a’oga e tali fesili nei i a latou api tala’aga o suesuega.

O le ā se upumoni po o se mea na tupu i le Ekalesia toefuata’ina a le Fa’aola e te mana’o e fa’amalosia ai lau molimau?
O le ā se galueaga fa’aleagaga e mafai ona e faia e fa’amalosia ai lau molimau i le Toefuata’iga paia e le Fa’aola o Lana Ekalesia?

Tauloto

Atonu e te mana’o e fesoasoani i tagata a’oga e tauloto le mau fa’asino o le atamai i a’oa’oga fa’avae ma le fasifuaitau autū o le mau i le taimi o lenei lesona ma iloilo i latou i lesona i le lumanai.O le fasifuaitau autū o le mau mo le Tanielu 2:44–45 o le “a fa’atūina ai e le Atua o se malō e lē fa’aumatia e fa’avavau.’”O manatu mo gaoioiga o le taulotoina o lo o iai i anomea fa’aopoopo i lalo o le “Gaoioiga Toe Fa’amanatu o le Atamai i A’oa’oga Fa’avae.”

O Puna’oa Fa’aopoopo

Tanielu 2:45.O le ā le uiga o le “na tofia le ma’a i le mauga a e le’i tofia i lima”?

Na a’oa’o mai Elder Ronald A. Rasband o le Korama a Aposetolo e To’asefululua:

15:4

I le fa’amatalaina o se miti mo le Tupu Papelonia o Nepukanesa, sa valoia ai e Tanielu o le Ekalesia a le Ali’i o le a tulai mai i aso e gata ai, o se ma’a itiiti “na tofia i le mauga ae le’i tofia e lima” [Tanielu 2:45].“E le’i tofia e lima,” o lona uiga e ala i le fuafuaga paia, o le Ekalesia a le Alii o le a fa’atupulaia lona maoa’e seia oo ina faatumulia ai le lalolagi uma “[e] lē fa’aumatia … [ae e] tumau lava e fa’avavau” [Tanielu 2:44].(“Fa’ataunu’uina o le Valoaga,” Liahona, Mē 2020, 75)

O le ā le uiga o le ma’a o le a fa’atumulia ai le lalolagi atoa?

Na fa’asoa mai e le Perofeta o Iosefa Samita (1805–44):

Ua fa’atūina le Tagavai o le Upumoni; e leai se lima eleelea e mafai ona taofia le galuega mai le alualu i luma; e ono tula’i mai sauaga, e ono tuufa’atasia tagata fa’atupu faalavelave, e ono fa’apotopotoina vaega’au, e ono taufa’asese tuua’iga, ae o le upumoni a le Atua o le a agai pea i luma ma le manino, mamalu, ma le tuto’atasi, seia oo ina so’o uma ai konetineta, ma asiasi atu i atunuu uma, ma aofia ai malo uma, ma lagonaina e taliga uma, seia oo ina faataunuuina faamoemoega o le Atua, ma seia oo ina fetalai mai le Silisili Ese o Ieova, ua mae’a le galuega.(A’oa’oga a Peresitene o le Ekalesia: Iosefa Samita [2007], 142)

Aiseā e taua ai le Toefuata’iga o Le Ekalesia a Iesu Keriso o le Au Paia o Aso e Gata Ai?

Na a’oa’o mai e Peresitene Jeffrey R. Holland, o le Korama a le Au Aposetolo e To’asefululua:

Ioe, o la tatou savali e mautinoa lava o le Togiola a Iesu Keriso ma mea uma e uiga iai, ae le o ia i tatou se auala e mafai ai ona maua lena meaalofa e lē mafa’amatalaina pe togiolaina pe aoga i olaga o tagata, vagana tatou te folafola atu le Toefuata’iga o le upumoni paia ma le perisitua fa’alelagi o aso e gata ai.Aveese Iosefa Samita ma le Uluai Fa’aaliga, aveese mea na tutupu na mulimuli mai, aveese le toefuata’iga tuusa’o mai le lagi, ma o le ā le mea o iā i tatou?O le a le ia i tatou ni mea se tele—a itiiti mai ua lē lava ia e fa’aesea ai i tatou mai le afe o isi vaega o tagata lelei.(“Testify of the Restoration,” New Era, April 2017, 3–4)

O ā isi malō e mafai ona fai ma faatusa i le ata na va’aia e le Tupu o Nepukanesa?

Afai e manana’o tagata a’oga e a’oa’o atili e uiga i isi malō ua ta’ua i le Tanielu 2:39–43 ma mea ua latou fa’aata mai, e mafai ona latou faitau mea na a’oa’o mai e Peresitene Spencer W. Kimball (1895–1985) i lana lauga “The Stone Cut Without Hands” (Ensign, April 1976, 8).

Gaoioiga Fa’aopoopo e A’oa’o Ai

Se isi amataga

O nisi talavou e ono popole e uiga i amioga leaga ma le leaga ua salalau atu i le lalolagi.Ina ia fesoasoani iā i latou e va’ai atu i le Ali’i nai lo o latou popolega, mafaufau e amatalia le vasega i le fa’amatalaga lenei a Peresitene Gordon B. Hinckley (1910-2008):

Afai e iai se taimi e faasolo atu ina fa’avaivai ai lou fa’atuatua a’o e va’aia le aga’i atu i luma o le leaga ma le sauā, toe faitau le tala iā Tanielu o lē na tu’u atu lona fa’atuatuaga i le “Atua i le lagi, o lē na te fa’aalia mea ua lilo” [Tanielu 2:28], mo le fa’amatalaina o le miti a Nepukanesa.(“Be Not Afraid, Only Believe,” Ensign, Feb. 1996, 4)

Ona mafai lea ona e vala’aulia tagata a’oga e suesue le Tanielu 2 e fa’aaogaina ai se va’aiga e fa’avavau a o latou va’ava’ai mo upumoni e mafai ona latou a’oa’oina mai le tala.Vala’aulia i latou e mafaufau pe fa’apefea e mea ua latou a’oa’oina ona fa’amalosia ai lo latou fa’atuatua e ui i mea leaga latou te va’aia i o latou siosiomaga.

Mau o le Toefuata’iga i le Feagaiga Tuai

O mau nei e mafai ona fesoasoani i tagata a’oga ia iloa valoaga i le Feagaiga Tuai e uiga i le Toefuata’iga.E mafai ona e fa’aaoga nei mea fa’atasi ma le folafolaga o le Toefuata’iga i le vaega o le lesona ua fa’aulutalaina “O le ma’a e ta’avale i luma.”E mafai ona filifili e tagata a’oga se manatu fa’asino se tasi e suesue, ma fa’ailoa mai se upumoni po o se mea o le Toefuata’iga latou te maua mai ai.

Ieremia 16:14–16 (o le fa’apotopotoina o Isaraelu e ala i le galuega fa’afaifeautalai)
Esekielu 37:15–19 (e aumaia fa’atasi le Tusi Paia ma le Tusi a Mamona o ni molimau iā Iesu Keriso)
Amosa 3:7 (o perofeta)

I le ma lenei, e te ono fa’aopoopo atu le Tala Fa’asolopito—Iosefa Samita 1:16–17 (o le Uluai Fa’aaliga) i filifiliga mo tagata a’oga e suesueina.

O le talalelei a Iesu Keriso ua fa’atumulia ai le lalolagi

A mae’a ona iloa e tagata a’oga e faapea o le ma’a i totonu o le Tanielu 2 e fa’asino atu i Le Ekalesia a Iesu Keriso o le Au Paia o Aso e Gata Ai, e mafai ona e fesoasoani atu iā i latou e va’ai i lona tupu ma ola i le lalolagi atoa.Ina ia faia lenei mea, e mafai ona e fa’aali atu se siata e pei o lea e i luga o le laupapa.

	O Tagata o le Ekalesia	Siteki	Malumalu Fa’apaiaina
6 Aperila, 1830	O Tagata o le Ekalesia 6	Siteki 0	Malumalu Fa’apaiaina 0
1880	O Tagata o le Ekalesia 133,628	Siteki 23	Malumalu Fa’apaiaina 1
1930	O Tagata o le Ekalesia 670,017	Siteki 104	Malumalu Fa’apaiaina 7
1980	O Tagata o le Ekalesia 4,639,822	Siteki 1,218	Malumalu Fa’apaiaina 19
Aso Nei	O Tagata o le Ekalesia	Siteki	Malumalu Fa’apaiaina

O tausaga ta’itasi, o le lomiga o Mē o le Liahona e maua ai fa’amaumauga o lipoti faafuainumera o le tausaga ua faatoa mavae.E mafai ona fa’aaoga e tagata lena mea e fa’atumu ai koluma o “Tagata Auai o le Ekalesia” ma “Siteki” i le laina mulimuli.E mafai ona maua e tagata a’oga le numera o malumalu ua fa’apaiaina i le lisi o malumalu i le ChurchofJesusChrist.org e ala i le oomiina o le aū faasino i lalo o “Tulaga.”Ona mafai lea ona e tuu atu le avanoa e fa’asoa mai ai e tagata a’oga fa’amatalaga i mea na latou maua mo le laina o “Aso Nei”.

O se isi auala, e mafai ona e fa’aali atu i tagata a’oga le ola o le Ekalesia a Iesu Keriso i le tausaga 2017 e ala i le taina o le “The Gospel Shall Roll Forth” (2:47).

2:48

Mauaina O Le Fesoasoani A Le Atua

Ao le’i faitauina e tagata a’oga le fa’auigaga o le miti a le Tupu o Nepukanesa, e mafai ona latou faitau i le auala na maua ai e Tanielu le poto e fa’amatalaina ai.Vala’aulia tagata a’oga e faitau le Tanielu 2:17–23, va’ava’ai po o le ā se mea na faia e Tanielu ina ia maua le fa’aaliga mai le Tamā Fa’alelagi.E mafai ona e vala’aulia tagata a’oga e mafaufau i mea e mafai ona latou faia ia mulimuli ai i le fa’ataitaiga a Tanielu.E mafai foi ona latou mafaufau po o ā tulaga latou te feagai o le a latou mana’omia ai fa’aaliga mai le Tamā Fa’alelagi.